1 Tesalonika 1:3 - Kaa n Kəzə̀ n fəghə mə

³ Abə ghey gɔŋŋənə tə̀ Zə̀ kə tə loʼnə Bày saa, ghey n moʼlə bə fwaʼ key ghaa fwaʼanə bòʼ bəghəm i fə̀ŋ i ghaa, nsə ghəə a dzuŋu ghey ghaa ghəŋənə bòʼ ləghə zey ghaa khənə n wû i ghaa, ghaa n təmi taw soʼo bòʼ bəghəm i fə̀ŋ zey ghaa khənə n kow Mûkəbii ə saa Yeso Klisto.

1 Tesalonika 1:3 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 14:15

Yeso n nam dza ndow tə̀ ngəd tə wi tə nə̀, “Abə ghaa ləghənə mə, ghaa khə ni naŋŋə laŋ wuŋ wə.

Tùm i dzuŋu zə kuum Yeso Klisto tə Jɔn â tɔɔnə 15:10

Abə ghaa naŋŋə laŋ wuŋ wə, mə i ləghə ghaa, ighələ tə̀ n naŋŋənə laŋ u Bày wuŋ wə, tə u ləghənə mə.

Kəfwaʼ 10:31

Wù wey n dza tə mə nə̀, ‘Kɔnilus, Zə̀ kə n zow gɔŋŋə zə zə̀, tə u koʼ soʼo jìi zey wɔɔ kə kə̀ buunə tii ni fuu gaamə zə tə ghə̂ a laa ghə.

Kəfwaʼ 3:19

Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

Roma 12:12

Ghaa khə ni duʼlə ni ləmə ghəə ghən Zə̀ kə təb naŋanə tə ghaa. Ghaa i kow fə̀ŋ abə ghaa loʼnə nə uchɔd, gɔŋŋə nəŋə tədzəm.

Roma 15:13

N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.

Roma 15:4

Ghɔɔmə i Kəzə̀ zən ghə â tɔ̀ɔ naŋanə, â loʼ ni tsə̀ saa. Ghɔɔmə i tii zə â loʼ ni kuu fə̀ŋ tə saa, ghəŋŋə soʼo nə̀ saa i loʼ ni kow fə̀ŋ ni ləmə fə key Zə̀ kə â təb naŋanə tə̀ saa.

Roma 16:26

Zə̀ kə n chi dii bə ghə i tii zə tə saa nya, saa u loʼ soʼo ni koʼ aghəə nghee tə tûm tə Kəzə̀ tə â tɔɔ naŋa zeynə. Zə̀ kən kə loʼnə nəŋə tədzəm n ghəŋə nə̀ ghə̂ a naʼa tə mbi tədzəm a keeli ghə i tii zə, sey nə̀, ghə i loʼ ni bəghəm tə̀ Klisto, ghə i zow soʼo tə wi.

Roma 16:6

Ghaa tɔŋɔ zow ndow Maria, tə ngii fuu nyi ndownə wû u wi wə ni fwaʼ tə ghaa.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

1 Kɔrint 13:13

N ghəə ghən saa adzəm, ghəə a təmi shi bə atəghə, a doʼlə tənə nə̀, bəghəm i fə̀ŋ, moʼlə tə dzuŋu tə nsə ləghə zə. A kee loʼ nə̀, ləghə i bə isə̂ n ghəə ghən adzəm.

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

2 Kɔrint 2:17

Ghey way dzə tə̀ a loʼ ndəmə ghə̂ a loʼ ghə, ghə ney kɔʼnə ghɔɔmə i Kəzə̀ zə ni kəŋ ukhəə tii. Ghey naʼlə ghɔɔmə i Kəzə̀ n fə̀ŋ tə zow tə tə̀ a loʼ ghə̂ a kəfwaʼ a Klisto, Zə̀ kə tûm bənə.

Galeshia 1:4

Yeso Klisto â bəghəm ni kpu bòʼ bəb i saa, nghee tə Zə̀ kə, tə loʼnə Bày, â bayyə naŋa nə̀, ni bəghəshi saa n mbi i bəbə zən a muunə tii nya.

Galeshia 5:13

Waazə, ghə Zə̀ kə a say shi bə ghaa nə̀ kə ghaa nə kəm muulənə tə a loʼ ukɔd n tənə kəlaŋ. I kə ghaa nə kee ney kɔʼɔnə nə̀ nghee ghaa kəm way kɔd wə n tənə kəlaŋ, a loʼ kəbùʼ tə ghaa ni ghəŋŋə ghəə a bəbə ghən gow uwû ghaa ləghənə ni ghəŋŋə. Fət ney na buʼ kə tii kə ni gaamə tiilə wû i ghaa nə iləghə.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Galeshia 6:9

Sey, i kə saa nə buu doʼlənə ni ghəŋŋə ghəə a dzuŋu ghə nəŋə tədzəm, n təŋkey abə saa ka buu doʼo ni ghəŋŋə ghəə a dzuŋu ghə, nəŋə i bəghənu, saa i keelinə naamə.

1 Tesalonika 3:6

Nyisa Timoti n dzəŋŋə bə n səə ghey n ghəə a dzuŋu ghə, ghey ngii duʼlə nghee tə tiilə dza bənə jìi zey ghaa bəghəmnə tii tə̀ Klisto nsə ləghə zey ghaa khənə n wû i ghaa. Tə n dza bə soʼo tə̀ ghey nə̀ ghaa moʼlənu ghey nəŋə tədzəm, ndzəmə mbuŋŋə ni koʼ ghey ighələ tə ghey mbuŋŋə soʼonə ni koʼ ghaa.

