1 Tesalonika 4:3 - Kaa n Kəzə̀ n fəghə mə

³ Zə̀ kə ləghə nə̀ ghaa i zow n muu i ghaa, ghaa tuu maʼa tən ghəə a laŋŋə ghə.

1 Tesalonika 4:3 ပူးပေါင်းရင်းမြစ်များ

Matyo 12:50

Wù wey tə ghəŋŋənə ghəə ghey Bày wuŋ idəŋ ləghənə, tə sey loʼ waazə wuŋ u num wə, waazə wuŋ u zən wə nsə này wuŋ.”

Matyo 15:19

N təŋkey, à loʼ n fə̀ŋ zə moʼlə tə bəbə tə shiə kɔʼɔ bənə ni ghəŋə aghəə tə̀ a loʼ, ni wey wù, ni taa zaʼ wey wə nkee num wə, ni ghəŋə ghəə a laŋŋə ghə, ni tsɔŋ, ni bad aghəə, nsə ni tsayyə wù.

Matyo 5:32

N kee dza bə tə̀ ghaa nə̀, wù wey tə dzawwənə wû wə ghî wey wi nə̀ a way nə̀ weyzən ə tii laŋŋənu, i sey diinə a loʼ wi tə ghəŋənə nə̀ weyzən wey shi nuu. Wù wey tə ney ndòwnə weyzən wey tə shinə nûm, sey taa zaʼ soʼonu.”

Matyo 7:21

Yeso n nam dza ndow tə̀ ghə nə̀, “À way dzə aghə̂ adzəm ghə ngɔɔmənə mə nə̀, ‘Mûkəbii, Mûkəbii’, ghə î nyiənə n fɔɔ u Kəzə̀. À may kə wù wey tə ghəŋŋənə ghəə ghey a kpiilənə tə̀ Bày wuŋ wən tə loʼnə idəŋ.

Malakus 3:35

Wù wey tə ghəŋŋənə ghəə ghey Zə̀ kə ləghənə, loʼ waazə ghuŋ nsə nay wuŋ.”

Tùm i dzuŋu zə kuum Yeso Klisto tə Jɔn â tɔɔnə 4:34

Yeso n dza ndòw tə̀ ghə nə̀, “Fəzəə wuŋ u loʼ ni fwaʼ fwaʼ key wù wey tə tûm bənə mə, ləghənə nə̀ n fwaʼ, nsə ni mayyə fwaʼ key tə fuunə tə̀ mə nə̀ n fwaʼ.

Tùm i dzuŋu zə kuum Yeso Klisto tə Jɔn â tɔɔnə 7:17

Wù wey tə ləghənə ni ghəŋŋə ghəə ghey Zə̀ kə ləghənə, tə i keelinu nə̀ ghəə ghən n diinə fa, a nuu bə n wɔ Zə̀ kə mɔ n ghɔɔmə n ngəŋ zuŋ ə.

Kəfwaʼ 15:20

Saa fəd tɔ̀ɔ dza ndow tə ghə nə̀ kə ghə nə zə̂ənə fə kə nə̀ ghə n fuu tə a loʼ umaʼlə tə muʼu mə, kə ghə nə ghəŋŋənə ghəə a laŋŋə ghə, kə ghə nə fəənə nyam nə ghə ka səghə, kə ghə nə zəə soʼonə kaŋ tə.

Kəfwaʼ 15:29

ghaa khə way ni zə̂ ufəzəə nə̀ ghə n fuu tə aloʼ umaʼlə tə muʼu mə, ghaa khə way ni zə̂ təkaŋ, ghaa khə way ni fə nyam nə ghə ka səghə, ghaa khə soʼo way ni ghəŋŋə ghəə a laŋŋə ghə. Abə ghaa loʼ ninaŋa laŋ u wən kələ, ghaa i khə way chɔd u loʼ wə. Ghaa doʼo kədzuŋ.”

Kəfwaʼ 20:32

Nya, n fuu naŋŋə ndow ghaa n wɔɔ K-a-zə̀ nsə tə tûm zən bòʼ ndzuŋ ə Kəzə̀. À loʼ wi tə i loʼ ni bɔɔ teyyə bə ghaa, tə ghəŋŋə soʼo nə̀ ghaa zə̂ fə wey u loʼ n wɔ ghə̂ a wi ghey adzəm tə sày naŋanə.

Kəfwaʼ 26:18

À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

Roma 1:29

À n fə̀ŋ tə ghə luu doʼo tən kə lii tə aghəə tey tə kpiilə way n sə K-a-zə̀, tə aloʼ ghəə a bəbə, umə̂, mwam u bəbə wə. Ghəə ghey a kpiilə way tə aloʼ kəghoʼ, ni wey wù, ni tsowwə ghɔɔmə, ni nəbə ghə̂ ghə, khə fənyiʼi n kow ghə̂ ghə, khəə kaabə soʼo təfəghəm.

