1 Tesalonika 3:2 - Kaa n Kəzə̀ n fəghə mə

² Ghey n tûm bə Timoti waazə ghey wən tə fwaʼanə tə̀ Zə̀ kə ghi ghey ni naʼa tûm i dzuŋu zən bòʼ Klisto nə̀ tə bə tɔm bə ghaa, tə təm tawwə bə soʼo bəghəm i fə̀ŋ i ghaa.

1 Tesalonika 3:2 ပူးပေါင်းရင်းမြစ်များ

Kəfwaʼ 16:1

Pɔl n ndow bə n Debe tsəghə ndow n naʼ i Listra. Dzûmə ə Klisto u loʼ wə ghə tɔŋŋə nə̀ a loʼ Timoti n loʼ fu n naʼ i Listra. Này wi a loʼ zən ə Juu tə a bəghəm nə tə Yeso, bày wi n kee loʼ wù Gris.

Kəfwaʼ 16:5

Ghəə ghən n ghəŋə nə̀ dzəŋi u ghə̂ ghey ghə bəghəmnə tə Klisto, təmi taw n bəghəm i fə̀ŋ i ghə. Taŋa ghə n nyîmmə kɔʼɔ ndow soʼo tsuʼu n dzəm.

Kəfwaʼ 18:5

Ambə Silas ghi Timoti nuu bə n Masedonya, Pɔl n baa təmi tən tsu kə ni naʼa ghəə a Kəzə̀, tiilə dza ndow ghə̂ a Təjuu nə Yeso loʼ wù wey Zə̀ kə â dza naŋa nə̀ i tûm bənu.

Roma 16:21

Timoti wən tə fwaʼa dzəŋinə ghi mə tûm bə tɔŋɔ zow i wi tə ghaa. Ighələ tə Lusiɔs, Jason nsə Sosipata, ghə loʼnə waazə ghuŋ ghə, tɔŋŋə zow bənə.

1 Kɔrint 3:10

Mə â ney kɔʼ naamə key Zə̀ kə â fuunə tə̀ mə, səd tsu tsə̂ kə ndaw tii tə̀ a loʼ wù wey tə bəghə khəələnə ndaw tə. Wù nuu nya kee bəghə n tsə̂ kə tii kə. À kee loʼ nə̀ kay wù khə ni ney ighə̂mə n jìi zey tə bəghənə tii.

1 Kɔrint 4:17

À wən loʼ zuŋ key n tûm bənu Timoti tə̀ ghaa. Tə loʼ tə̀ a loʼ waa wuŋ wən n ngii ləghənə, tə u ngii gaʼ soʼonə fə̀ŋ n kow Mûkəbii. Tə i zəŋŋə bə ghaa n jìi zey n muu kɔʼ bənə tii tə̀ a loʼ dzûmə Yeso Klisto. À loʼ n jìi i mɔʼɔ zə n diinə n dzəŋi u dzûmə tə Klisto tə udzəm, nə təluʼu tədzəm.

2 Kɔrint 1:1

À màʼlə kən tɔ̀ɔ bə mə Pɔl, mə wən Zə̀ kə sàynə nə̀ n doʼo ngəd ə Yeso Klisto. N loʼ fa ghi waazə saa Timoti. N tɔ̀ɔ bə tə̀ ghə̂ a Kəzə̀ ghey n naʼ i Kɔrint, nsə ghə̂ a Kəzə̀ ghey adzəm n mbuʼu Akaya idzəm.

2 Kɔrint 1:19

Waa Kəzə̀, Yeso Klisto wən ghey naʼlənə tə̀ ghaa, tɔŋŋə, mə, Sivanus, nsə Timoti, fwɔdlɔ bəghəm dzə way ghəə zə, tə n kəm tuu i tsu. Abə tə bəghəm kɔʼnə ghəə zə, tə n bəghəm, nə̀ tə tuunu, tə n tuu tən tsu.

2 Kɔrint 2:12

Nghee mə̀ â ndòwnə n naʼ i Trowas ni ndòw naʼa tûm i dzuŋu zə bòʼ Klisto, à n loʼ nə̀ Mûkəbii n chi naŋa jìi tə̀ mə ni fwaʼ fu.

2 Kɔrint 2:13

À kee loʼ nə̀ mə â nam khə kəfəmmə n fə̀ŋ, n təŋkey n ka koʼ dzə waazə saa Taytus fu tii. Sey mə n dza ndòw tə̀ dzûmə tə Klisto tey fu nə̀ ghə doʼo kədzuŋ, nuu daŋŋə ndòw n mbuʼu Masedonya.

