1 Pita 4:10 - Kaa n Kəzə̀ n fəghə mə

¹⁰ Nghee i loʼ nə̀ Zə̀ kə n fuu kay wù ghaa n naamə kə, ghaa khə ni ney naamə kən Zə̀ kə diinə fə̀ŋ ə wi i dzuŋu zə ni fuu tə ghaa, ghaa i laalə ndow ghə̂ a loʼ ghə tii.

1 Pita 4:10 ပူးပေါင်းရင်းမြစ်များ

Matyo 20:28

Ighələ tə̀ Waa Weynum â ka bə dzə̀ fa n mbi nə̀ ghə̂ a fwaʼ tə̀ wi, tə â bə ni fwaʼ tə ghə̂ ghə nsə ni fuu muu i wi ni kùm shi tow u ndəmə aghə̂.”

Matyo 24:14

Ghə i naʼlə Tûm i dzuŋu zən bòʼ Fɔɔ u Kəzə̀ n naʼa tə mbi tən tədzəm tə̀ ghə̂ adzəm a zow tsu, sey mbi i daŋŋə may.”

Matyo 24:21

n təŋkey chɔd mey n nə loʼnə n nəŋə i tii zə, nə faalənu tsəghəshi n mey n loʼ nə̀ mə shi koʼ tsə ni ney nuu bə tə̀ mbi â nə kaʼnə bə kuum bə n tsuʼ fə tii fə. Ndzoʼo chɔd n tii n nə may kuum kə n nəŋə i tii zə, n nə kəm shi koʼ tsə way.

Matyo 24:45

Yeso n dza kpiʼi ndow tə̀ ghə nə̀, “À loʼ wù kəfwaʼ u ghaa wə wù loʼnə ni gaʼ fə̀ŋ n kow wi, tə u khə soʼonə tɔb wə ə? À loʼ tə wey, mûkəbii wi fuu naŋanə wi n fwaʼ kə nə̀ tə i laalə ghə̂ a kəfwaʼ à loʼ ghey, fuu ghə n fəzəə wə nə inəŋə.

Matyo 25:17

Tə wey tə a khənə mbəghə wə ubəghə n ghəŋə ndòw soʼo ghə i mɔʼɔ zə, keeli kpiʼi kɔʼ mbəghə wə ukhəə ubəghə.

Matyo 25:44

“Ghə i beeli kɔʼ nə̀, ‘Mûkəbii, â loʼ zeeli ghey â koʼnə wɔ n dzəŋ, nkee nə fə̀ŋ ə mmuu zuʼlə wɔ, nkee nə̀ wə khə way ndzə̂ tə, nkee wə dzaŋanə, nkee wə loʼnə n ndaw tsaʼ, ka gaamə wɔ ə?’

Malakus 10:45

N təŋkey, kasə Waa wù sɔŋtsuʼ, tə â ka bə dzə fa n mbi nə̀ ghə̂ a fwaʼ tə̀ wi, tə â bə ni bə fwaʼ tə̀ ghə̂ ghə adzəm nsə ni bə fuu muu i wi ni kùm shi fə̀ŋ tə ndəmə aghə̂.”

Lukas 12:42

Mûkəbii n beeli ndòw wi nə̀, “Wù kəfwaʼ u sə̀ŋi u loʼ wù wey tə khənə tow kə, tə̀ mûkəbii wi loʼ ni gaʼ fə̀ŋ n kow wi, tə ney naŋa wi tə a loʼ wù kətow nə tə i nyaŋə fə u ghə̂ a kəfwaʼ a loʼ ghə, nsə ni fu soʼo ghə n fəzəə wə n nəŋə i ghə i zə̂ə zə.

Lukas 19:13

Ambə tə dza i nu, tə n tɔŋŋə naŋa tsu ghə̂ a kəfwaʼ a wi ighəm, fu ndow kay wù n khəə wə nə ghə loʼ ni tsə wù kəfwaʼ tii nə təndzɔŋɔ tətəghə dza, ‘Ghəŋə ndow na bikiwən kə, n bəghənu.’

Lukas 8:3

Joana wey Kuza tə â lòʼnə tow kə ghə̂ a kəfwaʼ ghə n ndaw Helɔd. Susana â loʼ soʼo tii, nsə ndəmə gheyzən a loʼ ghə̀ ghə â gaamənə ni tɔɔmə Yeso ghi ghə̂ a wi ghə n ngəŋə ghə.

Roma 15:25

Nyisa wən, n loʼ n jii n ndownə n Yerosalem ni ndow fuu igaamə tə̀ ghə̂ a Kəzə̀ ghey fu.

