1 Tesalonika 1:5 - Kaa n Kəzə̀ n fəghə mə

⁵ N ghəə ghən dza n tənkey, ghey ka maŋ naʼa dzə tûm i dzuŋu zən tə̀ ghaa nə idzuu. Ghey naʼa n daʼa K-a-zə̀, daʼa kə Zay kə Zow kə, nsə fə̀ŋ tə ghey tə tədzəm. Ghaa khənu jìi zey ghey â muunə tii n nəŋə zey ghey â loʼnə ghi ghaa. Ghey â muu sey n ndzuŋ ə ghaa.

1 Tesalonika 1:5 ပူးပေါင်းရင်းမြစ်များ

Malakus 16:20

Ngəd tə wi tə n kaʼ ndòw ni naʼa tûm i dzuŋu zə nə təluʼu tədzəm. Mûkəbii n fwaʼa ghi ghə, gaamə ghə nə̀ ghə i ghəŋŋə faalə mə ni dii tsu nə̀ ghəə ghey ghə naʼlənə, a nuu bə n wɔ K-a-zə̀.

Lukas 1:1

Mûkəbii Tiofilos, nsə ndəmə tə aghə̂ tə n kùm fwaʼ ni koʼ nə̀ ghə tɔ̀ɔ naŋa tsu bə ghəə ghey ghə â shinə n fəŋŋə kə saa.

Kəfwaʼ 11:21

Daʼa kə Mûkəbii kə n loʼ n kow ghə, ndəm ə aghə̂ n bəghəm tə Klisto, fəd doʼo bə dzûmə tə Mûkəbii.

Kəfwaʼ 16:14

Weyzən u loʼ wə n loʼ fu ghə â tɔŋŋə nə̀ a loʼ Lidia, tə â shinə n naʼ i Taytira. Tə n fìilə tsə ndzə̂ tə wən i taw zə, ngɔɔmə soʼo Kəzə̀. Mûkəbii n chi kɔʼ fə̀ŋ ə wi nə̀ tə bəghəm ghɔɔmə i Pɔl.

Kəfwaʼ 2:33

Zə̀ kən kə loʼnə Bày wi n kɔʼlə naŋa wi n kpii u wi u təmə wə, fuu wi n Zay kə Zow kə tə̀ tə â təb naŋanə. Ghəə ghən ghaa koʼonə fa nsə ghəə ghən ghaa zownə à loʼ Zay kə Zow kən Yeso fuu bənə tə ghey naʼ idzəm.

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Roma 15:13

N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.

Roma 2:16

Tûm i dzuŋu zən n naʼlənə, bɔɔmə dii bə nghee zə i doʼlənə tii abə Zə̀ kə i saʼanə ghəə ghən a nyi doʼonə n fə̀ŋ tə aghə̂ tə n bam i Yeso Klisto.

1 Kɔrint 1:24

A kee bə tə̀ ghə̂ ghən Zə̀ kə tɔŋɔnə nə̀ ghə keeli ibəghəshi, nə̀ à loʼ kə ghə̂ a Təjuu nkee ghə̂ ghən ghə way ghə̂ a Təjuu ghə, tûm tii loʼ nə̀, Zə̀ kə dii bə daʼa kə wi nsə tɔb u wi wə n bam i Yeso Klisto.

1 Kɔrint 10:33

À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

1 Kɔrint 3:16

Ghaa khə way nə̀ ghaa loʼ Ndaw Kəzə̀ ə? Ghaa khə way nə̀ Zay K-a-zə̀ kə muu n kow ghaa ə?

1 Kɔrint 3:6

À loʼ mə, mə â zəghənə ndzoʼ tə tii tə, Apolos n vəələ tsu. Â kee loʼ Kəzə̀ kə â ghəŋə nə̀ tə nyim.

