1 Tesalonika 2:5 - Kaa n Kəzə̀ n fəghə mə

⁵ Ghaa khənu nə̀ ghey â ka nəb dzə̀ ghaa nə ighɔɔmə, nkee ni nəəbə ney fə̂ kə ghaa kə loʼ kə. Zə̀ kə loʼ ni təmi tiilə n tow u ghey.

1 Tesalonika 2:5 ပူးပေါင်းရင်းမြစ်များ

Matyo 22:16

Ghə n tûm tsu tsətəndəghə tə ghə nsə ghə̂ a Helɔd a loʼ ghə. Ghə n bə koʼ bə Yeso, dza tə̀ wi nə̀, “Wù dii wə, ghey khənu nə̀ wə dza tsə kə isəŋə, wə dii ghɔɔmə i Kəzə̀ tə̀ i khə ni doʼo, wə saʼa way ghɔɔmə tə aghə̂ tə, n təŋkey, wə khə way nəŋə i wù zə.

Matyo 23:13

Yeso n dza tə ghə nə̀, “Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa fii naŋŋə fuʼ u ndaw u fɔɔ wə idəŋ wə nə̀ kə̂ ghə̂ a nə̂ nyiənə tii, wû u ghaa, ghaa u nyiə soʼo way tii, ghaa u ləghə way nə̀ ghə̂ a loʼ a nyi.

Kəfwaʼ 20:33

N ka kam shi koʼ tsə n sə̂ zə n khəə u wù nkee n ndzə̂ tə wù.

Roma 1:9

Zə̀ kən n fwaʼanə tə wi n fə̀ŋ zuŋ idzəm ni naʼlə tûm i dzuŋu zə bòʼ Waa wi Yeso, loʼnu ni təmi tiilə nə̀ n moʼlə tsənu ghaa nəŋə tədzəm.

Roma 16:18

N dza sey n təŋkey ghə̂ ghey ghə ghəŋŋənə ndzoʼo ghəə a tii ghə, ghə fwaʼa way tə Mûkəbii saa Klisto, ghə fədlə fwaʼa tə̀ nəghə u ghə wə. Nyim kə ghə kə tsəghə dzɔbə nə idzuu, ghə a khə ghɔɔmə i tsìi zə ni nəb ghə̂ ghən ghə tɔʼ khə way ghəə ghə.

Roma 9:1

Ghəə ghən n dzanə, à loʼ isəŋə, n badla dzə way ghəə ghə n təŋkey n loʼ nə kəfə kəmɔʼ ghi Klisto. Zay kə Zow kən kə loʼnə n fə̀ŋ zuŋ tiilə dza bənu nə̀ n badla dzə way ghəə ghə.

2 Kɔrint 12:17

Mə â kpaʼi nəəbə zə̂nu ghaa n ghə̂ ghən mə̀ â tûm bənə n sə̀ə ghaa ə?

2 Kɔrint 2:17

Ghey way dzə tə̀ a loʼ ndəmə ghə̂ a loʼ ghə, ghə ney kɔʼnə ghɔɔmə i Kəzə̀ zə ni kəŋ ukhəə tii. Ghey naʼlə ghɔɔmə i Kəzə̀ n fə̀ŋ tə zow tə tə̀ a loʼ ghə̂ a kəfwaʼ a Klisto, Zə̀ kə tûm bənə.

2 Kɔrint 4:2

Ghey n tuu maʼa ghəə a dədlə a kətow ghey ghə̂ a ghəŋnənə nə kələm. Ghey ghəŋŋə way ghəə a tsìi ghə, ghey fwɔdlɔ soʼo way ghɔɔmə i Kəzə̀ zə. Ghey kee ghɔɔmə bə isəŋə n mgbaŋ nə̀ ghə̂ adzəm ghə i khə n fə̀ŋ tə ghə nə̀ ghəə ghey ghey ghəŋŋə, a kpiinu n sə K-a-zə̀.

