1 Pita 4:11 - Kaa n Kəzə̀ n fəghə mə

¹¹ Wù wey tə naʼlənə ghɔɔmə i Kəzə̀ zə, tə khə ni bɔɔmə naʼlə kə ghəə ghey Zə̀ kə dzanə. Wù wey tə fwaʼanə tə̀ ghə̂ ghə, tə khə ni fwaʼa n daʼa key Zə̀ kə fuunə tə̀ wi, sey nə̀, nə aghəə adzəm, ghə̂ ghə i loʼ ni fuu kɔʼlə mə tə̀ Zə̀ kə n bam i Yeso Klisto. À loʼ tə̀ wi tə khənə kɔʼlə mə n dzəm, a loʼ soʼo wi tə khənə daʼa wə udzəm saʼa nəŋə tədzəm. Zə i loʼ sey.

1 Pita 4:11 ပူးပေါင်းရင်းမြစ်များ

Matyo 6:13

Kə wə nə bəghəm nə̀ vəətsəə a mɔm koʼ ghey, Kee bəghəshi kə ghey n wɔɔ kə avəətsəə.’

Tùm i dzuŋu zə kuum Yeso Klisto tə Jɔn â tɔɔnə 13:31

Ambə Judas nuu shi ndow, Yeso n dza tsu nə̀, “Nəŋə zə n kpi tə̀ Zə̀ kə ni fuu nkɔʼlə tə̀ Waa Wù sɔŋtsuʼ, sey nə̀, Zə̀ kə i keeli soʼo nkɔʼlə n bam i wi.

Kəfwaʼ 7:38

À loʼ wi tə â loʼnə ghi ghə̂ ghə Izree ghə n nəŋə zey ghə â zuŋŋə doʼonə n mbvən ə ntsaŋ. Tə â loʼ fu, ghə bày bày a saa ghə n loʼ fu, tsəndəghə zey zə â ghɔɔmənə tə wi n kaʼ u Sinay n loʼ soʼo fu. Â loʼ fu n Kaʼ u Sinay tə â ney kɔʼnə ghɔɔmə i Kəzə̀ zən i ghəŋŋə nə̀ ghə̂ a keeli muu zə itsali ni fuu bə tə saa.

Roma 11:36

I loʼ sey n təŋkey, à loʼ Kəzə̀ kə fwaʼnə fə wə udzəm. À naŋŋə wi fə wə udzəm, à loʼ wi tə khənə fə wə udzəm. Saa khə ni fuu kɔʼləmə tə Zə̀ kə nəŋə tədzəm. Zə i loʼ sey.

Roma 12:3

Nghee tə̀ Zə̀ kə diinə mə n ndzuŋ ni fuu mə n daʼa kə, n dza bə tə ghaa adzəm nə̀, kə ghaa nə kɔʼlə naŋŋənə wû i ghaa zə tsəghəshiə nghee ghaa khə ni kɔʼlə tii, ghaa khə ni fəd ney ighə̂mə n ghəə ghey ghaa sàynə ni ghəŋə. Kay wù khə ni ghəŋŋə ndow ghəə ghə tə̀ Zə̀ kə fuunə wi n bəghəm i fə̀ŋ zə.

Roma 16:27

À may kə Kəzə̀ kə khənə ghəə ghə adzəm. N gɔŋŋə nə̀ saa mə tsəghə n bam i Yeso Klisto ni fuu kɔʼləmə tə̀ wi nəŋə tədzəm. Zə i loʼ sey.

Roma 3:2

Ndəmə ndəmə tə aghəə tə tsəm loʼnu wù keelinə abə tə loʼnə wù Juu. Ghə i səŋi zə n ghəə a tii ghə loʼ nə̀, Zə̀ kə â fuu naŋa ghɔɔmə i wi tə ghə̂ a Təjuu ghə.

1 Kɔrint 10:31

Sey, nə̀ wə zə̂ənu nkee wə məənu, nkee ghə i ghaa zə wə ghəŋŋənə, i ghəŋŋə ndow ghəə ghə adzəm ni fuu nkɔʼlə tə̀ Zə̀ kə.

1 Kɔrint 12:4

Zay kə Zow kən kə loʼ kə kəmɔ̀ʼ, i kee loʼ nə̀, naamə wən tə fuunə, u loʼ ndəm.

1 Kɔrint 3:10

Mə â ney kɔʼ naamə key Zə̀ kə â fuunə tə̀ mə, səd tsu tsə̂ kə ndaw tii tə̀ a loʼ wù wey tə bəghə khəələnə ndaw tə. Wù nuu nya kee bəghə n tsə̂ kə tii kə. À kee loʼ nə̀ kay wù khə ni ney ighə̂mə n jìi zey tə bəghənə tii.

