1 Tesalonika 4:1 - Kaa n Kəzə̀ n fəghə mə

¹ Ni ndow n sə kə waazə ghə, ghey mâ ghaa dəŋ kɔʼ bə n jìi zey ghaa khə ni muu tə̀ i kpiilənə tə̀ Zə̀ kə. Mə u ndzəm khə soʼo nə̀ a wey loʼ nghee ghaa muunə tii. Ghey nay fa buʼu bə ghaa n wɔ̀ kə n zəd i Mûkəbii Yeso nə ghaa ndow kə n sə kə n mwam u tii wə.

1 Tesalonika 4:1 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 15:2

Abə kpìi kə loʼ kə məə way tam wə, tə n khəə maʼa i tsu, u wey u məənə tam wə, tə n faalə kad naŋa kɔʼ nə̀ wə i ngii məə tsu.

Kəfwaʼ 20:27

N təŋkey mə â ka səm koʼ tsə ni dza tə ghaa ghəə ghən adzəm Zə̀ kə ləghə nə̀ ghaa keeli.

Roma 8:8

Ghə̂ ghey ghə ghəŋŋənə ghəə ghey gow uwû ləghənə, ghə way ni ghəŋə dzə ghəə ghey Zə̀ kə ləghənə.

1 Kɔrint 11:23

N dza i dza bə tə̀ ghaa nə̀, ghəə ghən n dza bənə tə̀ ghaa, à loʼ ghəə ghey Mûkəbii â dza bənə tə̀ mə n wû u wi wə. I loʼ nə̀, n tsuʼ fey ghə â fìi fuunə Mûkəbii Yeso tii, n tsuʼu tə tii tə, Yeso n ney kɔʼ boʼo fə baa,

1 Kɔrint 15:1

Waazə ghə, n dza i zəŋŋə bə ghaa n tûm i dzuŋu zən mə â naʼlə tə̀ ghaa, ghaa n ney naŋa tsu, ghaa u təmi taw tsunə tii n bəghəm i fə̀ŋ i ghaa.

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

2 Kɔrint 10:1

À loʼ mə̀ Pɔl n wû wuŋ wə, n maʼa tsunə wû wə ni buʼ kəwɔɔ tə̀ ghaa n zəd i Klisto wən tə buulənə, zə̀ələ loʼ soʼo. À loʼ mə wən ghə̂ a loʼ a dza kaabənə nə̀ abə n loʼnə n sə kə ghaa, mə n tsəŋə, kee tɔɔbə ghɔɔmə abə n nuu ndownə.

2 Kɔrint 13:11

Nyisa waazə ghuŋ a dzuŋu ghə, ghaa doʼo kədzuŋ! Dəm tsu na ni ghəŋə ghəə ghey a loʼnə tsətsəghə. Ghaa i naŋŋə tsə̀ zuŋ zə, zowkeeli tsuu na wû i ghaa zə, ghaa i muu ni ibuulə. N gɔŋŋə nə̀ Zə̀ kən kə fuunə ləghə zə nsə buulə zə i loʼ ghi ghaa.

2 Kɔrint 5:9

Sey, abə ghey loʼ kə ghi vən fə uwû fən nkee ghey way ghi wû u tii wə, moʼlə tə ghey tə loʼ kə ni ghəŋə ghəə ghey a kpiilənə tə̀ wi.

2 Kɔrint 6:1

Nghee tə̀ ghey fwaʼa dzəŋinə ghi Zə̀ kə, ghey buʼu bə kəwɔɔ tə̀ ghaa nə̀ kə̂ ghaa nə bəghəmnə nə̀ ndzuŋ ə Kəzə̀ zən ghaa keelinə doʼo Kənunu.

Galeshia 6:1

Waazə ghuŋ ghə, abə wù ghaa u loʼ u ghəŋə bəəbə tsunə ghə zə, ghaa ghən ghaa muu nə n daʼa Zay kə Zow kə, ghaa khə ni nyoʼlə bɔɔ teyyə dzəŋŋə bə wù tii n jii ibam, kee ghə̂mə kə nə kə fə kə loʼ kə nə chimmənə ghaa nə ghaa nyi ndow soʼo ni ghəŋə ghəə a bəbə ghə.

Efesus 4:1

Mə wən n loʼnə wù ndaw tsaʼ boʼnə n fwaʼa tə̀ Mûkəbii, n buʼu bə kəwɔɔ tə̀ ghaa nə̀ ghaa i muu muu zey i kpiilənə tə̀ ghə̂ ghey Zə̀ kə sàynə ghə.

Efesus 4:20

À wən way dzə ghəə ghey ghaa â zoʼlənə kuum Klisto.

Efesus 5:17

Sey, Kə ghaa nə̂ muulənə tə̀ a loʼ ghə̂ a laʼlə ghə, ghaa fəd khə ni zowkeeli tsu ghəə ghey Mûkəbii ləghənə nə̀ ghaa i ghəŋŋə, ghaa n ghəŋə ndow ghəə a tii ghə.

Filipi 1:27

Abə i loʼ kə ngee, ghaa khə ni muu muu i ghaa zə tə̀ tûm i dzuŋu zə kùm Klisto diinə. I loʼ sey nə̀ abə n bənə n sə̀ə ghaa nkee n ka bə koʼ ghaa, nə̀ n zow kə ghaa nə kətuŋŋə, mə i khə nə̀ ghaa dzəŋi tey n fə̀ŋ imɔʼ, dzəŋi təmə tsam ə tûm i dzuŋu zə nə kəfə kəmɔʼ, ni ghəŋə nə̀ ghə̂ a keeli bəghəm i fə̀ŋ tə tûm i dzuŋu i diinə.

