1 Tesalonika 3:3 - Kaa n Kəzə̀ n fəghə mə

³ Ghey ləghə nə̀ kə wù ghaa u loʼ u nə keelinə tsəŋ zə n chɔd mən ghaa koʼonə n təŋkey, ghaa khənu nə̀ saa adzəm khə ni keeli ndzoʼo chɔd mən boʼo Kəzə̀.

1 Tesalonika 3:3 ပူးပေါင်းရင်းမြစ်များ

Lukas 21:12

Tə ghəə ghən ni bə shi, ghə nə̂ kwɔɔ ghaa, ghə nə̂ chɔd ghaa, ghə nə̂ fuu tsəghə ndow ghaa tə̀ ghə̂ ghey n ndaw tə udzəŋi u ghə̂ a təjuu nə ghə saʼ ghaa, ghə nə̂ kuu ghaa n ndaw tsaʼ. Ghə i ney bə ghaa n sə kə udəŋ nsə ghə̂ a saʼa ghə inaʼ ghə kùm zəd zuŋ.

Tùm i dzuŋu zə kuum Yeso Klisto tə Jɔn â tɔɔnə 16:2

Ghə nə dzum nuu shiə bə ghaa n ndaw tə udzəŋi tə ghə̂ a Təjuu. N ndzəmə dza bə tə̀ ghaa nə̀, nəŋə i bəghənu, nə̀ a wey kə ndee ghaa, wù tii n moʼlə kə nə̀ i sey fwaʼa fwaʼ key Zə̀ kə ləghə nə̀ tə fwaʼ.

Tùm i dzuŋu zə kuum Yeso Klisto tə Jɔn â tɔɔnə 16:33

N ghəə ghən sa dza bə tə̀ ghaa nə̀ ghaa i khə buulə zə n fə̀ŋ tə ghaa, boʼnə ghaa loʼ n fə kəmɔʼ ghi mə. Ghaa nə ngii fəʼlənu fa n mbi, a kee loʼ nə̀ ghaa khə ni kuu tsu təfə̀ŋ tə a loʼ təsawgoʼ, n təŋkey, mə n təm zə̂ mbi.”

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Kəfwaʼ 2:25

Fɔ̀ɔ Devid mâ ghɔɔmə bòʼ wi nə̀, ‘N koʼonu Mûkəbii, tə loʼ ghi mə nəŋə tədzəm, Fə kə loʼ kə way ni mɔm mə n təŋkey tə loʼ tən n səə mə.

Kəfwaʼ 21:11

Tə n bə koʼ tsu ghey, ney kɔʼ kwɔɔ fə Pɔl, kow tsu fuu i wi nsə kpii i wi zə tii, dza tsu nə̀, “Zay kə Zow kə dza nə̀, ‘À wən loʼ jìi zey ngəd tə Təjuu tey n Yerosalem i kwɔɔ kow tsunə wù wey tə khənə kwɔɔ fən, ghə ney fu tsəghə ndow wi tə ghə̂ ghey ghə way ghə̂ a Təjuu ghə.’”

Kəfwaʼ 21:13

Pɔl n dza tə ghə nə̀, “Ghaa sey jiə ngee? Ghaa baŋŋə fə̀ŋ zuŋ nə idey ə? Mə n tsəm bəghəm nə ghə kwu kow naŋa mə, ghə buʼ wey daŋŋə mə n Yerosalem bòʼ Mûkəbii Yeso.”

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

Roma 5:3

Saa khə ni duʼlə soʼo abə saa keelinə chɔdmə, n təŋkey, saa khənu nə̀ abə saa keelinə chɔdmə, mə n gaamə saa nə̀ saa i loʼ ni kow fə̀ŋ.

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

1 Kɔrint 4:9

N koʼo kə sa tə̀ Zə̀ kə n sày saa ghən saa loʼnə ngəd tə Yeso tə, naŋa ndow n bùʼ kə ulən n fəŋŋə kə ghə̂ adzəm, tə̀ a loʼ ghə̂ ghey ghə tsəʼlənə saʼ n tow u ghə nə̀ ghə khə ni kpu. Ghə n ghey tɔŋ zaa tə̀ mbi idzəm, n sə̂ kə aghə̂ nsə tsətəndəghə tə Kəzə̀ tə.

Efesus 3:13

Waazə ghə, a wən loʼ ghə i tii zə n dzanə nə̀, i kə fə̀ŋ nə baŋanə ghaa bòʼ chɔd mən n keelinə n tow u ghaa. N saa fəʼlə nə̀ ghaa i keeli nkɔʼlə.

Filipi 1:28

Kə̂ ghaa nə̂ tsəŋənə ghə̂ a təngəmə a ghaa ghə, keeli tsu na fə̀ŋ. Abə ghaa ghəŋə nə̀ sey, ghə i loʼ ni koʼ n wû i ghə zə nə̀ ghə î ləŋi nu, a i keeli ghaa bəghəshi zə, kùmnə a loʼ Kəzə̀ tə təmə fuunə tsam ə tii tə̀ ghaa.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

1 Tesalonika 5:9

Zə̀ kə ka saa sày dzə ni ghəŋə nə̀ saa keeli uchɔd. Tə say saa nə̀ saa i loʼ ni keeli ibəghəshi n bam i Mûkəbii Yeso Klisto.

2 Tesalonika 1:4

À wən loʼ ghə i tii zə ghey tsɔbənə fə̀ŋ bòʼ ghaa n dzəŋi u dzûmə tə Klisto udzəm. Ghey tsɔbə fə̀ŋ n təŋkey ghaa fəʼlənu, ghə̂ ghə a baa soʼo ghaa bòʼ Kəzə̀, ghaa a kee nam kow kə fə̀ŋ, ndow soʼo n sə kə ni bəghəm tə̀ Zə̀ kə.

2 Timoti 1:8

Sey, kə wə i dədlə n tow kə ni təmi tiillə bòʼ Mûkəbii saa, kə wə nə dədlə soʼo n tow kə ni dza ndow nə̀ wə khənu mə wən n loʼ fa n ndaw tsaʼ bòʼ Klisto. Fət təmdzəŋi bə mə ni fəghə bòʼ tûm i dzuŋu zən. Wə khə ni fəghə n təŋkey Zə̀ kə n fuu wɔ n daʼa kə tii kə.

1 Pita 2:21

À wən loʼ ghəə zey Zə̀ kə â tɔŋɔnə ghaa tii n təŋkey, Klisto n wû u wi wə mâ fəghə soʼo n tow u ghaa, dii naŋa tsu ghaa n jìi zey ghaa khə ni ghəŋŋə ghəə ghə tii, sey nə̀ ghaa loʼ ni ney ghow kə ibwey kə wi.

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.

Chi dii 2:13

N khənu luʼu key wə muunə tii. N khənu nə̀ wə muu n luʼu key Satan bəghə doʼonə tii. Wə təmi tən tsu kə n zəd zuŋ. Wə ka tuu maʼa dzə bəghəm i fə̀ŋ zən ghaa khənə n kow mə. N tsuʼu mən ghə â wey maʼanə Antipas wən tə â tɔʼ tiilə dzanə ghəə ghə bòʼ mə tə ghə̂ ghə n naʼ zə, wə n ka tsəm tuu maʼa mə.