1 Tesalonika 4:16 - Kaa n Kəzə̀ n fəghə mə

¹⁶ I loʼ sey n təŋkey, nəŋə zey Mûkəbii n wû u wi wə î tsu bə idəŋ, tə î naʼa tsu kəbɔŋ kə taw kə, tsəndəghə ə Kəzə̀ u nii wə i naʼa tsu soʼo kəbɔŋ, sɔŋ i Kəzə̀ zə i fuŋ tsu, sey dzûmə tə Klisto tən tə â kpu dzənə i zhəm dzəŋŋə bə isə̂ nə̀ ivə.

1 Tesalonika 4:16 ပူးပေါင်းရင်းမြစ်များ

Chi dii 1:7

Koʼo na! Tə wey tə bəghənə nə təmbaʼ! Ghə̂ adzəm i koʼo wi, ghə̂ ghey ghə â tsuʼnə wi, i koʼ daŋŋə soʼo wi. Ghə̂ adzəm fa n mbi ghə i deyyə bòʼ wi. Zə i bɔɔmə doʼo kə sey! I doʼo sey.

1 Kɔrint 15:23

A kee loʼ nə̀ kay wù i zhəm dzəŋŋə bə kə nə ivə nə ulii. Klisto â loʼ wù sə̂ isə wə ni zhəm dzəŋŋə bə nə ivə. Abə Klisto i bəghə dzəŋŋənə fa n mbi, ghə̂ ghən adzəm ghə loʼ nə̀ a loʼ ghə̂ a wi, ghə nə zhəm dzəŋŋə bə soʼo nə ivə.

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Matyo 25:31

Yeso n dza tə ghə nə̀, “Abə waa weynum î bənə n wû u kədə̀ŋ ghi tsətəndəghə tə Kəzə̀ tə tədzəm ghi wi, tə i bə doʼo tsu n kuu kə ufɔɔ kə wi.

2 Tesalonika 1:7

Tə i ghəŋŋə nə̀ ghaa ghən ghaa fəʼlənə nya nə̀ ghaa keeli izayyə, tə ghəŋə soʼo nə̀ ghey zayyə. Zə̀ kə i ghəŋŋə ghəə ghən abə Mûkəbii Yeso i tsu bənə idəŋ ghi tsətəndəghə tə wi tə nii tə.

2 Tesalonika 2:1

Waazə ghə, ghey dza ghɔɔmə bə tə̀ ghaa nya kuum bə i Mûkəbii saa Yeso Klisto nsə nghee saa i zɔŋə bəghənə tii ni doʼo ghi wi. Ghey buʼu bə kəwɔɔ tə̀ ghaa waazə ghə nə̀

Kəfwaʼ 1:11

Ghə̂ a tii ghə n bəb ndow tə tsətəndəghə tey nə̀, “Ghə̂ a Galili ghə, a loʼ kee ghaa tey sɔʼɔ laalə kɔʼɔ ndow bikighow? Yeso wən Zə̀ kə ney nuu kɔʼ ndow idəŋ n wɔ ghaa, a loʼ soʼo ighələ tə i bəghə dzəŋŋənə tə̀ ghaa â koʼ ndownə nghee tə nuulə ndownə tii.”

2 Pita 3:10

A kee loʼ soʼo nə̀ tsuʼ fey Mûkəbii i bəghənə tii, wù loʼ i keeli naŋa way. Tə i bəghə nə̀ ghaa ka keeli naŋa tə̀ wù tsɔŋɔ nə bəghə nə̀ ghaa ka keeli. N tsuʼ fə tii fə, dəm kə nə kwɔɔ nghee dəŋ kə saŋa nuulə nyiə ndownə. Zə̀ kə nə ləŋi maʼa fə wən udzəm u loʼnə idəŋ nə uvələ. Ghəlikətsə nsə fə wən udzəm u loʼnə tii i saŋ nuu tsu.