Roma 12:2

Kə ghaa nə dzûmənə ghow kə ibwey kə ghə̂ a mbi ghən, fəd zəghə tsu n na nə̀ Zə̀ kə kweyyə kɔʼ fə̀ŋ tə ghaa. Abə ghaa ghəŋənə sey, ghaa i loʼ ni keeli ghəə zey Zə̀ kə ləghənə. Ghaa i khə ghəə zey i loʼnə ghə i dzuŋu zə tə Zə̀ kə, khə ghəə zey i loʼnə tsətsəghə, kpiilə soʼo tə̀ wi.

Roma 6:22

Nya wən Zə̀ kə bəghəshinə ghaa n ghəə a ghaa a bəbə ghə, ghaa u doʼo bənə kɔd u wi, naamə kə ghaa kə loʼ nə̀ ghaa nya loʼ ni muu muu zən i zownə tə̀ Zə̀ kə, sey nə̀ ghaa keeli muu zən i nə may way.

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

1 Kɔrint 7:2

Nghee ghəə a laŋŋə a ngii kəmənə n fəŋŋə kə ghaa, kay weynum khə ni ney ndòw wey wi, kay weyzən khə ni ney ndow soʼo num wi.

2 Kɔrint 12:21

N tsəŋə nə̀ abə mə i kəm bənə, tow kə i ngii dəd mə n sə kə Zə̀ kuŋ bòʼ ghaa. Mə i kaʼ ni mow bòʼ ndəmə ghə̂ ghey ghə â ghəŋənə bəb zə, ghə a nam loʼ nə̀ ghə ka kam kweyyə nuu bə fə̀ŋ tə ghə tə n ghəə a ghə a dzəə ghə, ghəə a laŋŋə ghə nsə moʼlə tə dzəə tey ghə â khənə.

Galeshia 5:19

Ghəə ghən gow uwû saa ləghənə loʼ, ilaŋŋə, ghəə a dzəə ghə, ghəə a laʼlə ghə

Efesus 5:17

Sey, Kə ghaa nə̂ muulənə tə̀ a loʼ ghə̂ a laʼlə ghə, ghaa fəd khə ni zowkeeli tsu ghəə ghey Mûkəbii ləghənə nə̀ ghaa i ghəŋŋə, ghaa n ghəŋə ndow ghəə a tii ghə.

Efesus 6:6

Kə ghaa nə̂ fwaʼa kənə n nəŋə zey wù tii laalə bənə ghaa. Ghaa i fədlə fwaʼa ndow tə̀ a loʼ ghə̂ a kəfwaʼ a Klisto, ghəŋŋə ndow ghəə zey Zə̀ kə ləghənə n fə̀ŋ tə dzuŋu tə.

Kolose 1:9

À wey loʼ i ghi ni ney nuu bə n tsuʼ fey ghey â zow tsu zɔŋ u ghaa wə, ghey ka kam buu naŋa koʼ ni gɔŋŋə n tow u ghaa nə Zə̀ kə gaamə nə̀ ghaa i loʼ ni keeli ghəə zey tə ləghənə. Tə fuu ghaa n tɔb wə, nsə daʼa kə Zay kə Zow kə nə ghaa i loʼ ni zowkeeli dzɔb ghəə a tii ghə.

Kolose 3:5

Sey, ghaa khə ni teeli tuu maʼa ghəə a bəbə ghən gow uwû ləghənə, tə a loʼ; ilaŋŋə, ghəə a dzəə ghə, ni mbuŋŋə ni nyəŋi ghi wù, moʼlə tə bəbə tə, nsə mə̂ wə, n təŋkey, mə̂ u loʼ ighələ tə̀ wù nə̀ ngɔɔmənə muʼu mə.

Kolose 4:12

Epafras wən tə loʼnə wù naʼ i ghaa, loʼ soʼo wù kəfwaʼ a Yeso Klisto tɔŋɔ zow bə ghaa. Tə gɔŋŋə tə ghaa nəŋə tədzəm n fə̀ŋ ə wi idzəm. Gɔŋŋə nə̀ Zə̀ kə ghəŋŋə nə̀ ghaa i tɔʼɔ taw n bəghəm i fə̀ŋ i ghaa, sey nə̀, ghaa loʼ ni tɔʼ zowkeeli ghəə a səŋi ghey Zə̀ kə ləghə nə̀ ghaa ghəŋə.

1 Tesalonika 4:2

Ghaa mgbaŋ khənu ndzoʼo tsə̀ zən ghey fuunə tə̀ ghaa n daʼa kə Yeso Klisto.

