1 Tesalonika 2:16 - Kaa n Kəzə̀ n fəghə mə

¹⁶ Ghə ndeemi iwû ni buu naŋa ghey nə̀ kə̂ ghey nə̂ naʼlənə ghɔɔmə i Kəzə̀ zə tə̀ ghə̂ ghən ghə way ghə̂ a Təjuu ghə, nə̀ ghə mbɔŋ keeli ibəghəshi. Ghə n sey zuŋŋə naŋa kɔʼ bə ghəə a bəbə ghə, sey, ngoʼ ə Kəzə̀ n bə n kow ghə.

1 Tesalonika 2:16 ပူးပေါင်းရင်းမြစ်များ

Matyo 12:45

Tə n daŋŋə nuu dzəŋŋə ndòw, ndòw ney bə zay u bəbə u loʼ wə usəghəmbəghə, u bəb tsəghəshinə wi, ghə n bə muu nyi bə fu. Ghəə a wù tii ghə n kəm bəb tsəghəshi tsu nghee a mə loʼnə tii sə̂ i sə. À wən loʼ nghee zə î doʼlənə tii ghi ghə̂ a bəbə ghən n num tə tən.”

Matyo 23:32

Ndòw na n sə̂ kə ghaa mayyə kɔʼ fwaʼ key ghə bày bày a ghaa ghə â kaʼ naŋa tsunə.

Matyo 24:14

Ghə i naʼlə Tûm i dzuŋu zən bòʼ Fɔɔ u Kəzə̀ n naʼa tə mbi tən tədzəm tə̀ ghə̂ adzəm a zow tsu, sey mbi i daŋŋə may.”

Matyo 24:6

Ghaa nə̂ zow tsam tə, nkee nyəŋŋə i tətsam. Kə̂ ghaa nə̀ kee keelinə fə̀ŋ tə tsəŋə tə, boʼnə ghəə a tii a teeli khə ni ney kəbənə, i kee dii dzə way nə̀ mbi nya dza i may.

Matyo 3:12

Tə khə tən neeli kə wi n wɔɔ ni fəəbə təndzoʼ tii. Tə i fəəbə naŋa ndòw ndzoʼ tə dzuŋu tə nə utaa, tə kàŋ kpəghə maʼa ndòw ghow u tii wə n vəllə wey u nəmmə koʼo tsə way.”

Malakus 16:16

Wù wey tə bəghəmnə ghəə zey ghaa dzanə, ney kɔʼ mmuu n Kəzə̀, tə i keeli ibəghəshi. Wù wey tə ka bəghəm i keeli ngoʼ.

Kəfwaʼ 13:45

Ambə tow wə inaʼ u ghə̂ a Təjuu ghey koʼ tsunə nɔɔ kə aghə̂ kən, ghə n kaʼ ni ghoʼ, khə̂mə ghəə ghən Pɔl dzanə, kpaalə soʼo wi.

Kəfwaʼ 13:50

Ngəd tə Təjuu tə n fədlə kuu tənyɔʼ n kow gheyzən a səŋi ghə nsə gheynum a nii ghey ghə ngɔɔmənə Zə̀ kə fu inaʼ nə ghə nuu təmi kɔʼ n tow kə Pɔl nsə Banabas. Ghə n zey ndow ni chɔd Pɔl nsə Banabas, dzum shi daŋŋə ndow ghə fu n mboʼo tii.

Kəfwaʼ 14:19

Ghə̂ a Təjuu a loʼ ghə, ghə a nuu bənə n naʼa tə Antyɔk nsə nə Ikonum n ndow bə fu n Listra. Ghə nəəbə tsu nɔɔ kə aghə̂ key nə ghə dzəŋi bə i ghə. Sey ghə n təmmə Pɔl nə atay, sii nuu shi ndow ghi wi n naʼ i tii zə ndow maʼa naŋa ndow wi, khə kə nə̀ tə n kpuu.

Kəfwaʼ 14:2

Ghə̂ a Təjuu ghən ghə â khə way bəghəm i fə̀ŋ zə n fədlə kuu tənyɔʼ, bəəbə maʼa kɔʼ fə̀ŋ tə ghə̂ ghey ghə way ghə̂ a Təjuu ghə kuum Pɔl ghi Banabas nsə dzûmə tə Klisto tə loʼ tey.

Kəfwaʼ 14:5

Sey, ghə̂ a loʼ ghə n ghə̂ ghey ghə way ghə̂ a Təjuu ghə nsə ghə̂ Təjuu ghə n ndow koʼ ndow ghə̂ a nii ghey fu inaʼ, ghə n bəghəm dzəŋi kɔʼ ni chɔd Pɔl nsə Banabas, ghə təmmə wey ghə nə atay.

Kəfwaʼ 17:13

Ambə ghə̀ a Təjuu ghey n Tesalonika zow tsu nə̀ Pɔl naʼlə ghɔɔmə i Kəzə̀ n Beria, ghə a loʼ ghə n ndow soʼo fu, təəbə tsu aghə̂, teyyə naŋa kɔʼ naʼ i tii zə nə ifuu.

Kəfwaʼ 19:9

Ghə̂ a ghə a loʼ ghə n kee taw n tow kə, tuu ni bəghəm tûm i dzuŋu zə, khəə soʼo ghəə a bəbə ghə kuum Jìi zey Mûkəbii ləghənə n sə kə aghə̂. Pɔl n zəghə tsu ghə, ney nuu ndow ghi dzûmə tey tə â bəghəmnə tûm i dzuŋu zə ghi wi. Ghə n dzəŋi ndow ghɔɔmə zeeli tsə tsuʼu n dzəm n dzuu i ndaw i nii zey Tayranus â dii tsənə ghə̂ tii.

