1 Tesalonika 2:2 - Kaa n Kəzə̀ n fəghə mə

² Ghaa khə soʼonu nghee ghey fəghənə tii n naʼ i Filipi nsə nghee ghə â lənnənə ghey tii. Zə̀ kə n kee nam ghəŋə tsu nə̀ ghey keeli tsu fə̀ŋ i tii zə ni bə naʼa tûm i dzuŋu zə tə̀ ghaa nghee ghə̂ â tsəmə tuu kə ni zow ghɔɔmə i ghey.

1 Tesalonika 2:2 ပူးပေါင်းရင်းမြစ်များ

Kəfwaʼ 14:3

Pɔl nsə Banabas n ndəŋ doʼo kəŋə ndow fu tii, naʼlə tûm i dzuŋu zə bòʼ Mûkəbii nə̀ ghə khə way tsəŋ i loʼ zə. Mûkəbii n dii bə nə̀ tûm ghə zən ghə naʼlənə bòʼ ndzuŋ ə Kəzə̀ loʼ isəŋə nghee tə â funə ghə n daʼa kə ni ghəŋŋə faalə mə nsə ghəə a zum ghə idzuu ghə.

Kəfwaʼ 14:5

Sey, ghə̂ a loʼ ghə n ghə̂ ghey ghə way ghə̂ a Təjuu ghə nsə ghə̂ Təjuu ghə n ndow koʼ ndow ghə̂ a nii ghey fu inaʼ, ghə n bəghəm dzəŋi kɔʼ ni chɔd Pɔl nsə Banabas, ghə təmmə wey ghə nə atay.

Kəfwaʼ 16:12

Ghey n zəghə tsu fu, nuu ndow n naʼ i Filipi, zə â loʼnə n tənə naʼ i Roma. Filipi â loʼ naʼ i nii zə n mboʼo Masedonya. Ghey n doʼo kəŋə ndow ntsuʼu fu.

Kəfwaʼ 16:19

Nghee ghə̂ ghey kɔd kən kə â fwaʼanə n tənə ghə koʼ tsunə nə̀ ghə n guŋu jìi zey ghə a keeli tsənə khəə wə tii, ghə n kwu tsu Pɔl nsə Silas, sìi ndow ghə n səə ghə̂ a nii ghə n zeeli kə inaʼ, nə̀ ghə saʼ ghə.

Kəfwaʼ 16:37

Pɔl n fəd dza ndòw tə̀ wi nə̀, “Ghə n ghey bwɔd n sə̂ kə aghə̂ nə̀ ghə ka ghey saʼ, loʼ sey nə̀ ghey mgbaŋ loʼ ghə̂ a Roma. Ghə u ney fii naŋa ndownə ghey n ndaw tsaʼ. Ghə u dzanə nya nə̀ ghə tsɔŋ chi zəghə ghey. Ngaŋ! Ghey shiə way, ndow dza ndow na tə̀ ghə nə̀ ghə bə n wû i ghə zə, ghə bə chi zəghə ghey.”

Kəfwaʼ 17:1

Ambə Pɔl ghi Silas zəghə tsunə n Filipi, ghə n tsəghə ndow jii n naʼ i Amfipolis nsə naʼ i Apolonia, ndow bə n naʼ i Tesalonika n luʼu key ndaw kədzəŋi ə ghə̂ a Təjuu â loʼnə tii.

Kəfwaʼ 17:17

Tə sey kaʼnu ni ghɔɔmə dzəŋi ghi ghə̂ a Təjuu ghə nsə ghə̂ ghey ghə bəghəmnə tə̀ Zə̀ kə nə̀ a way ghə̂ a Təjuu n ndaw kədzəŋi ə ghə̂ a Təjuu. Tsuʼu n dzəm, tə n ghɔɔmə dzəŋi soʼo ghi ghə̂ ghey tə kpillənə ghi ghə n zeeli wə inaʼ.

