1 Pita 4:14 - Kaa n Kəzə̀ n fəghə mə

¹⁴ Zə̀ kə i buulə wù wey ghə kpaalənə wi a dza tə loʼ dzûmə Klisto, n təŋkey, Zay kə səŋi kən kə loʼnə Zay K-a-zə̀ kə, loʼ n kow wi.

1 Pita 4:14 ပူးပေါင်းရင်းမြစ်များ

Matyo 5:11

“Buulə i loʼ tə̀ ghaa abə ghə̂ a chɔdlɔnə ghaa, tsayyə ghaa, dza ndəm ə ghəə a bəbə ghə n tow ghaa a dza ghaa loʼ dzûmə tuŋ.

Matyo 5:16

À loʼ soʼo ighələ ghi ghaa, daa kə ghaa kə khə ni baŋa, tə̀ ghə̂ ghə i loʼ ni koʼ ghəə a ghaa a dzuŋu ghə, ghə i fuu kɔʼlə mə tə̀ Bày ghaa idəŋ.”

Lukas 6:22

Buulə i loʼ tə̀ ghaa ghey ghə bàanə ghaa, dzùm ghaa, kpaalə ghaa, khəə ghəə a bwù ghə n zəd a ghaa bòʼ Waa wù sɔŋtsuʼ.

Tùm i dzuŋu zə kuum Yeso Klisto tə Jɔn â tɔɔnə 15:21

Ghə̂ a mbi a nə ghəə ghən adzəm ghəŋŋə n kow ghaa bòʼ mə, n təŋkey, ghə khə way wù wey tə tûm bənə mə.

Tùm i dzuŋu zə kuum Yeso Klisto tə Jɔn â tɔɔnə 8:48

Ghə̂ a Təjuu ghey n dza tə̀ Yeso nə̀, “I sey dii nə̀, ghey mə ka nɔʼ dzə ni dza nə̀ wə̀ loʼ wù Samaria, nsə nə̀ zay kə bəbə kə loʼ n kow wɔ.”

Tùm i dzuŋu zə kuum Yeso Klisto tə Jɔn â tɔɔnə 9:28

Ghə n zey ndòw ni kpaalə wi dza nə̀, “Wə loʼ dzûmə ə wi, ghey kee loʼ dzûmə tə Mushi.

Tùm i dzuŋu zə kuum Yeso Klisto tə Jɔn â tɔɔnə 9:34

Ghə n dza, “Ghə â ji wɔ n ghəə a bəbə ghə, wə u nyim shi kɔʼ bənə n ghəə a bəbə ghə, wə moʼlənə nə̀ wə loʼ ni dii ghey n ghəə ghə?” Sey, ghə n dzum nuu shi wi n Ndaw kədzəŋi ə ghə.

Kəfwaʼ 13:45

Ambə tow wə inaʼ u ghə̂ a Təjuu ghey koʼ tsunə nɔɔ kə aghə̂ kən, ghə n kaʼ ni ghoʼ, khə̂mə ghəə ghən Pɔl dzanə, kpaalə soʼo wi.

Kəfwaʼ 18:6

Ambə ghə̂ a Təjuu khə̂mə ghɔɔmə i Pɔl zə, zey ndow ni kpaalə wi, tə buʼ maʼa tsu kəbvə n ndzə̂ tə wi ni dii tsu nə̀ tə n nyoʼo dzəm tə ghə. Tə n dza tə ghə nə̀, “Və i ghaa i laalə kə ghaa, wɔɔ kuŋ kə way tii. Ni nuu tsu nya ndow isə, mə i tûm i dzuŋu i nya naʼlə kə tə ghə̂ ghən ghə way ghə̂ a Təjuu ghə.”

Kəfwaʼ 28:22

Ghey kee ləghənu ni zow moʼlə zə n təŋkey ghey khənu nə ghə tsəm ə khəə bəəbənu nə təluʼu tədzəm bòʼ zəghə wey wə loʼnə tii.”

Kəfwaʼ 5:41

Nghee ngəd tə Yeso tey zəghə tsunə ndaw tsə, ghə n nuu ndow, fəd duʼlə nə̀ Zə̀ kə n koʼ nə̀ ghə kɔʼ kpiinu ni fəghə, ghə keeli tow kə dədlə kə bòʼ Yeso.