2 Kɔrint 8:23

Abə Taytus, tə fwaʼa fwaʼ kən n fwaʼanə, fwaʼa dzəŋi soʼo ghi mə ni gaamə ghaa. Waazə a loʼ ghey ghə bwey dzəŋi bənə ghi wi, loʼ ghə̂ ghey dzəŋi u dzûmə tə Klisto tey sày tûm bənə, ghə ghəŋŋə soʼo nə̀ Klisto i keeli kɔʼləmə.

Filipi 1:25

Nghee tə̀ i loʼnə sey, n khənu nə̀ mə î doʼlənu ghi ghaa, mə i muu ghi ghaa adzəm, tə̀ ghaa loʼ ni nyim n bəghəm i fə̀ŋ zey ghaa khənə, ghaa ndəŋ keeli soʼo iduʼlə n fə̀ŋ tə ghaa.

Kolose 1:1

À màʼlə kən tɔ̀ɔ bə mə Pɔl, ngəd ə Yeso Klisto wən Zə̀ kə â say kɔʼnə. N màlə kən tɔ̀ɔ bə nə n loʼ dzəŋi ghi waazə ə saa Timoti.

Kolose 1:7

 loʼ Epafras tə â tiillə dza bənə ndzuŋ ə Kəzə̀ zən tə ghaa. Tə loʼ wù kəfwaʼ wən ghi wi dzəŋi fwaʼanə. Epafras wən ghey ngii ləghənə, fwaʼa tə Klisto n fə̀ŋ ə wi idzəm bòʼ saa.

Kolose 4:12

Epafras wən tə loʼnə wù naʼ i ghaa, loʼ soʼo wù kəfwaʼ a Yeso Klisto tɔŋɔ zow bə ghaa. Tə gɔŋŋə tə ghaa nəŋə tədzəm n fə̀ŋ ə wi idzəm. Gɔŋŋə nə̀ Zə̀ kə ghəŋŋə nə̀ ghaa i tɔʼɔ taw n bəghəm i fə̀ŋ i ghaa, sey nə̀, ghaa loʼ ni tɔʼ zowkeeli ghəə a səŋi ghey Zə̀ kə ləghə nə̀ ghaa ghəŋə.

Kolose 4:9

Tə bəghə dzəŋi ghi Onesimus, waazə ə saa u dzuŋu wən tə fwaʼa soʼonə fwaʼ kən n fə̀ŋ ə wi idzəm, a loʼ wù inaʼ a ghaa. Ghə i tiilə dza bənu tə ghaa ghəə ghey a tsəghənə fa adzəm.

1 Tesalonika 3:13

Ghey gɔŋŋə nə̀ abə ghaa i ghəŋənə ghəə ghən Zə̀ kə təm tawwə fə̀ŋ tə ghaa, tə ghəŋə nə̀ ghaa i loʼ tsətsəghə. Tə i ghəŋə soʼo nə̀ ghaa i loʼ tsətsəghə sə kə wi tə loʼnə Bày saa n nəŋə zey Mûkəbii saa Yeso i bə dzəŋŋənə ghi ghə̂ a wi ghən ghə khə way bəb i loʼ zə.

1 Tesalonika 3:5

À wey loʼ ghə i tii zə mə â koʼ tsunə nə̀ i dzɔbənu tə mə ni tûm bə Timoti n təŋkey, mə â kəm way ni kow fə̀ŋ. Sey, mə n tûm bə Timoti nə̀ tə bə koʼ tsu nə̀ ghaa loʼ ngee n bəghəm i fə̀ŋ i ghaa. Mə â tsəŋənu nə̀ n nəŋə i loʼ i, vəətsəə ghə n ghaa nəb fuu nə̀ ghaa bwu n ghəə a bəbə ghə ni ghəŋə nə̀ fwaʼ kə ghey kədzəm kə maŋ doʼo kɔʼ kənunu.

2 Tesalonika 2:17

Ghey gɔŋŋə nə̀ tə kuu fə̀ŋ tə ghaa, tə ghəŋə soʼo nə ghaa i fwaʼa kə fwaʼ kə dzuŋu kə, ghɔɔmə i ghaa zə i loʼ kə ghɔɔmə i dzuŋu zə.