1 Kɔrint 6:20

Zə̀ kə mâ kùmshi tow u ghaa wə n wən i taw zə. Sey, ghaa khə ni ney naŋa tsu vən fə uwû fə ghaa ni kɔʼlə Zə̀ kə a tii.

2 Kɔrint 2:17

Ghey way dzə tə̀ a loʼ ndəmə ghə̂ a loʼ ghə, ghə ney kɔʼnə ghɔɔmə i Kəzə̀ zə ni kəŋ ukhəə tii. Ghey naʼlə ghɔɔmə i Kəzə̀ n fə̀ŋ tə zow tə tə̀ a loʼ ghə̂ a kəfwaʼ a Klisto, Zə̀ kə tûm bənə.

2 Kɔrint 9:13

Fwaʼ kə ghaa kən i ghəŋŋə nə̀ ndəm aghə̂ i fuu kɔʼləmə tə Zə̀ kə. Ghə i fuu nkɔʼlə tə̀ Zə̀ kə n təŋkey nghee ghaa buunə n wɔɔ kə ni gaamə ghə nsə dzûmə tə Klisto tə tədzəm dii bənu nə̀ ghaa dzûmənu tûm i dzuŋu zə bòʼ Klisto.

Efesus 1:19

N gɔŋŋə soʼo nə̀ ghaa zowkeeli tsu ndzoʼo daʼa kə nii kən Zə̀ kə khənə, nə̀ wù ndɔm way ni fòʼlə. À loʼ daʼa kə tii kə, kə fwaʼanə n kow saa ghən saa bəghəmnə tə̀ wi,

Efesus 4:29

I kə ghɔɔmə i dzəə i nə̂ shiənə n dzuu i ghaa, a may kə ghɔɔmə zey i bəghənə ghə̂ ghə n muu i ghə, sey nə̀, ghəə ghey ghaa ghɔɔmənə, ghə i fuu gaamə zə tə̀ ghə̂ ghən ghə zəllənə ghəə ghey ghaa dzanə.

Efesus 5:20

fuu kəzɔŋŋə tə̀ Zə̀ kə, tə loʼnə Bày saa nəŋə tədzəm, n fə wən udzəm tə fuunə tə̀ saa n zəd i Mûkəbii Yeso Klisto.

Efesus 6:10

Ni guŋ kɔʼ, ghaa khə ni taw n doʼo i ghaa ghi Mûkəbii nsə n daʼa kə nii key tə fuunə.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Filipi 2:11

Nsə nə̀, aghə̂ adzəm ghə i dza shiə bə mgbaŋ nə̀ Yeso Klisto loʼ Mûkəbii, Ni fuu ndow nkɔʼlə tə̀ Zə̀ kə tə loʼnə Bày saa.

Kolose 4:6

Ghaa khə ni khə dzə̂ tə dzuŋu tə n jìi zey ghaa ghɔɔmənə tii ghi ghə̂ ghə, sey nə̀, ghaa i loʼ ni beeli aghə̂ adzəm n jìi zey i kpiilənə.

1 Tesalonika 2:4

Ghey ghɔɔmə tə ghaa tə̀ a loʼ ghə̂ ghey ghə kɔʼ kpiinə tə̀ Zə̀ kə ni fuu naŋa tûm wi i dzuŋu zə n wɔɔ kə ghə. Ghey ghɔɔmə dzə way nə̀ ghə̂ ghə i duʼlə ghi ghey. Ghey ghɔɔmə nə̀ Zə̀ kə i duʼlə ghi ghey n tənkey à loʼ wi tə saʼanə fə̀ŋ tə ghey tə.

1 Timoti 1:17

N gɔŋŋə nə̀ ghə̂ a mə fuu ngɔɔmə zə nsə kɔʼləmə tə Zə̀ kə nəŋə tədzəm. Tə loʼ də̀ŋ kən kə loʼnə nya, loʼ nə tənəŋə tədzəm, də̀ŋ key kə kpuu koʼo tsə way, kə key wù loʼ ka kam koʼ koʼ tsə. A may kə wi tə mbi nə bə may. Zə i loʼ sey.

1 Timoti 6:16

À may kə wi tə nə kpu koʼ way. Tə muu n luʼu key daa kə baŋanə fuu n jìi zey wù sɔŋtsuʼ way ni koʼ wi. Wù loʼ way tə koʼ koʼ tsənə wi nkee tə nə koʼonə wi. Nkɔʼlə ndzəm nsə daʼa kə i loʼ tə wi tə mbi nə bə may. A may kə sey.

