1 Tesalonika 1:6 - Kaa n Kəzə̀ n fəghə mə

⁶ Nghee ghaa â buʼu fəʼlə kənu, Zay kə Zow kə n ghəŋə nə̀ ghaa bəghəm tûm i dzuŋu zə nə iduʼlə. Sey, ghaa n bɔɔmə ney ndow ghow kə ibwey kə ghey dii tsu nə̀ ghaa mâ ney soʼo ghow kə ibwey kə Mûkəbii kə.

1 Tesalonika 1:6 ပူးပေါင်းရင်းမြစ်များ

Matyo 16:24

Sey, Yeso n dza ndòw tə̀ ngəd tə wi tə nə̀, “Abə wù dza i dzûmə mə̀, tə khə ni ney tsu nə̀ wû u wi u way dzə fə kə loʼ kə, tə boʼo kɔʼ zat kə fəkaʼ kə wi, tə dzûmə bə mə.

Tùm i dzuŋu zə kuum Yeso Klisto tə Jɔn â tɔɔnə 8:12

Yeso n ghɔɔmə kpiʼi ndòw aghəə tə̀ nɔɔ kə aghə̂ key nə̀, “N loʼ kədaa tə̀ ghə̂ a mbi ghə adzəm. Wù wey tə dzûmənə mə, î bwey koʼ way nə kələm, tə i fədlə keeli daa key kə fuunə muu zə.”

Kəfwaʼ 13:52

Dzûmə tey n Antyɔk n ngii khə iduʼlə, Zay kə Zow kə n loʼ soʼo ghi ghə.

Kəfwaʼ 5:41

Nghee ngəd tə Yeso tey zəghə tsunə ndaw tsə, ghə n nuu ndow, fəd duʼlə nə̀ Zə̀ kə n koʼ nə̀ ghə kɔʼ kpiinu ni fəghə, ghə keeli tow kə dədlə kə bòʼ Yeso.

Kəfwaʼ 9:31

À wən loʼ nəŋə zən kɔŋŋə kə â nyi bənə tii n kow ghə̂ ghə n dzəŋi u dzûmə tə Klisto wən n Judeya, Galili nsə n Samaria. Zay kə Zow kə n kuu fə̀ŋ tə ghə nə̀ ghə i muu n jìi zey Mûkəbii ləghənə. Taŋ a ghə n nyîmmə kɔʼɔ ndow naʼ idzəm.

Roma 15:13

N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.

1 Kɔrint 11:1

Ney na ghow kə ibwey kuŋ kə nghee tə n neynə ghow kə ibwey kə Klisto kə.

1 Kɔrint 11:2

N fuu kali u ghaa nghee ghaa moʼlənə mə nə aghəə adzəm. N fuu soʼo kali u ghaa nghee ghaa naŋŋə kɔʼɔ bənə ghəə ghən mə â dii tsəghə bənə tə ghaa.

1 Kɔrint 4:16

Sey, n buʼu bə kəwɔɔ tə̀ ghaa nə̀ ghaa ney ghow kə ibwey kuŋ.

2 Kɔrint 6:10

Ghə̂ a loʼ a koʼo ghey tə̀ a loʼ ghə̂ ghey ghə mownə, loʼ sey nə̀ ghey duʼlə nəŋə tədzəm. Ghə̂ a loʼ a koʼo ghey tə̀ a loʼ ghə̂ a laa ghə loʼ sey nə̀ ghey ghəŋŋə nə̀ ndəmə aghə̂ ghə i kùm. Ghə̂ a loʼ a koʼo ghey tə̀ a loʼ ghə̂ ghey ghə khə way fə kə, loʼ sey nə̀ ghey khə ufə udzəm.

2 Kɔrint 8:5

Ghə â fwaʼ tsəghəshinu tə̀ ghey â moʼlənə. Ghə â fuu ndòw dzə wû i ghə tə̀ Mûkəbii isə, tə ghə ni bə fuu wû i ghə tə̀ ghey nghee Zə̀ kə ləghənə.

Galeshia 5:22

Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,

Efesus 5:1

Ghaa khə ndeemi tsu iwû ni ney ghow kə ibwey K-a-zə̀, n təŋkey, ghaa loʼ waa a wi ghən tə ngii ləghənə.

Filipi 3:17

Waazə ghuŋ ghə, ghaa khə ni dzəŋi dzûmə bə kə ghow kə ibwey kuŋ, koʼo ney soʼo aghəə n wɔ̂ ghə̂ ghey ghaa koʼnə nə̀ ghə dzûmənu muu zey ghey diinə tə̀ ghaa.

2 Tesalonika 1:4

À wən loʼ ghə i tii zə ghey tsɔbənə fə̀ŋ bòʼ ghaa n dzəŋi u dzûmə tə Klisto udzəm. Ghey tsɔbə fə̀ŋ n təŋkey ghaa fəʼlənu, ghə̂ ghə a baa soʼo ghaa bòʼ Kəzə̀, ghaa a kee nam kow kə fə̀ŋ, ndow soʼo n sə kə ni bəghəm tə̀ Zə̀ kə.

2 Tesalonika 3:7

N dza sey n təŋkey, ghaa khənu n wù i ghaa nə̀ ghaa khə ni dzûmə kɔʼɔ bə ghôw kə ibwey kə ghey. Ghey â lay way n muu i ghey n nəŋə zey ghey loʼ ghi ghaa.

2 Tesalonika 3:9

 loʼ buʼ kə ghaa ni laalə tə̀ ghey kənunu. À kee loʼ nə̀ ghey â ləghə ni moʼ dii bə ghaa n jìi zey ghaa khənə ni muu ti.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.

Hibru 10:34

Ghaa â kwɔɔlə isî n kow ghə̂ a ndaw tsaʼ ghə, ghaa n bəghəm ndow nə iduʼlə nə̀ ghə bəkeeli nuu fə u ghaa n təŋkey, ghaa khənu nə̀ ghaa i keelinu fə wə, u dzɔb tsəghəshinə u wən, nə̀ wə i doʼlə tsali soʼonu.

1 Pita 1:6

À wən loʼ ghəə ghən a khə ni ghəŋə nə̀ ghaa i ngii duʼlə nghee i tsəm loʼ kə nə̀ ghaa i dzəə mow kəŋŋə ndownu bòʼ ndəmə chɔd mən ghaa i keelinə.

1 Pita 1:8

Nghee ghaa loʼ kə nə̀ ghaa ka kam buʼ koʼ wi, ghaa a nam ləghə wi. Nghee ghaa koʼo kə way wi ghaa a nam bəghəm fuu kə tə wi, ghaa a khə soʼo duʼlə i nii zə n jìi zey wù way ni buʼ tiilə dza.

1 Pita 3:13

A loʼ ndee ni nyîmmə ghaa abə ghaa khənə zày ni ghəŋŋə ghəə a dzuŋu ghə ə?

3 Jɔn 1:11

N fə̂, kə wə nə dzûmə ndzoʼo mwam u bəbə wən, i dzûmə ndow ghəə a dzuŋu ghə. Wə keeli tsu nə ghə̂ ghən ghə ghəŋŋə ndzuŋ, dii bə nə ghə loʼ waa a Kəzə̀. A ghey ghə ghəŋŋə ghəə a bəbə ghə, ghə khə way Zə̀ kə.