Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pita 5:12 - Kaa n Kəzə̀ n fəghə mə

12 À mə gaamə Saylas ni tɔ̀ɔ bə kəmə fə kəmàʼlə fən. Tə loʼ waazə wuŋ wən n tɔʼ khə nə̀ tə loʼ tsətsəghə n bəghəm i fə̀ŋ i wi. N màʼlə kən tɔ̀ɔ bə tə̀ ghaa ni kuu bə fə̀ŋ tə ghaa nə̀ kə ghaa nə kweyyənə bəghəm i fə̀ŋ zey ghaa khənə n kow Klisto nsə ni təmi tiilə bə nə̀ Zə̀ kə ndzəmə diinu fə̀ŋ ə wi i dzuŋu zə tə̀ ghaa. Ghaa ndow kə n sə kə ni bəghəm tûm i tii zə.

အခန်းကိုကြည့်ပါ။ ကော်ပီ




1 Pita 5:12
24 ပူးပေါင်းရင်းမြစ်များ  

Nghee Pita koʼ ndownə wi, tə n bəb tə Yeso nə̀, “Mûkəbii, ghə i kee jiə ngee ghi wù wən ə?”


Ambə tə ndow nyi ndow nə̀, koʼ tsu ghəə a dzuŋu ghən Zə̀ kə ghəŋənə tə ghə, tə n duʼlə naʼ idzəm, kuu ndow fə̀ŋ tə ghə nə ghə təmi taw tsu kə ghi Mûkəbii n fə̀ŋ tə ghə tə tədzəm.


Ngəd tə Yeso, ngəd tə dzəŋi kə dzûmə tə Klisto nsə dzûmə tə Klisto tə loʼ tey tədzəm n dzəŋi kə dzûmə tə Klisto, n saalə kɔʼ nə̀ ghə sày kɔʼ ghə̂ a loʼ ghə n fəŋŋə kə ghə, ghə tûm ndow n Antyɔk ghi Pɔl nsə Banabas. Ghə n sày shi bə aghə̂ abəghə ghə â loʼ soʼo nə a loʼ ghə̂ ghey ghə laalənə ghə fu n dzəŋi kə dzûmə tə Klisto. Ghə̂ a tii ghə â loʼ Judas ghə â tɔŋɔ soʼo nə a loʼ Basabas nsə Silas.


N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.


À loʼ bəghəm i fə̀ŋ zən saa khənə n kow Yeso Klisto, i ghəŋənə nə̀ saa keeli ndzuŋ ə Kəzə̀ zən saa muunə tii nya. Saa khə ni duʼlə n təŋkey saa ləmmə tənə nəŋə zey saa i loʼnə ghi Zə̀ kə, tə i ghəŋə nə̀ saa keeli soʼo kɔʼlə mən tə khənə.


Waazə ghə, n dza i zəŋŋə bə ghaa n tûm i dzuŋu zən mə â naʼlə tə̀ ghaa, ghaa n ney naŋa tsu, ghaa u təmi taw tsunə tii n bəghəm i fə̀ŋ i ghaa.


Waa Kəzə̀, Yeso Klisto wən ghey naʼlənə tə̀ ghaa, tɔŋŋə, mə, Sivanus, nsə Timoti, fwɔdlɔ bəghəm dzə way ghəə zə, tə n kəm tuu i tsu. Abə tə bəghəm kɔʼnə ghəə zə, tə n bəghəm, nə̀ tə tuunu, tə n tuu tən tsu.


Ghey ləghə dzə way ni tə̀mmə ghaa nə̀ ghaa bəghəm ghəə zey ghey dzanə, n təŋkey ghey khənu nə̀ ghaa tey tawnu n bəghəm i fə̀ŋ i ghaa. Ghey maŋ loʼ ghə̂ a kəfwaʼ, ghey fwaʼa dzəŋinə ghi ghaa nə̀ ghaa i loʼ nə iduʼlə.


Zə̀ kə a chi dii ghəə a wi ghey tə â nyì naŋanə tə̀ mə, tə̀ n nyaʼi tɔ̀ɔ tsəələ tsunə fa.


Taychikus, tə loʼnə waazə ə saa wən saa ngii ləghənə, tə fwaʼanə tə̀ Mûkəbii n fə̀ŋ ə wi idzəm, î tɔʼɔ tiilə dza bənu ghəə ghə adzəm tə̀ ghaa. Sey nə̀, ghaa tɔʼ keeli tsu nghee tə̀ n loʼnə tii nsə fwaʼ key n fwaʼanə.


 loʼ Epafras tə â tiillə dza bənə ndzuŋ ə Kəzə̀ zən tə ghaa. Tə loʼ wù kəfwaʼ wən ghi wi dzəŋi fwaʼanə. Epafras wən ghey ngii ləghənə, fwaʼa tə Klisto n fə̀ŋ ə wi idzəm bòʼ saa.