Chi dii 8:13

Mə n laalə ndow, mə n zow ndow boʼo tûm i zəʼlə kaabə idəŋ idəŋ, zə n dey shi bə n dzə̂ i taw zə nə̀, “Ohooo! Ohooo! Ngoʼ i faalə i bəghənu tə ghə̂ ghən fa a ghəlitsə bòʼ ghəə zən zə i shiənə abə tsətəndəghə tə Kəzə̀ tən tətəghə i tɔŋɔnə sɔŋ tə ghə tə.”

Matyo 26:64

Yeso n beeli ndòw wi nə̀, “I loʼ tə̀ wə dzanə. N kee dza bə tə̀ ghaa nə̀, ni nuu tsu nya ndòw isə, ghaa î koʼo Waa Weynum tə doʼnə n kpii u təmə u Kəzə̀ wə, Zə̀ kən kə khənə daʼa wə udzəm. Ghaa i koʼ soʼo tə shiə tsu bənə n bikighow nə təmbaʼ.”

Chi dii 14:13

Sey, mə n zow dzə̀ i loʼ zə idəŋ i ghɔɔmə nə̀, “Tɔ̀ɔ naŋa tsu nə̀, ni ney nuu tsu nya, ndow n sə kə, Zə̀ kə i buulə ghə̂ ghən ghə kpunə nə̀ ghə fwaʼa fwaʼ kə Mûkəbii!” Zay kə Zow kə dza nə̀, “Ndzəm ndzəm, ghə i keelinu zayyə zə n fwaʼ kə taw kən ghə fwaʼanə, n təŋkey, ghəə a dzuŋu ghey ghə ghəŋŋənə dii bə fə key ghə loʼnə ghii kə.”

Màʼlə kə Jud tə̀ ghə̂ a Kəzə̀ ghə 1:9

Wû u Maykel wən tə â loʼnə tow kə tsətəndəghə tə Kəzə̀, nghee tə â zùulənə vən i Mushi zə ghi vəətsəə ghə, tə â ka fòʼlə dzə ni tsəʼlə saʼ n kow wi nə̀ tə tsayyə Kəzə̀. Tə â fəd dza nə̀, “N gɔŋŋə nə̀ Zə̀ kə chɔd wɔ n ghəə zən.”

Chi dii 1:10

A n bə n tsuʼ inaʼ wə nkala u loʼ wə, Zay kə Zow kə nyi bə n kow mə, mə n zow ndow dzə i taw i loʼ zə i fuŋunə n baa mə tə aloʼ isɔŋ ghə tɔŋɔnə.

Matyo 16:28

N dza bə isəŋə tə̀ ghaa nə̀, ghə̂ a loʼ a loʼ fa ghə i koʼ way və zə nə̀ ghə ka koʼ Waa Weynum tə bəghənə n wû u Kədə̀ŋ.”

1 Kɔrint 15:18

Abə ghəə a tii a ndzəm loʼnə sey, i sey dii nə̀ ghə̂ ghən ghə a kpunə nə̀ ghə bəghəm tə̀ Klisto â sey kpu nə kənunu.

1 Kɔrint 15:20

Isəŋə kee loʼ nə̀, Zə̀ kə mâ zhəm dzəŋŋə bə Klisto nə ivə, dii tsu nə̀ ghə̂ a kpu ghə i zhəm dzəŋŋə bə soʼonu nə ivə.

1 Tesalonika 1:10

Ghə dza kaabə soʼonu nghee ghaa ləmmənə Waa Kəzə̀ wən tə i tsu bə idəŋ, tɔŋŋə Yeso wən Zə̀ kə â zhəm dzəŋŋə bənə nə ivə. À loʼ wi tə bəghəshiənə saa n nə̀ kə Zə̀ kə nə chɔdlɔnə saa.

1 Tesalonika 3:11

Ghey gɔŋŋə nə̀ Zə̀ kə, tə loʼnə Bày, loʼ soʼo Bày tə Mûkəbii saa Yeso Klisto, dii ghey n jìi zey ghey loʼ ni bə taa fey n səə ghaa.

Chi dii 8:2

Mə n daŋŋə koʼ ndow tsətəndəghə tə Kəzə̀ tə tii tə təsəghəmbəghə tə tey n səə Kəzə̀, ghə n fuu ndow ghə n sɔŋ tə təsəghəmbəghə.