1 Tesalonika 1:8 - Kaa n Kəzə̀ n fəghə mə

⁸ Ghaa khənu nə̀ tûm i dzuŋu zə bòʼ Mûkəbii â kaʼ nuu tsu n wɔ ghaa, bəghəm i fə̀ŋ zey ghaa khənə tə̀ Zə̀ kə n ghəŋə nə̀ zɔŋ u ghaa u fuŋ tsəghə ndow n naʼ i Masedonya, Akaya, nsə n badla tə mbi tədzəm. Ghey kəm khə soʼo way ghəə i loʼ zə ni tiilə dza bòʼ bəghəm i fə̀ŋ i ghaa.

1 Tesalonika 1:8 ပူးပေါင်းရင်းမြစ်များ

Kəfwaʼ 18:12

A n kee bə nghee ghə naŋa kɔʼnə Galio tə aloʼ gɔvənɔ n mboʼo Akaya, ghə̂ a Təjuu ghey fu n Kɔrint n zuŋŋə kɔʼ, kwu kɔʼ Pɔl, ghəŋŋə nə̀ ghə ney ndow wi n ndaw tsə nə̀ ghə saʼ wi.

Roma 1:8

Ni zey tsu, n fuu kəzɔŋŋə tə Zə̀ kuŋ kə n bam i Yeso Klisto bòʼ ghaa adzəm, n təŋkey ghə kali ghaa mbi idzəm n ndzoʼo bəghəm i fə̀ŋ zey ghaa khənə.

Roma 15:26

N dza sey n təŋkey, dzûmə tə Klisto tey n Masedonya nsə Akaya, ghə n tsow fə wə n fə̀ŋ tə ghə tə dzuŋu tə ni fuu tə a loʼ kənaamə tə ghə̂ a Kəzə̀ ghey ghə laanə n naʼ i Yerosalem

Roma 16:19

Ghə̂ adzəm keeli may nə̀ ghaa dzûmə i dzuŋu zən ghə diinə ghaa tii. Ghə i tii zə n ghəŋə nə̀ mə i duʼlə. N ləghə nə̀ ghaa tɔʼ chi kɔʼ sə̂ a ghaa ni keeli ghəə zey i dzɔbənə, khə soʼo way wɔɔ kə n ghəə zey i bəbənə.

1 Kɔrint 14:36

Keeli tsu na nə̀, ghɔɔmə i Kəzə̀ zə â ka kaʼ nuu bə dzə n kow ghaa. Ghaa keeli tsu soʼo nə̀ a kad way kə tə ghaa, ghə â bə naʼanə ghəə a Kəzə̀ ghən.

2 Kɔrint 2:14

Saa kee fuu kə kəzɔŋŋə tə̀ Zə̀ kə n təŋkey, abə saa loʼnə nə kəfə kəmɔʼ ghi Klisto nəŋə tədzəm, Zə̀ kə n sìi bwey kaabə tsə ghi saa tə a loʼ ghə̂ ghey ghə təm zə̂nə tsam n zəd i Klisto. Zə̀ kə ney saa ni ghəŋə nə̀ ghə̂ a keeli Klisto nə təluʼu tədzəm n tûm zey ghey naʼlə kaabənə. Tum tii loʼ tə̀ a loʼ zuʼ tə dzuŋu tə, tə ləmmənə dzɔbənə nə təluʼu tədzəm.

2 Kɔrint 3:4

Ghey dza ghəə ghən n təŋkey ghey gaʼ fə̀ŋ n kow Zə̀ kə n bam i Klisto.

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

2 Tesalonika 1:4

À wən loʼ ghə i tii zə ghey tsɔbənə fə̀ŋ bòʼ ghaa n dzəŋi u dzûmə tə Klisto udzəm. Ghey tsɔbə fə̀ŋ n təŋkey ghaa fəʼlənu, ghə̂ ghə a baa soʼo ghaa bòʼ Kəzə̀, ghaa a kee nam kow kə fə̀ŋ, ndow soʼo n sə kə ni bəghəm tə̀ Zə̀ kə.

2 Tesalonika 3:1

Ni guŋ kɔʼ waazə ghə, ghaa i gɔŋŋə tə ghey. Ghaa i gɔŋŋə nə̀ ghɔɔmə i Mûkəbii zam ndow luʼu tədzəm, nsə nə̀ ghə̂ ghə i loʼ ni ngɔɔmə naŋa ghɔɔmə i tii zə tə̀ zə â loʼ nə ghi ghaa.

1 Timoti 2:8

N ləghə nə̀ gheynum ghə i gɔŋŋə n luʼu tey tədzəm ghə dzəŋi zuŋŋə doʼonə tii. Gheynum ghey ghə fuu dzənə muu i ghə zə tə Zə̀ kə, ghə i keeli kɔʼɔ wɔɔ a ghə idəŋ abə ghə gɔŋŋənə nə̀ ghə fəələ way nəghə mə nkee nə̀ baŋŋə way fəghəm tə.

2 Timoti 2:9

N fa fəʼlənu, ghə u kùm naŋa daŋŋə mə nə tətsaʼ tə a loʼ wù tsɔŋɔ n təŋkey n naʼlə tûm i dzuŋu zən. Ghə i dzuŋu i loʼ kə nə̀ ghə way ni kùm naŋa dzə ghɔɔmə i Kəzə̀ nə tətsaʼ.

3 Jɔn 1:12

Ghə̂ adzəm, ghə ghɔɔmə ghəə a dzuŋu ghə bòʼ Demitrus, zə a ndzəm loʼ isəŋə nə tə loʼ wù dzuŋu. Ghey dza soʼo sey, ghaa khə soʼonu nə̀ abə ghey dzanə ghəə zə, a sey loʼ isəŋə.

Chi dii 14:6

Mə n daŋŋə koʼ ndow tsəndəghə Kəzə̀ u loʼ wə tə zəʼlə kaabənə idəŋ idəŋ, tə khə tûm i dzuŋu zən i fuunə muu zən i may way ni naʼa tə̀ ghə̂ ghən adzəm ghə muunə a ghəlitsə. Zə i naʼlə tûm i dzuŋu zə tə̀ sali ndaw tə tədzəm, təghɔɔmə tədzəm, təluʼu tədzəm nsə naʼa tə tədzəm.

Chi dii 22:17

Zay kə Zow kə nsə wey Waa Nji zey dza nə̀, “Bəghə!” Wù wey tə zow ghəə ghən teeli khə ni dza soʼo nə̀, “Bəghə!” Wù wən fə̀ŋ ə mmuu zuʼlənə wi, tə bə. Wù wey tə ləghənə ni mə̂ mmuu mən n fuu muu zə nə̀ tə̀ ka tsə, tə bə mə̂.