Taychikus, waazə ə saa u dzuŋu wə, i tiilə dza bənu tə ghaa ghəə ghey a tsəghənə fa adzəm bòʼ mə. Tə fwaʼa dzəŋi ghi mə, fwaʼa soʼo tə Mûkəbii n fə̀ŋ ə wi idzəm.


Tə bəghə dzəŋi ghi Onesimus, waazə ə saa u dzuŋu wən tə fwaʼa soʼonə fwaʼ kən n fə̀ŋ ə wi idzəm, a loʼ wù inaʼ a ghaa. Ghə i tiilə dza bənu tə ghaa ghəə ghey a tsəghənə fa adzəm.


À maʼlə kən tɔ̀ɔ bə mə Pɔl. N tɔ̀ɔ dzəŋi ghi Silas nsə Timoti. Ghey tɔ̀ɔ bə tə̀ dzûmə tə Klisto tey n naʼ i Tesalonika. Ghaa loʼ ghə̂ a Kəzə̀, tə loʼnə Bày saa, loʼ soʼo bày tə̀ Mûkəbii Yeso Klisto. Ghey gɔŋŋə nə̀ Zə̀ kə mə̂ dii ghaa n fə̀ŋ ə wi i dzuŋu zə, tə ghəŋə soʼo nə̀ fə̀ŋ tə ghaa tə i loʼ nə ibuulə.


À màʼlə kən tɔ̀ɔ bə Pɔl, Silas nsə Timoti tə dzəŋi u dzûmə tə Klisto tə n naʼ i Tesalonika ghən ghə bəghəm nə tə Zə̀ kə tə loʼ Bày saa nsə Mûkəbii Yeso Klisto.


Waazə ghuŋ ghə, n buʼu bə kəwɔɔ tə̀ ghaa nə̀ ghaa kow tsu fə̀ŋ ni zəllə tûm zən n tɔ̀ɔ bənə ni kuu bə fə̀ŋ tə ghaa. A wey loʼ ghə i tii zə n tɔ̀ɔ bənə sə fə aghəə fən tə̀ ghaa.


Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.


Nghee i loʼ nə̀ Zə̀ kə n fuu kay wù ghaa n naamə kə, ghaa khə ni ney naamə kən Zə̀ kə diinə fə̀ŋ ə wi i dzuŋu zə ni fuu tə ghaa, ghaa i laalə ndow ghə̂ a loʼ ghə tii.


Sey, mə i tsəm buu doʼo way ni zəŋŋə zeeli ghaa bòʼ ghəə ghən, nghee i buʼ loʼ kə nə̀ ghaa khə zeynu ghəə a tii ghə, tɔʼ khə soʼo nə̀ ghəə a tii a loʼ isəŋə.


Ghə n zəghə maʼa jìi i dzuŋu zə, fədlə laʼa nay ndow. Ghə n ney ghow kə ibwey kə Balam wən tə loʼnə waa Beyɔ. Balam loʼ wù wey tə â ləghənə khəə wey ghə̂ a təngəmə a Təjuu ghə â tsənə wi tii nə̀ tə dza nə̀ Zə̀ kə ləŋ naŋa ghə̂ a Təjuu.


Ghə̂ adzəm, ghə ghɔɔmə ghəə a dzuŋu ghə bòʼ Demitrus, zə a ndzəm loʼ isəŋə nə tə loʼ wù dzuŋu. Ghey dza soʼo sey, ghaa khə soʼonu nə̀ abə ghey dzanə ghəə zə, a sey loʼ isəŋə.


Fə ghuŋ a dzuŋu ghə, nghee mə â tsəm ngii khə kənə zày ni tɔ̀ɔ bə tə ghaa nghee Zə̀ kə i dzəŋi bəghəshiənə saa adzəm tii, mə n koʼ tsu nə̀, i dzɔbənu tə mə ni tɔ̀ɔ bə tə ghaa, n dza bə tə̀ ghaa nə̀ ghaa təmi taw tsu n bəghəm i fə̀ŋ zən Zə̀ kə â fuu naŋanə tə ghə̂ a wi a zow ghə adzəm, ney nuu kəwɔɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