Taytus 2:1

A kee bə wɔ a Taytus, wə khə ni teeli dii ndow kə dzûmə tə Klisto tə n ghəə ghey a bəghəm dzəŋi kɔʼnə ghi ghəə a Kəzə̀ ghə.

Taytus 2:15

Sey, a wən loʼ ghəə ghən wə khə ni dii ndow tə dzûmə tə Klisto tə. I kuu ndow fə̀ŋ tə ghə tə, kpaa tənə ndow soʼo ghə abə ghə ghəŋə bəəbə tsunə ghəə zə tə a loʼ wù wey tə khənə daʼa kə tii kə. Ka tsəm bəghəm nə wù loʼ koʼ kìi wɔ.

Hibru 13:7

Kə ghaa nə neyzəənə ghə̂ ghey ghə â diinə ghaa n jìi, tɔŋŋə ghə̂ ghən ghə a khəənə ghəə a Kəzə̀ ghə tə̀ ghaa. Moʼlə tsuu n na jìi zey ghə â muunə tii, ghaa dzûmə ndow ghow kə ibwey kə ghə n bəghəm i fə̀ŋ zey ghə â khənə n kow Zə̀ kə.

Hibru 5:12

Ghaa mə khə ni loʼ ghə̂ a dii ghə nya. À fa kee loʼ nə̀ wù loʼ khə ni bə faalə dii kpiʼi bə ghaa n ghəə a sə isə ghə n ghɔɔmə i Kəzə̀. Ghaa fa nam loʼ kə tə̀ a loʼ waa a buu ghə, ghə nam nyɔŋɔnə ghii zə, loʼ sey nə̀ ghaa mə khə ni zə̂ə fəzəə u taw wə.

Jems 1:19

Waazə ghuŋ a dzuŋu ghə, n ləghə nə̀ ghaa keeli tsu nə̀ ghaa adzəm ghaa khə ni maʼa tsu iwû ni tɔʼɔ zəllə ghəə ghə. Kə ghaa nə tsɔɔ beelinə ghəə ghə, kə ghaa nə mbadla fəələ soʼonə n nəghə wə.

Jems 1:26

Wù wey tə moʼlənə nə̀ i ghəŋŋə ghəə ghey a kpiilənə n sə K-a-zə̀ nə̀ tə way ni kəmə naŋa dzuu i wi, tə maŋa nəbə wû u wi, ghəə a Kəzə̀ a wi a tii ghə u maŋ loʼnə kənunu.

1 Pita 2:12

Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.

1 Pita 2:5

Bə n na n səə Mûkəbii tə a loʼ tay ghey a loʼnə utaw, ghə ney kɔʼ ghaa, ghə bəghə teyyə kɔʼ ndaw Kəzə̀ i nii zə a tii, ghaa i fwaʼa tə a loʼ fɔɔngili tə Zow tə ni fəələ maʼlə u Zay kə Zow kə Zə̀ kə ləghənə n bam i Yeso Klisto.

1 Pita 4:10

Nghee i loʼ nə̀ Zə̀ kə n fuu kay wù ghaa n naamə kə, ghaa khə ni ney naamə kən Zə̀ kə diinə fə̀ŋ ə wi i dzuŋu zə ni fuu tə ghaa, ghaa i laalə ndow ghə̂ a loʼ ghə tii.

1 Pita 4:16

Abə i loʼ kə nə̀ wə fəʼlə n təŋkey wə loʼ dzûmə Klisto, kə wə i dədlə n tow kə, wə i fədlə fuu kali wə tə̀ Zə̀ kə nə̀ wə bəghəmmə zəd i Klisto.

1 Pita 5:11

À loʼ wi tə khənə daʼa wə udzəm nəŋə tədzəm. Zə i loʼ sey.

Màʼlə kə Jud tə̀ ghə̂ a Kəzə̀ ghə 1:25

Saa i fuu kɔʼlə mə tə Zə̀ kə, à loʼ kənə wi Zə̀ kə. À loʼ wi bəghəshi ə saa n bam i Yeso Klisto Mûkəbii saa. Nkɔʼlə n dzəm, udaʼa udzəm nsə fɔ̀ɔ wə udəŋ wən udzəm wə â loʼnə tə̀ mbi ni kaʼ, u wən u loʼnə nya nsə u wey wə i bə doʼlənə tə̀ mbi nə bə may, loʼ tə wi. Zə i loʼ kə sey.