1 Pita 5:2 - Kaa n Kəzə̀ n fəghə mə

² ghaa i baʼa njì tey Zə̀ kə fuu naŋa tə̀ ghaa nə̀ ghaa i laalə. Ghaa i laalə tə ghii tə nə̀ a way dzə nə̀ ghə təmmənu ghaa, ghaa khə ni laalə tə ghii tə n fə̀ŋ tə ghaa tə tədzəm n təŋkey à wey loʼ ghəə zey Zə̀ kə ləghənə. Kə ghaa nə kad fwaʼa kə a dza ghaa ləghə nə̀ ghə i tsəə bə ghaa n khəə wə, i fwaʼa ndow n na n fə̀ŋ tə ghaa tə tədzəm.

1 Pita 5:2 ပူးပေါင်းရင်းမြစ်များ

Lukas 12:32

Sey, kə̂ ghaa nə tsəŋənə, abə ghaa təbə kənə, n təŋkey Bày ngii duʼlənu ni fu ghaa n fɔɔ u wi.

Kəfwaʼ 20:29

N khənu nə̀ abə mə i zəghə tsunə ghaa, ghə̂ a loʼ ghə i bəghənu tə a loʼ ubəghə, ghə bə saʼa maʼa tsu ghaa.

Kəfwaʼ 21:13

Pɔl n dza tə ghə nə̀, “Ghaa sey jiə ngee? Ghaa baŋŋə fə̀ŋ zuŋ nə idey ə? Mə n tsəm bəghəm nə ghə kwu kow naŋa mə, ghə buʼ wey daŋŋə mə n Yerosalem bòʼ Mûkəbii Yeso.”

Roma 1:15

À wən loʼ ghəə i tii zə n ngii khənə zay ni naʼa tûm i dzuŋu zə tə ghaa ghən ghaa loʼnə n naʼ i Rom.

1 Kɔrint 9:7

À loʼ wù ghaa wə tə fwaʼanə tə a loʼ sawgoʼ nə̀ tə zəə kə n mbəghə kə wi ə? À loʼ ndee tə̀ zəghənə tam wə, tə n ka kɔy nəghə ə? Nkee a loʼ ndee tə nyiəllənə mbɔŋ tə, tə n way ni kammə mə̂ ghii n tii mə ə?

1 Timoti 3:3

Tə khə way ni loʼ ndzoʼo wù wey tə ngii ləghənə lə mə, tə khə soʼo way ni loʼ wù wey tə khənə mbow fə. Tə fəd khə ni loʼ wù wey tə loʼnə zəələ kə wù kə, soʼo way ghɔɔmə zə, shiə soʼo way n sə̂ zə n ghəə ghə ukhəə.

1 Timoti 3:8

Ghə̂ ghən ghə gaamənə nə̀ kəfwaʼ n dzəŋi kə dzûmə tə Klisto khə ni teeli khə mwam u dzuŋu wə, ghɔɔmə soʼo n jìi zey i loʼnə tsətsəghə. Ghə khə way ni ngii ləghə lə mə, ngii shiə soʼo way n sə̂ zə nə ukhəə.

Taytus 1:11

Wə khə ni ghəŋə nə̀ ghə buu naŋa ghɔɔmə i ghə i tii zə, n təŋkey ghə fwɔdlɔ maʼa kaabə təndaw tədzəm nghee ghə diinə ghə n ghəə ghey ghə khə way daʼa kə ni dii. Ghə ghəə a badla ghən dii kaabə n təŋkey ghə ləghə nə̀ ghə̂ ghə i fuu bə ghə n khəə wə.

Taytus 1:7

Nghee i loʼ nə̀ wù wey tə loʼnə tow kə n dzəŋi kə dzûmə tə Klisto kə, à laalə wi fwaʼ K-a-zə̀ kə, tə khə ni loʼ nə̀ tə khə way bwu i loʼ zə n ghəə a wi a ghəŋŋə ghə. Tə khə way ni kaŋŋə ghɔɔmə, khə way mbow fə, məə khəə way nlə mə, kəŋə way chɔd wə, shiə soʼo way n sə ghə nə ukhəə.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Taytus 3:1

Zəŋŋə ndow ghə̂ ghə ghə̀ a Taytus nə ghə i zow tə̀ ghə̂ ghey ghə saʼanə naʼ zə nsə ghə̂ ghən ghə loʼnə tow wə, naŋŋə soʼo laŋ u ghə. Ghə i ləmmə tənə kə ni ghəŋə ghəə zey i dzɔbənə nəŋə tədzəm.

Filemun 1:14

À kee loʼnə n ləghə way ni kwu naŋa wi nə kədaʼa nə n ka bəb zow kɔʼ dzə tə wɔ. N ləghə nə̀ i doʼo tsu nə à tsə̀m wɔ nə tə doʼo fa ghi mə, à way dzə nə a loʼ mə n tənnə nə wɔ.

Hibru 12:15

Dəmə tsu n na nə̀ kə wù ghaa u loʼ u nə doʼlə nə̀ Zə̀ kə ka dii wi n fə̀ŋ ə wi i dzuŋu zə. Kə wù ghaa u loʼ u nə doʼlə naŋ kə bəbə kə n fəŋŋə kə ghaa, kə loʼ ni ghəŋə nə̀ unaŋ udzəm u fway.

2 Pita 2:3

N sə a ghə a shiə ghə, ghə̂ a dii a tsɔŋɔ ghən nə dza bə zəzəə mən n fiilənə isəŋə tə̀ ghaa ni nəəbə ney ukhəə n wɔ ghaa. Zə̀ kə mâ khə bayyə naŋa nə̀ tə i chɔdlɔ ghə̂ ghən, tə kam bweeli soʼo way.