Kəfwaʼ 21:21

Ghə mâ dza tə ghə nə̀ wə dii kaabə ghə̂ a Təjuu ghən adzəm ghə muunə n naʼa tə ghə̂ ghən ghə way ghə̂ a Təjuu ghə nə̀ ghə zəghə maʼa laŋ kə Mushi. Ghə mâ zow soʼo nə̀ wə tuu nə̀ kə ghə nə səghənə tyi u waa a ghə ghə, ghə ka tsəm naŋa soʼo ghəə ghə inaʼ a ghə̂ a Təjuu ghə.

Kəfwaʼ 23:12

Abə tsuʼ u zow tsunə, ghə̂ a Təjuu a loʼ tə n kad tsu tsəm, zə̂ kɔʼ nkaa nə ghə i zə̂ way fə kə, ghə i mə̂ soʼo way fə kə, nə ghə ka wey tsu dzə Pɔl.

Kəfwaʼ 24:9

Ngəd tə Təjuu tey n kuu kpiʼi ndow soʼo dzə̂ tə ghə tii dza nə̀ ghəə ghey adzəm Tetulus dzanə, a loʼ isəŋə.

Kəfwaʼ 25:2

Ghə fɔɔngili a nii ghə nsə ngəd tə Təjuu tə loʼ tə n ney teyyə bə saʼ zey ghə â khənə ghi Pɔl tə Festus.

Kəfwaʼ 25:7

Ambə Pɔl bənə, ngəd tə Təjuu tey tə â nuu tsu bə n Yerosalem n nuu zuŋŋə tsəghə bə n səə wi, boʼo bə faalə tə aghəə n ndəm, kuu ndow n tow kə wi, nə imɔʼ way tii ghə loʼ ni tɔʼ dii nə̀ a loʼ isəŋə.

Kəfwaʼ 4:12

À loʼ kə n bam i Yeso wù keelinə bəghəshi zə, wù loʼ kəm way fa n mbi Zə̀ kə fuu naŋanə tə loʼ ni bəghəshi saa n ghəə a saa a bəbə ghə.”

Kəfwaʼ 9:23

Ambə ntsuʼu n tsəghə tsunə, ghə̂ a Təjuu ghə n dzəŋi doʼo tsu, kad kɔʼ tsəm nə̀ ghə khə ni wey Sɔl.

1 Kɔrint 10:33

À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

Galeshia 5:11

Waazə ghə, abə a mə loʼ nə n nam naʼlə kə nə̀ gheynum a khə ni teeli səghə tyi u ghə tə̀ laŋ kə dii nə̀, tə ghə̂ a Təjuu a mə chɔdlɔ way mə. À sə fa loʼ kə nə̀ n naʼlə tûm bòʼ və zən Yeso â kpunə tii n zat kə fəkaʼ, à wey loʼ i ghi ghə chɔdlɔnə mə.

Efesus 3:13

Waazə ghə, a wən loʼ ghə i tii zə n dzanə nə̀, i kə fə̀ŋ nə baŋanə ghaa bòʼ chɔd mən n keelinə n tow u ghaa. N saa fəʼlə nə̀ ghaa i keeli nkɔʼlə.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

1 Tesalonika 1:10

Ghə dza kaabə soʼonu nghee ghaa ləmmənə Waa Kəzə̀ wən tə i tsu bə idəŋ, tɔŋŋə Yeso wən Zə̀ kə â zhəm dzəŋŋə bənə nə ivə. À loʼ wi tə bəghəshiənə saa n nə̀ kə Zə̀ kə nə chɔdlɔnə saa.

2 Tesalonika 2:10

Tə i ghəŋə ndəmə ghəə a bəbə ghə ni sii ndzəŋ ghə̂ ghən ghə loʼnə tə̀ a loʼ ghə̂ a kpu ghə tə̀ Zə̀ kə n təŋkey ghə ləghə way ni gaʼ fəŋ n ghəə i loʼ isəŋə sey nə̀ ghə keeli ibəghəshi.

1 Timoti 2:4

Tə ləghə nə̀ aghə̂ adzəm a keeli ibəghəshi, ghə keeli soʼo isəŋə.

Hibru 6:8

A kee bə ghəlitsə kən kaakaa u nyîmmə tii nsə kɔɔ tə ughìi tə, kə khə way fwaʼ kə loʼ kə. Zə̀ kə loʼ ni ləŋ naŋa ndzoʼo luʼu kə tii kə, vəllə wə i fə nuu kɔʼ.

Chi dii 22:11

Wù wey tə ləghə ni ghəŋŋə ghəə a bəbə ghə, tə ndow kə n sə kə ni ghəŋŋə ghəə a bəbə ghə. Wù wey tə ləghə ni ghəŋŋə ləbi tə aghəə tə, tə ndow kə n sə kə ni ghəŋŋə ləbi tə aghəə tə. Wù wey tə ləghə ni ghəŋŋə ghəə a dzuŋu ghə, tə khə ni teeli ndow kə n sə kə ni ghəŋŋə ghəə a dzuŋu ghə. Wù wey tə ləghə soʼonə ni ghəŋŋə ghəə a zow ghə, tə khə ni teeli ndow kə n sə kə ni ghəŋŋə ghəə a zow ghə.”