1 Tesalonika 1:7 - Kaa n Kəzə̀ n fəghə mə

⁷ À wey loʼ ghə i tii zə ghaa â doʼo bənə tə̀ a loʼ ghə̂ ghey ghə moʼo diinə ghəə ghə tə̀ ghə̂ ghey ghə bəghəmnə Zə̀ kə n naʼa tə Masedonya nsə Akaya.

1 Tesalonika 1:7 ပူးပေါင်းရင်းမြစ်များ

Kəfwaʼ 1:13

Ambə ghə bə nyi bənə n Yerosalem, ghə n kɔʼ daŋŋə ndow n dzuu i ndaw zey ghə â muunə tii, i doʼo kuulə kɔʼ idəŋ. Ghə̂ ghey ghə â loʼnə fu â loʼ Pita, Jɔn, Jems, Andria, Filip, Tɔmas, Batolomio, Matyo, Jems waa Afus, Shimun, wù wey tə â ngii ləghənə naʼ i wi zə, nsə Judas waa Jems.

Kəfwaʼ 16:12

Ghey n zəghə tsu fu, nuu ndow n naʼ i Filipi, zə â loʼnə n tənə naʼ i Roma. Filipi â loʼ naʼ i nii zə n mboʼo Masedonya. Ghey n doʼo kəŋə ndow ntsuʼu fu.

Kəfwaʼ 18:1

Ambə Pɔl ghɔɔmə may tsunə tə ghə̂ a ndaw tsə ghey, tə n zəghə tsu Atens, nuu ndow n Kɔrint.

Kəfwaʼ 18:12

A n kee bə nghee ghə naŋa kɔʼnə Galio tə aloʼ gɔvənɔ n mboʼo Akaya, ghə̂ a Təjuu ghey fu n Kɔrint n zuŋŋə kɔʼ, kwu kɔʼ Pɔl, ghəŋŋə nə̀ ghə ney ndow wi n ndaw tsə nə̀ ghə saʼ wi.

Kəfwaʼ 19:21

Nghee ghəə a waa a Skeva ghən tsəghə tsunə, Pɔl n tsəm tsu n fə̀ŋ ə wi nə i tsəghə tɔɔlə ndow n Masedonya nsə nə Akaya, tə ndow daŋŋə n Yerosalem. Tə n dza n fə̀ŋ ə wi nə̀, “Abə mə i ndow taa tsu fu, N teeli khə soʼo ni ndow taa n Rom.”

Roma 15:26

N dza sey n təŋkey, dzûmə tə Klisto tey n Masedonya nsə Akaya, ghə n tsow fə wə n fə̀ŋ tə ghə tə dzuŋu tə ni fuu tə a loʼ kənaamə tə ghə̂ a Kəzə̀ ghey ghə laanə n naʼ i Yerosalem

2 Kɔrint 1:1

À màʼlə kən tɔ̀ɔ bə mə Pɔl, mə wən Zə̀ kə sàynə nə̀ n doʼo ngəd ə Yeso Klisto. N loʼ fa ghi waazə saa Timoti. N tɔ̀ɔ bə tə̀ ghə̂ a Kəzə̀ ghey n naʼ i Kɔrint, nsə ghə̂ a Kəzə̀ ghey adzəm n mbuʼu Akaya idzəm.

2 Kɔrint 9:2

N dza sey n təŋkey, n khənu nə̀ ghaa khənu zày ni fuu igaamə, zə â ghəŋənə nə̀ mə i tsɔbə fə̀ŋ tə̀ ghə̂ a Masedonya ghə bòʼ ghaa. N dza tə̀ ghə nə̀, “À nya loʼ kənum tə̀ dzûmə tə Klisto tey nə Akaya â bayyə naŋanə ni fuu igaamə.” Ndzoʼo zày zey ghaa khənə ni fuu igaamə n kəm nùumə dzəŋŋə bə ndəm ə ghə.

1 Tesalonika 1:8

Ghaa khənu nə̀ tûm i dzuŋu zə bòʼ Mûkəbii â kaʼ nuu tsu n wɔ ghaa, bəghəm i fə̀ŋ zey ghaa khənə tə̀ Zə̀ kə n ghəŋə nə̀ zɔŋ u ghaa u fuŋ tsəghə ndow n naʼ i Masedonya, Akaya, nsə n badla tə mbi tədzəm. Ghey kəm khə soʼo way ghəə i loʼ zə ni tiilə dza bòʼ bəghəm i fə̀ŋ i ghaa.

1 Tesalonika 4:10

Isəŋə i loʼ nə̀, ghaa ndzəm khənu ləghə zə tə̀ à loʼ dzûmə tə̀ Klisto tey n mbuʼu Masedonya idzəm. Waazə ghə, ghey kee nam buʼu bə kəwɔɔ tə̀ ghaa nə̀ ghaa ndow kə n sə kə n mwam u tii wə.

1 Timoti 4:12

I kə wə nə bəghəmnə nə̀ wù loʼ koʼ kìi wɔ a dza wə loʼ winətəghə. Wə khə ni fəd loʼ wù wey wə moʼo diinə ghəə ghə tə ghə̂ ghən ghə bəghəm tə Zə̀ kə, n ghɔɔmə zə, n mwam wə, n jìi zey wə ləghənə ghə̂ ghə tii, n bəghəm i fə̀ŋ zey wə khənə, nsə n jìi zey muu zə i zownə tii.

Taytus 2:7

Wɔ n wû wə wə̀ a Taytus, wə khə ni ghəŋŋə ghəə ghey a dzɔbənə nəŋə tədzəm sey nə̀ ghə loʼ ni koʼ ney kɔʼ mwam u dzuŋu wey wə khənə. Ghəə ghey wə diinə khə ni loʼ isəŋə, kə wə nə səə soʼonə.

1 Pita 5:3

Kə ghaa nə baŋŋə sə ghə n kow ghə̂ ghey ghə fuu naŋa nə̀ ghaa i laalə. Ghaa fəd khə ni dii ndow mwam u dzuŋu wə tə̀ ghə ni koʼ ney.