1 Tesalonika 4:4

Kay wù khə ni zoʼlə tsu ni kwu keeli wû u wi sey nə̀ muu i wi zə i zow, tə i khə ngɔɔmə zə.

1 Tesalonika 5:18

Ghaa i fuu zɔŋŋə kə nə aghəə adzəm, n təŋkey à wən loʼ ghəə zey Zə̀ kə ləghənə nə̀ ghə̂ ghey adzəm ghə loʼnə nə kəfə kəmɔʼ ghi Yeso Klisto i ghəŋŋə.

1 Tesalonika 5:23

Ghey gɔŋŋə nə̀ Zə̀ kən kə ghəŋŋənə nə̀ fə̀ŋ tə ghaa tə i loʼ nə ibuulə, n wû u wi kə bə ghəŋə nə̀ ghaa i zow n muu i ghaa. Ghey gɔŋŋə nə̀ ghəə adzəm ghaa ghəŋŋənə, ghəə ghey ghaa ləghənə nsə ghəə ghey ghaa moʼlənə i khə way bwu i loʼ zə abə Mûkəbii saa Yeso Klisto i bə dzəŋŋənə.

2 Tesalonika 2:13

Waazə ghə, ghey khə ni fuu zɔŋŋə kə nəŋə tədzəm tə̀ Zə̀ kə bòʼ ghaa ghən Mûkəbii ləghənə n təŋkey Zə̀ kə â sày ghaa nə nzeyyə nə̀ ghaa keeli ibəghəshi n daʼa kə Zay kə Zow kə ni ghəŋə nə̀ ghaa doʼo ghə̂ wi a zow ghə. Ghəə ghən ghə a shi nghee tə̀ ghaa bəghəmnə tûm Kəzə̀ zən i loʼnə isəŋə.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 10:36

Ghaa khə ni kow tsu kə təfə̀ŋ sey nə̀, abə ghaa ghəŋə tsunə ghəə ghey Zə̀ kə ləghənə, tə i fuu ghaa n fə key tə â təb naŋanə tə ghaa.

Hibru 12:16

Kə wù ghaa u loʼ u nə ghəŋŋə ghəə a laŋŋə ghə, kə wù ghaa u loʼ u doʼlə nə̀ tə khə way Zə̀ kə tə a loʼ Isaw wən tə â fìinə daʼa wey tə â shi bə n ghii wə tə̀ a loʼ waa u sə isə wə n nəŋə i zəə zə imɔʼ.

Hibru 13:21

fuu ghaa n fə u dzuŋu wə udzəm tə̀ ghaa i bwey ndow n jìi zey tə ləghənə. Tə ghəŋə nə̀ saa i fwaʼa fwa key tə ləghənə n bam i Yeso Klisto, tə wən a fuunə wi n kɔʼlə mə nə tənəŋə tədzəm. Zə i loʼ sey.

Hibru 13:4

Tɔʼɔ kwu keeli n na ney zə iwû zə. Kə wù loʼ n ghə̂ ghey ghə ney dzənə wû zə nə shiə nyəŋinə ghi wù nuu a bii n təŋkey, Zə̀ kə i chɔdlɔnu ghə̂ ghey ghə shiə nyəŋinə ghi ghə̂ ghə a bii nsə ghə̂ ghey adzəm ghə ghəŋŋənə ghəə a laŋŋə ghə.

1 Pita 1:2

Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.

1 Pita 4:2

Sey, ni ney nuu tsu nya, ndow n sə kə, ghaa khə ni teeli muu muu i ghaa zə n nəŋə zən ghaa nam khənə fa n mbi n jìi zey Zə̀ kə ləghənə, a way dzə n jìi zey gow uwû ləghənə.

1 Jɔn 2:17

Mbi zən nsə fə wən udzəm u loʼ nə tii ghə̂ a ləghə nə̀, u tsəghə daŋŋənu. À kee loʼ nə̀, ghə̂ ghey ghə ghəŋŋənə ghəə ghey Zə̀ kə ləghənə, ghə keeli muu zə itsali.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”

Chi dii 22:15

Ghə̂ ghey ghə i kee nyi way fu inaʼ, loʼ ghə̂ ghey ghə ghəŋŋə ghəə a dzəə ghə nsə ghə̂ ghən ghə ghəŋŋə ghəə a fənnə ghə, ghə̂ ghey ghə ghəŋŋə ghə a laŋŋə ghə nsə ghə̂ ghey ghə weynə ghə̂ ghə, ghə̂ ghey ghə ngɔɔmə muʼu mə nsə ghə̂ ghey adzəm ghə ləghənə ni badla ghəə ghə n ghɔɔmə i ghə nsə n ghəə ghey ghə ghəŋŋənə.