Kəfwaʼ 19:8

Pɔl n ney kəŋə ndow təndzɔŋɔ tətəghə nə tə ndow ghɔɔmə kə aghəə ghi ghə̂ ghey n ndaw kədzəŋi ghə̂ Təjuu nə tə tsəŋə way. Tə n ghɔɔmə ballə ghi ghə ni kɔŋŋə nuu bə ghə bòʼ ghəə a fɔɔ u Kəzə̀.

Kəfwaʼ 4:13

Nghee ghə koʼnə jìi zey Pita ghi Jɔn ghɔɔmənə tii nə ghə tsəŋə way, koʼ tɔb kɔʼ soʼo nə a maŋ loʼ laŋa tə aghə̂ nə ghə ka basə nyi dzə n ndaw kəmàʼlə, dzuu zə n ngii zum ghə. Ghə sey daŋŋə koʼ keeli ndownu nə̀ ghə â loʼ dzəŋi tsə ghi Yeso.

Kəfwaʼ 4:20

Abə ghey, ghey way ni buu doʼo nə̀ ghey ghɔɔmə way ghəə ghən ghey loʼ nə̀ ghey n koʼ mə i zow.”

Kəfwaʼ 4:31

Ambə ghə gɔŋŋə may tsunə, luʼu tə n noʼlə tsu n luʼu key ghə â təmdzəŋi doʼonə tii. Zay kə Zow kə n nyi bə n kow ghə, ghə n zey ni naʼlə tûm Kəzə̀ nə ghə tsəŋə way.

Kəfwaʼ 5:41

Nghee ngəd tə Yeso tey zəghə tsunə ndaw tsə, ghə n nuu ndow, fəd duʼlə nə̀ Zə̀ kə n koʼ nə̀ ghə kɔʼ kpiinu ni fəghə, ghə keeli tow kə dədlə kə bòʼ Yeso.

Roma 1:1

À màʼlə kən tɔ̀ɔ bə mə Pɔl wù kəfwaʼ ə Yeso Klisto. Zə̀ kə mâ mə sày tə a loʼ ngəd ə Yeso, naŋa mə nə̀ mə i naʼlə tûm wi i dzuŋu zə.

2 Kɔrint 3:12

Sey, ghey khə way tsəŋ zə abə ghey ghɔɔmənə n tənkey, ghey ləmmə ghəə ghən.

Kolose 2:1

N ləghə nə̀ ghaa keeli tsu nə n ngii dəmənu bòʼ ghaa nsə ghə̂ ghey ghə loʼnə n dzəŋi kə dzûmə tə Klisto n naʼ i Lodishya, buʼu dəmə soʼo tə ghə̂ ghey ghə loʼ nə ghə ka kam koʼ koʼ tsə mə n wû wuŋ wə.

1 Tesalonika 1:5

N ghəə ghən dza n tənkey, ghey ka maŋ naʼa dzə tûm i dzuŋu zən tə̀ ghaa nə idzuu. Ghey naʼa n daʼa K-a-zə̀, daʼa kə Zay kə Zow kə, nsə fə̀ŋ tə ghey tə tədzəm. Ghaa khənu jìi zey ghey â muunə tii n nəŋə zey ghey â loʼnə ghi ghaa. Ghey â muu sey n ndzuŋ ə ghaa.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

Màʼlə kə Jud tə̀ ghə̂ a Kəzə̀ ghə 1:3

Fə ghuŋ a dzuŋu ghə, nghee mə â tsəm ngii khə kənə zày ni tɔ̀ɔ bə tə ghaa nghee Zə̀ kə i dzəŋi bəghəshiənə saa adzəm tii, mə n koʼ tsu nə̀, i dzɔbənu tə mə ni tɔ̀ɔ bə tə ghaa, n dza bə tə̀ ghaa nə̀ ghaa təmi taw tsu n bəghəm i fə̀ŋ zən Zə̀ kə â fuu naŋanə tə ghə̂ a wi a zow ghə adzəm, ney nuu kəwɔɔ.