6 Sey, ghaa khə ni tsuulə tsu wû i ghaa n tənə Zə̀ kən kə khənə daʼa kə səŋi kə, sey nə̀ tə i loʼ ni kɔʼlə naŋa kɔʼ ghaa idəŋ abə nəŋə i wi zə i kpi tsu.
Yeso n dza tə ghə nə̀, “Â way dzə wù Falasi, â fəd loʼ wù kwɔɔ u kəmàʼlə wən tə â loʼ tsətsəghə n sə kə Kəzə̀. Kuum nə̀, abə wù ney kɔʼlə naŋŋə kɔʼnə wû u wi wə, tə i keeli way ngɔɔmə zə, abə wù fəd zûŋ tsunə wû u wi wə, tə n fəd bə keeli ingɔɔmə, ghə n ney kɔʼlə naŋa kɔʼ wi.”
À loʼ wi tə â fuunə wû u wi wə ni kùmshi tow u ghə̂ adzəm. Yeso â bə kpu n tow u ghə̂ adzəm tə a loʼ tsəə ni dii tsu nə̀ nəŋə zey Zə̀ kə â bayyə naŋa ni bəghəshi aghə̂ tii n kpii.
Ambə nəŋə i kpi tsunə, Zə̀ kə n ghəŋə nə̀ ghə̂ a keeli ghəə a tii ghə n bam i tûm ə wi i dzuŋu zən n naʼlənə. À loʼ Zə̀ kən kə bəghəshiənə saa, kə fuu naŋanə mə n fwaʼ kən nə̀ n fwaʼ.
À sey loʼ nə̀, ghaa khə ni zuŋu tsu wû i ghaa zə n tənə Kəzə̀. Kə ghaa nə̂ bəghəm nə̀ vəətsəə a taw tsəghə ghaa, sey, vəətsəə a tii ghə i tyi zəghə tsu ghaa.
Waazə ghə, koʼo na nghee tûm tə Kəzə̀ tən tə â naʼlənə ghəə ghə n zəd i Mûkəbii â fəghənə tii. Ghə â kow fə̀ŋ n ngoʼ zey ghə â zownə. Dzûmə na ghow kə ibwey kə ghə kə.