2 Kɔrint 12:10

À wey loʼ ghə i tii zə n khə way fəmmə kə n fə̀ŋ abə n laynə, ghə̂ a kpaalənə mə, koʼo uchɔd, ghə̂ a tsayyənə mə, chɔdlɔ soʼo mə, n təŋkey nəŋə zey n laynə, à wey loʼ nəŋə zey Klisto fwaʼa dzɔbənə n kow mə.

2 Kɔrint 4:10

Ghey loʼ tən tsə kə tə ghey boʼo keeli və i Yeso nə uwû, sey nə̀ ghə̂ ghə i koʼo bə muu i Yeso zə n kow ghey.

2 Kɔrint 4:16

À wən loʼ ghə i tii zə, fə̀ŋ tə ghey tə way ni buu doʼo, abə i loʼ kənə nə̀ ghey lay may ndow nə uwû, Zə̀ kə n ghəŋə nə̀ zay kə ghey kə i fədlə taw doʼlə bə tsuʼu ndzəm.

Galeshia 1:24

Sey ghə n fuu nkɔʼlə tə Zə̀ kə bòʼ mə.

Hibru 11:26

Tə â ney kɔʼ n fə̀ŋ ə wi nə̀, ni fəghə bòʼ wù wən Zə̀ kə â dza naŋa nə̀ i tûm bənu dzɔb tsəghəshinu fə u dzuŋu wey udzəm u loʼnə n naʼ zə Ijip, bòʼ nə̀, tə â laalə tənə ndow kə naamə key tə i keelinə isə.

Jems 1:12

Zə̀ kə i buulə wù wey tə təmi tawnə n bəghəm i fə̀ŋ i wi n nəŋə zey vəətsəə a mɔm koʼonə wi, n təŋkey, abə tə təm zə kɔʼnə, Zə̀ kə i fuu wi n muu zə itsali zən tə â təb naŋanə. À loʼ naamə kən Zə̀ kə təb naŋanə tə ghə̂ ghey ghə ləghənə wi.

Jems 5:11

Ghaa mgbaŋ khənu nə̀ Zə̀ kə buulənu ghə̂ ghey ghə kownə fə̀ŋ. Ghaa mâ zow nghee tə Job â kownə fə̀ŋ tii, ghaa n koʼ soʼo ghəə ghey Zə̀ kə â ghəŋənə tə wi. À wən loʼ ni dii tsu nə̀ Zə̀ kə ngii khə fə̀ŋ i dzuŋu zə nsə sî i kwɔɔlə zə.

1 Pita 2:12

Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.

1 Pita 3:14

Abə i buʼ kee loʼ kə nə̀ ghaa khə ni fəghə a dza ghaa ghəŋŋə ghəə ghey a kpiilənə, Zə̀ kə i buulə ghaa. Kə ghaa nə tsəŋənə wù loʼ, kə wù loʼ nə bəmi soʼonə ghaa.

1 Pita 3:16

Ghaa i maʼlə tsu wû zə ni beeli ndow ghə n jii i dzuŋu zə. Ghaa tɔʼ laalə nyi tsu ni koʼ nə̀ fə̀ŋ tə ghaa tə zownu n ghəə ghey ghaa ghəŋŋənə, sey nə̀, tow kə i dəd ghə̂ ghey ghə ghɔɔmənə ghəə a bəbə ghə bòʼ ghaa abə ghə koʼnə mwam u dzuŋu wey ghaa khənə n təŋkey ghaa loʼ nə kəfə kəmɔʼ ghi Klisto.

1 Pita 4:16

Abə i loʼ kə nə̀ wə fəʼlə n təŋkey wə loʼ dzûmə Klisto, kə wə i dədlə n tow kə, wə i fədlə fuu kali wə tə̀ Zə̀ kə nə̀ wə bəghəmmə zəd i Klisto.

2 Pita 2:2

Nghee i buʼ loʼ kə nə̀ Zə̀ kə i kuʼlə ləŋi maʼanu ghə̂ ghən, ndəmə aghə̂ i dzûmənu dzəə dzəə kə imuu kə ghə kə tii kə. Ghə nə ghəŋə nə̀ ghə̂ ghə i kpaalə tûm zən i loʼnə isəŋə bòʼ ghəə ghey ghə ghəŋŋənə.