2 Tesalonika 1:11

À wən loʼ ghə i tii zə ghey gɔŋŋənə tə̀ ghaa nəŋə tədzəm. Ghey gɔŋŋə nə̀ muu i ghaa zə i loʼ n jìi zey Zə̀ kə tɔŋɔnə ghaa nə̀ ghaa muu tii. Ghey gɔŋŋə soʼo nə̀ tə fuu ghaa n daʼa kə sey nə̀, ghaa loʼ ni ghəŋə ghəə a dzuŋu ghey tə ləghənə nə̀ ghaa ghəŋə, ni ndow soʼo n sə kə ni fwaʼa fwaʼ key kə kpiilənə nghee i loʼ nə̀ ghaa khə bəghəm i fə̀ŋ n kow Klisto.

2 Tesalonika 1:3

Waazə ghə, ghey fuu kəzɔŋŋə nəŋə tədzəm tə Zə̀ kə bòʼ ghaa. I ndzəmə dzɔbənu ni ghəŋə sey təŋkey, bəghəm i fə̀ŋ i ghaa i ndəŋə nyîmmənu, ləghə zey ghaa khənə n wû i ghaa, zə a nyîmmə soʼo naʼ idzəm.

1 Timoti 1:14

Mûkəbii ə saa n dii bə ndzuŋ ə wi tə mə naʼ idzəm. Tə n ghəŋə soʼo nə̀ n keeli bəghəm i fə̀ŋ nsə ləghə zən i loʼnə i saa zə abə saa loʼnə nə kəfə kəmɔʼ ghi Yeso Klisto.

1 Timoti 2:3

I dzɔbənu ni gɔŋŋə tə ghə̂ ghə adzəm n ndzoʼo jii zən, à loʼ soʼo ghəə zey Zə̀ kə, tə loʼnə bəghəshi ə saa ləghənə.

Hibru 10:36

Ghaa khə ni kow tsu kə təfə̀ŋ sey nə̀, abə ghaa ghəŋə tsunə ghəə ghey Zə̀ kə ləghənə, tə i fuu ghaa n fə key tə â təb naŋanə tə ghaa.

Hibru 11:17

À loʼ bəghəm i fə̀ŋ zə â ghəŋənə nə̀ Abraham fuu waa wi Ayzik tə a loʼ umaʼlə tə̀ Zə̀ kə nghee Zə̀ kə â mɔm koʼonə wi. Wù mɔʼɔ wən Zə̀ kə â təb naŋanə wi n waa a waa ghə n ndəm, tə n tey tən ni fuu ndow sɔʼi fə waa wi tə̀ Zə̀ kə tə̀ a loʼ umaʼlə.

Hibru 13:21

fuu ghaa n fə u dzuŋu wə udzəm tə̀ ghaa i bwey ndow n jìi zey tə ləghənə. Tə ghəŋə nə̀ saa i fwaʼa fwa key tə ləghənə n bam i Yeso Klisto, tə wən a fuunə wi n kɔʼlə mə nə tənəŋə tədzəm. Zə i loʼ sey.

Hibru 4:11

Sey, saa dəm tsu ni ndow nyi n luʼu kə zayyə kə tii kə, sey nə̀, kə wù saa u loʼ u nə bwu khə̂mənə tə̀ ghə bày bày a saa ghə â bwu khə̂mənə a dza ghə â tuu ni bəghəm tə̀ Zə̀ kə.

Hibru 6:15

Sey, nghee Abraham kow tsunə fə̀ŋ ni ləmə, tə n bə keeli kɔʼ fə key Zə̀ kə â təb naŋanə tə̀ wi.

1 Pita 3:4

Ghaa khə ni fəd ghəŋə nə̀ fə̀ŋ tə ghaa tə i dzɔbə n mwam u dzuŋu wey ghaa khənə nə u kweyyə way. Ghaa khə ni khə zuŋ kə umwam kə nsə fə̀ŋ i dzuŋu zə n təŋkey, à loʼ ghəə ghey a ngii dzɔbənə tə̀ Zə̀ kə.

1 Jɔn 3:18

Waa ghuŋ ghə, kə saa nə diinə ləghə zə nə idzuu kələ. Saa khə ni fədlə dii ndow ndzəm ndzəm kə iləghə kə n ghəə ghey saa ghəŋŋənə.

1 Jɔn 3:21

Fə̂ ghuŋ a dzuŋu ghə, abə fə̀ŋ tə saa tə ka dii nə̀ saa n ghəŋə bəəbə, saa n khə fə̀ŋ ni bə n sə̂ K-a-zə̀ nə̀ saa tsəŋə way.

1 Jɔn 3:3

Wù wən tə khə ndzoʼo moʼlə zən n kow Klisto, sey sow zowwə naŋa wû u wi nə̀ tə i zow ighələ tə Klisto zownə.

1 Jɔn 5:3

Ni ndzəmə ləghə Zə̀ kə, loʼ ni naŋŋə laŋ u wi wə. Laŋ u tii wə a loʼ nə u taw way ni naŋa.

Chi dii 2:19

N khənu ghəə ghey ghaa ghəŋŋənə, n khənu ləghə zey ghaa khənə n wû i ghaa, n khənu bəghəm i fə̀ŋ zey ghaa khənə n kow mə, khə fwaʼ kə ghaa, khə soʼo nghee ghaa kownə fə̀ŋ tii. N khənu nə̀ fwaʼ key ghaa fwaʼanə nya, tsəghəshinu kə key ghaa â buʼu fwaʼa tsənə.

Chi dii 3:10

Nghee wə naŋŋənə laŋ kuŋ kə ni kow fə̀ŋ, mə i bəghəm way nə̀ kaakaa fə mɔm wɔ n nəŋə zə uchɔd. Chɔt u bəghənu fa n mbi ni mɔm koʼ ghə̂ ghey adzəm ghə muunə fa a ghəlitsə.