1 Kɔrint 4:20

N dza sey n təŋkey, ni muu n jìi zey wù khə ni muu tii n fɔɔ u Kəzə̀, loʼ n daʼa key wə khənə ni ghəŋŋə ghəə ghey Zə̀ kə ləghənə, à way dzə n ghəə ghey tə ghɔɔmənə.

1 Kɔrint 9:14

À loʼ soʼo ighələ, Mûkəbii dzanə nə̀ ghə̂ ghey ghə naʼlə tûm i dzuŋu zə, khə ni zəə soʼo n bam i tûm i dzuŋu zən ghə naʼlənə.

2 Kɔrint 3:6

À loʼ wi tə ghəŋənə nə̀ ghey kɔʼ kpii tə̀ a loʼ ghə̂ a kəfwaʼ n kâa n fəghə mən. Kaa n fəghə mən ka tɔ̀ɔ doʼo dzə n màʼlə K-a-zə̀, à loʼ n Zay kə Zow kə, kuum nə̀ ghəə ghey a tɔ̀ɔ doʼonə nə kəmaʼlə fədlə wey wù, Zay kə Zow kə u kee fuunə muu zə.

Galeshia 2:2

Mə â ndow fu, n təŋkey, Zə̀ kə â dii bə tə̀ mə nə̀ n ndow fu. Ambə n ndownə fu, mə n ghɔɔmə tsu kə ghi ngəd tey fu n dzəŋi kə dzûmə tə Klisto, tiilə dza ndow tûm i dzuŋu zən n naʼlənə tə̀ ghə̂ ghən ghə way ghə̂ a Təjuu ghə. Mə â ghəŋə sey təŋkey mə â ghə̂mə nə kə fwaʼ key n fwaʼ naŋanə nsə fwaʼ key n fwaʼanə nə naynə nə kənunu.

Galeshia 5:5

Saa ghən saa muunə n daʼa kə Zay kə Zow kə, ləmmə tənə ni doʼo tsətsəghə n sə K-a-zə̀, n təŋkey, saa n bəghəm tə Klisto.

Efesus 2:10

À loʼ Kəzə̀ tə fwaʼ naŋa bənə saa tə̀ saa loʼnə nya boʼnə saa loʼ nə kəfə kəmɔʼ ghi Klisto. Tə saa bɔm nə̀ saa i loʼ nə kəfə kəmɔʼ ghi klisto sey nə̀ saa i loʼ ni fwaʼ fwaʼ kə dzuŋu kə, tɔŋŋə ghəə a dzuŋu ghey Zə̀ kə â khə bayyə naŋanə tə̀ saa nə̀ saa i ghəŋŋə.

Efesus 3:20

Kɔʼlə n ndzəm n loʼ tə̀ Zə̀ kə, Zə̀ kən kə loʼnə ni ghəŋə aghəə adzəm n bam i Zay kə Zow kən kə muunə n fə̀ŋ, tə buʼ ghəŋə tsəghəshinə ghəə ghey adzəm saa â bəbnə nkee saa â moʼlənə.

Filipi 2:13

Ghaa keeli tsu nə̀ a loʼ Kəzə̀ kə fwaʼanə n kow ghaa, ghəŋə ghaa nə̀ ghaa i khə zay ni fwaʼ tə wi, fuu soʼo ghaa n daʼa kə nə̀ ghaa ghəŋə ghəə ghey a kpiilənə tə wi.

Filipi 4:9

Ghaa khə ni bɔɔmə fwaʼa ndow kə ghəə ghey ghaa zoʼlə neynə n wɔ mə, ghəə ghey ghaa zow neynə, koʼ ney soʼo n wɔ mə, sey nə̀ Zə̀ kən kə fuunə buulə zə, i loʼ ghi ghaa.

Kolose 2:2

N sa dəmə ni kuu fə̀ŋ tə ghə nə̀ ghə i loʼ nə kəfə kəmɔʼ bòʼ ləghə zən ghə khənə n wû i ghə, sey nə̀, ghə i loʼ ni ndzəm zowkeeli nə̀ ghəə zey Zə̀ kə â nyì naŋanə, loʼ Klisto.