2 Kɔrint 7:2

Sey chi naŋa kɔʼ na fə̀ŋ tə ghaa tə tə̀ ghey. Ghey ka ghəŋə bəəbə dzə ghə i loʼ zə tə̀ wù, ghey ka ney dzə tɔb wən ghey khənə ni ney fə kə wù, ghey ka tsìi soʼo wù loʼ.

Galeshia 1:20

Zə̀ kə khənu nə̀ ghəə ghən n tɔɔnə fa, a loʼ isəŋə, n badla dzə way ghəə ghə.

1 Tesalonika 2:10

Ghaa loʼ ghə təmi tiilə n tow u ghey, tə̀ Zə̀ kə loʼ soʼonə ni tiilə dza jìi zey ghey muu n fəŋŋə kə ghaa ghən ghaa bəghəm tə Zə̀ kə. Ghey ka ghəŋə koʼ tsə wù n ghə i bəbə i loʼ zə. Muu i ghey zə â zownu, loʼ soʼo tsətsəghə.

1 Timoti 3:3

Tə khə way ni loʼ ndzoʼo wù wey tə ngii ləghənə lə mə, tə khə soʼo way ni loʼ wù wey tə khənə mbow fə. Tə fəd khə ni loʼ wù wey tə loʼnə zəələ kə wù kə, soʼo way ghɔɔmə zə, shiə soʼo way n sə̂ zə n ghəə ghə ukhəə.

1 Timoti 3:8

Ghə̂ ghən ghə gaamənə nə̀ kəfwaʼ n dzəŋi kə dzûmə tə Klisto khə ni teeli khə mwam u dzuŋu wə, ghɔɔmə soʼo n jìi zey i loʼnə tsətsəghə. Ghə khə way ni ngii ləghə lə mə, ngii shiə soʼo way n sə̂ zə nə ukhəə.

Taytus 1:7

Nghee i loʼ nə̀ wù wey tə loʼnə tow kə n dzəŋi kə dzûmə tə Klisto kə, à laalə wi fwaʼ K-a-zə̀ kə, tə khə ni loʼ nə̀ tə khə way bwu i loʼ zə n ghəə a wi a ghəŋŋə ghə. Tə khə way ni kaŋŋə ghɔɔmə, khə way mbow fə, məə khəə way nlə mə, kəŋə way chɔd wə, shiə soʼo way n sə ghə nə ukhəə.

1 Pita 5:2

ghaa i baʼa njì tey Zə̀ kə fuu naŋa tə̀ ghaa nə̀ ghaa i laalə. Ghaa i laalə tə ghii tə nə̀ a way dzə nə̀ ghə təmmənu ghaa, ghaa khə ni laalə tə ghii tə n fə̀ŋ tə ghaa tə tədzəm n təŋkey à wey loʼ ghəə zey Zə̀ kə ləghənə. Kə ghaa nə kad fwaʼa kə a dza ghaa ləghə nə̀ ghə i tsəə bə ghaa n khəə wə, i fwaʼa ndow n na n fə̀ŋ tə ghaa tə tədzəm.

2 Pita 2:18

Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.

2 Pita 2:3

N sə a ghə a shiə ghə, ghə̂ a dii a tsɔŋɔ ghən nə dza bə zəzəə mən n fiilənə isəŋə tə̀ ghaa ni nəəbə ney ukhəə n wɔ ghaa. Zə̀ kə mâ khə bayyə naŋa nə̀ tə i chɔdlɔ ghə̂ ghən, tə kam bweeli soʼo way.

Màʼlə kə Jud tə̀ ghə̂ a Kəzə̀ ghə 1:11

Ngoʼ loʼ tə ghə! Ghə n ney jìi zey Ken â neynə nghee tə â weynə waazə ə wi. Nghee ghə kəŋə ndownə mbənə nə ukhəə, ghə a zə ə ghəŋŋə kaabə tsənə ghəə ghə tə Balam â zə ghəŋə soʼonə. Ghə taw n tow kə tə Kora â tawnə n tow kə, sey, Zə̀ kə n ləŋi maʼa ghə tə kə â ləŋi maʼanə Kora bòʼ tow kə wi kə taw kə.