Filipi 1:9

N gɔŋŋə nə̀ ləghə zey ghaa khənə n wû i ghaa zə i nyîmmə kɔʼɔ ndòw naʼ idzəm. N gɔŋŋə soʼo nə ghaa i loʼ ni keeli isəŋə zey i loʼ nə bòʼ Kəzə̀ sey nə̀ ghaa loʼ ni keeli ghəə zey i kpiilənə nsə i zey i kpiilə way,

Filipi 3:14

N dəmə ndow kə n sə kə, nə̀ n keeli kɔʼ kənaamə, tɔŋɔ naamə key kə loʼ idəŋ, kə key Zə̀ kə naŋanə tə̀ mə n bam i Yeso Klisto.

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

Kolose 2:6

Nghee ghaa bəghəm dzənə Yeso Klisto tə a loʼ Mûkəbii, ghaa khə ni muu nə kəfə kəmɔʼ ghi wi.

1 Tesalonika 3:12

N gɔŋŋə nə̀ ləghə zey ghaa khənə n wû i ghaa, nsə n kow ghə̂ a loʼ ghey adzəm, i ndəŋ kɔʼ ndow tə a loʼ ləghə zən ghey khənə n kow ghaa.

1 Tesalonika 4:2

Ghaa mgbaŋ khənu ndzoʼo tsə̀ zən ghey fuunə tə̀ ghaa n daʼa kə Yeso Klisto.

1 Tesalonika 5:12

Ghey buʼu bə kəwɔɔ a waazə ghə nə̀ ghaa fuu ingɔɔmə tə ghə̂ ghey ghə fwaʼanə n fəŋŋə kə ghaa. Ghə tsə̀ə ghaa dii soʼo ghaa n jìi zey Zə̀ kə ləghənə nə̀ ghaa muu tii.

2 Tesalonika 1:3

Waazə ghə, ghey fuu kəzɔŋŋə nəŋə tədzəm tə Zə̀ kə bòʼ ghaa. I ndzəmə dzɔbənu ni ghəŋə sey təŋkey, bəghəm i fə̀ŋ i ghaa i ndəŋə nyîmmənu, ləghə zey ghaa khənə n wû i ghaa, zə a nyîmmə soʼo naʼ idzəm.

2 Tesalonika 2:1

Waazə ghə, ghey dza ghɔɔmə bə tə̀ ghaa nya kuum bə i Mûkəbii saa Yeso Klisto nsə nghee saa i zɔŋə bəghənə tii ni doʼo ghi wi. Ghey buʼu bə kəwɔɔ tə̀ ghaa waazə ghə nə̀

2 Tesalonika 3:1

Ni guŋ kɔʼ waazə ghə, ghaa i gɔŋŋə tə ghey. Ghaa i gɔŋŋə nə̀ ghɔɔmə i Mûkəbii zam ndow luʼu tədzəm, nsə nə̀ ghə̂ ghə i loʼ ni ngɔɔmə naŋa ghɔɔmə i tii zə tə̀ zə â loʼ nə ghi ghaa.

2 Tesalonika 3:13

Abə ghaa waazə ghə i khə ghaa nə̂ buu doʼonə ni ghəŋə ghəə a dzuŋu ghə.

1 Timoti 5:21

Nghee tə Zə̀ kə, Yeso Klisto nsə tsətəndəghə tə Kəzə̀ tən Zə̀ kə sày kɔʼnə loʼnə tə̀ a loʼ ghə təmi tiillə, n dza bə tə wɔ nə̀ wə dzûmə kɔʼ bə laŋ wən n fuu bənə tə wɔ nə̀ wə sày way wù, laalə soʼo way tûm usə u wù wə abə wə ghəŋŋənə ghəə zə.

2 Timoti 4:1

N dza bə tə wɔ a Timoti n sə K-a-zə̀ nsə Yeso Klisto wən tə i saʼanə ghə̂ ghən ghə loʼ utaw nsə ghə̂ ghən ghə kpu dzənə, abə tə i bənə ni bə saʼ mbi tə a loʼ kədə̀ŋ nə̀,

Hibru 11:6

Sey, wù loʼ way dzə ni ghəŋə nə̀ Zə̀ kə i duʼlə ghi wi abə tə khə way bəghəm i fə̀ŋ zə, n təŋkey, wù wey tə bəghənə n səə Kəzə̀, tə khə ni teeli khə bəghəm i fə̀ŋ zə nə̀ Zə̀ kə loʼnu nsə nə̀ tə naamənu ghə̂ ghən ghə kəŋənə wi.

Hibru 13:16

Kə ghaa i neyzəə ni ghəŋŋə ndzuŋ nsə ni dzawwə fuu ndow ghə̂ ghey ghə khə way boʼnə Zə̀ kə duʼlənu n ndzoʼo maʼlə wən.

Hibru 13:22

Waazə ghuŋ ghə, n buʼu bə kəwɔɔ tə̀ ghaa nə̀ ghaa kow tsu fə̀ŋ ni zəllə tûm zən n tɔ̀ɔ bənə ni kuu bə fə̀ŋ tə ghaa. A wey loʼ ghə i tii zə n tɔ̀ɔ bənə sə fə aghəə fən tə̀ ghaa.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.

1 Jɔn 3:22

Saa i keelinu fə wən saa nɔɔnə n wɔ wi n təŋkey, saa naŋŋənu laŋ u wi wə, ghəŋə soʼo ghəə ghey a dzɔbənə tə wi.