1 Tesalonika 2:13

À wey loʼ ghə i tii zə ghey fuu zeelinə zɔŋŋə kə tə̀ Zə̀ kə n təŋkey ghɔɔmə i wi zən ghaa â zownə n wɔ̂ ghey, ghaa n bəghəm kɔʼ, ghaa â bəghəm naŋa koʼ nə̀ a loʼ ghɔɔmə i Kəzə̀, a way dzə ghɔɔmə i wù sɔŋtsuʼ. À ndzəm loʼ ghɔɔmə i Kəzə̀ n tənkey, ghɔɔmə i tii i fwaʼa n fə̀ŋ tə ghaa ghəŋŋə nə̀ bəghəm i fə̀ŋ i ghaa zə nyîmmə.

2 Tesalonika 2:14

Zə̀ kə â tɔŋɔ naŋa ghaa n muu i zən n bam i tûm i dzuŋu zən ghey naʼanə tə ghaa. Tə tɔŋɔ ghaa nə ghaa i loʼ dzəŋi ghi Mûkəbii saa Yeso Klisto n ghaʼ i wi.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

2 Timoti 2:8

Keeli tsu nə̀ Zə̀ kə â zhəm dzəŋŋə bə Yeso Klisto wən tə loʼnə waa waa fɔ̀ɔ Devid nə ivə. À wən loʼ tûm i dzuŋu zən n naʼlənə.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

Hibru 6:11

Ghey ləghə nə̀ kay wù ghaa tsəghə ndow kə n sə̂ kə ni ndəmi uwû n fwaʼ kə ghaa ni ndow kuum, sey nə̀, ghaa i loʼ ni ndzəm keeli fə key ghaa ləmmənə.

1 Pita 1:12

Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.

1 Pita 1:3

Saa fuu kəzɔŋŋə tə̀ Zə̀ kə tə loʼnə Bày tə Mûkəbii saa Yeso Klisto! Nghee tə ngii khənə sî i kwɔɔlə zə, tə n ghəŋə nə̀ saa i khə muu i fəghə zə nghee tə zhəm dzəŋŋə bənə Yeso Klisto nə ivə. À wən loʼ ghə i tii zə, saa muunə, ləmmə tənə nə̀ Zə̀ kə i fuunu saa n fə key tə â təb naŋanə tə̀ saa.

1 Pita 5:3

Kə ghaa nə baŋŋə sə ghə n kow ghə̂ ghey ghə fuu naŋa nə̀ ghaa i laalə. Ghaa fəd khə ni dii ndow mwam u dzuŋu wə tə̀ ghə ni koʼ ney.

2 Pita 1:10

Sey waazə ghuŋ ghə, ghaa ngii dəm tsu ni dii tsu nə̀ Zə̀ kə sày shi bənu ghaa nə̀ ghaa bə doʼo ghə̂ a wi. Abə ghaa ghəŋŋə dzənə sey, ghaa nə bwu koʼ way n bəghəm i fə̀ŋ i ghaa.

2 Pita 1:19

Sey, ghey n baa bəghəm fuu nya nə̀ ghəə ghey tûm tə Kəzə̀ tə â naʼa naŋanə bòʼ Klisto loʼ isəŋə. I dzɔbə nə̀ ghaa tɔʼ gaʼ tsu fə̀ŋ tə ghaa n ghəə a tii ghə, n təŋkey, ghəə a tii a loʼ tə a loʼ kədaa kə baŋanə nə kələm ni ndow kuum ndow n nəŋə zey tsuʼ wə i zownə tə̀ Klisto ni bə. Klisto loʼ tə a loʼ səghəbələ fə n bələbələ tə fə i baŋa soʼo n fə̀ŋ tə ghaa.