Roma 15:27

Ghə â duʼlənu ni ghəŋə sey n təŋkey, ghə â koʼ tsu nə̀ ghə ndzəm khə ghə̂ a Təjuu n ndaŋ kə. Ghə â koʼ sey n təŋkey, tûm i dzuŋu zə â kaʼ nuu bə n wɔ ghə̂ a Təjuu ghə tə tûm tii ni bə tə̀ ghə̂ ghey ghə way ghə̂ a Təjuu ghə, ghə a loʼ dzɔbnə nya tə a loʼ ghə̂ a Kəzə̀. Nghee ghə loʼ dzɔbnə nya bòʼ ghə̂ a Təjuu, ghə a koʼ tsu nə̀ i dzɔbənu ni tsow tsu ufə ni gaamə ndow ghə̂ a Təjuu tii.

1 Kɔrint 15:10

N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

1 Kɔrint 3:10

Mə â ney kɔʼ naamə key Zə̀ kə â fuunə tə̀ mə, səd tsu tsə̂ kə ndaw tii tə̀ a loʼ wù wey tə bəghə khəələnə ndaw tə. Wù nuu nya kee bəghə n tsə̂ kə tii kə. À kee loʼ nə̀ kay wù khə ni ney ighə̂mə n jìi zey tə bəghənə tii.

1 Kɔrint 4:7

À loʼ ndee tə ghəŋənə nə̀ ghaa a loʼ ghə i loʼ n nəŋ n fəŋŋə kə ghə̂ a loʼ ghey ə? À loʼ fə̂ kə ghaa kə ghaa keeli koʼ tsənə nə̀ à way Kəzə̀ kə fuunə tə̀ ghaa ə? Abə à loʼ nə̀ a loʼ Kəzə̀ kə fuunə fə̂ u tii wə udzəm tə̀ ghaa, a loʼ kee ghaa ghaŋŋənə wû zə tə a ka fuu wi fə u tii wə tə̀ ghaa ə?

2 Kɔrint 6:1

Nghee tə̀ ghey fwaʼa dzəŋinə ghi Zə̀ kə, ghey buʼu bə kəwɔɔ tə̀ ghaa nə̀ kə̂ ghaa nə bəghəmnə nə̀ ndzuŋ ə Kəzə̀ zən ghaa keelinə doʼo Kənunu.

2 Kɔrint 9:1

N khənu nə̀ zuŋ kə ighəə kə loʼ kə way dzə tə̀ mə ni tɔ̀ɔ zeeli kəmàʼlə tə̀ ghaa bòʼ gaamə zey ghaa dza i fuu tə̀ dzûmə tə Klisto tey n Judeya.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Efesus 4:11

À loʼ wi tə â fuunə naamə wən n dzəŋi kə dzûmə tə Klisto. Naamə u tii u loʼ nə̀, tə ghəŋə nə̀ ghə̂ a loʼ a doʼo ngəd tə wi, naŋa a loʼ ghə tə̀ a loʼ tûm tə Kəzə̀, naŋa a loʼ ghə tə̀ a loʼ ghə̂ ghən ghə bwey naʼlənə tûm i dzuŋu zə, naŋa a loʼ tə̀ a loʼ ghə fɔɔngili, naŋa soʼo a loʼ ghə nə̀ a loʼ ghə̂ dii ghə.

2 Timoti 1:18

N gɔŋŋə nə̀ Zə̀ kə kwɔɔlə isî n kow wi n tsuʼ fey Mûkəbii i bəghənə tii. Wə tɔʼ khənu nghee tə â gaamənə mə tii n naʼ i Efesus.

Taytus 1:7

Nghee i loʼ nə̀ wù wey tə loʼnə tow kə n dzəŋi kə dzûmə tə Klisto kə, à laalə wi fwaʼ K-a-zə̀ kə, tə khə ni loʼ nə̀ tə khə way bwu i loʼ zə n ghəə a wi a ghəŋŋə ghə. Tə khə way ni kaŋŋə ghɔɔmə, khə way mbow fə, məə khəə way nlə mə, kəŋə way chɔd wə, shiə soʼo way n sə ghə nə ukhəə.

Hibru 6:10

Zə̀ kə way dzə wù wey tə way tsətsəghə n ghəə a wi, sey, tə i neyzəə way fwaʼ kə ghaa kə nsə ləghə zən ghaa dii bənə tə̀ wi nghee ghaa gaamənə ghə̂ a wi ghə, ghaa a nam ndow kə n sə kə ni ghəŋŋə sey.

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.

1 Pita 5:12

À mə gaamə Saylas ni tɔ̀ɔ bə kəmə fə kəmàʼlə fən. Tə loʼ waazə wuŋ wən n tɔʼ khə nə̀ tə loʼ tsətsəghə n bəghəm i fə̀ŋ i wi. N màʼlə kən tɔ̀ɔ bə tə̀ ghaa ni kuu bə fə̀ŋ tə ghaa nə̀ kə ghaa nə kweyyənə bəghəm i fə̀ŋ zey ghaa khənə n kow Klisto nsə ni təmi tiilə bə nə̀ Zə̀ kə ndzəmə diinu fə̀ŋ ə wi i dzuŋu zə tə̀ ghaa. Ghaa ndow kə n sə kə ni bəghəm tûm i tii zə.