1 Pita 4:1 - Kaa n Kəzə̀ n fəghə mə

¹ Nghee i loʼnə nə̀ Klisto â fəghə tə a loʼ wù sɔŋtsuʼ fa n mbi, ghaa khə ni teeli keeli tsu soʼo ndzoʼo fə̀ŋ zey tə â khənə n nəŋə zey tə â bəghəmnə ni fəghə, n təŋkey, wù wey tə fəghənə tə a loʼ wù sɔŋtsuʼ fa n mbi, kəm way ni ghəŋə ghəə a bəbə ghey tə â buʼu ghəŋŋə tsənə.

1 Pita 4:1 ပူးပေါင်းရင်းမြစ်များ

Malakus 3:3

Yeso n dza ndòw tə̀ wù wey wɔɔ kə wi kə â tə̀ghə doʼonə nə̀, “nuu kɔʼ, wə təmi shi bə n sə kə aghə̂.”

Roma 6:11

N jii i mɔʼɔ zə, ghaa khə ni zowkeeli tsu nə̀ bəb i kəm khə soʼo way daʼa kə n kow ghaa. Muu zey ghaa muunə nya, loʼ muu zey i kpiilənə tə̀ Zə̀ kə n təŋkey ghaa loʼ nə̀ kəfə kəmɔʼ ghi Yeso Klisto.

Roma 6:2

Ngaŋ! I way dzə ni doʼo sey n təŋkey saa nya loʼ tə̀ a loʼ ghə̂ a kpu ghə abə i bənə ni ghəŋə ghəə a bəbə ghə. Sey, saa way ni ney dzə muu i saa nə̀ saa i kəm ghəŋŋə ndow ghəə a bəbə ghə tii.

Roma 6:7

I loʼ sey n təŋkey, abə wù kpu dzəŋinə ghi Klisto, Zə̀ kə n bəghəshi bə wi n ghəə a bəbə ghə.

Galeshia 2:20

N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.

Galeshia 5:24

Ghə̂ ghən ghə loʼnə nə kəfə kəmɔʼ ghi Yeso Klisto, ghə n tuu maʼa ghəə ghən gow uwû ləghənə, baa naŋa kɔʼ n zat kə fəkaʼ.

Efesus 6:13

À wən loʼ ghə i tii zə ghaa khə ni dzəŋə kɔʼ fə u tsam wən udzəm Zə̀ kə fuunə, sey nə̀, abə tsuʼ fə bəbə fə i bənə, ghaa i loʼ ni təm zə̂ ghə̂ a təngəmə a ghaa, nsə nə̀ abə ghaa təm zə̂ kɔʼnə ghə, ghaa i nam khə daʼa kə ni təmi taw tsu n bəghəm i ghaa.

Filipi 2:5

Ghaa khə ni bɔɔmə khə ndzoʼo mwam wey Klisto â khənə n wû i ghaa.

Hibru 12:3

Moʼlə tsu nghee tə â kownə fə̀ŋ tii ni fəghə n wɔɔ kə ghə̂ a bəbə ghə, sey nə̀ kə ghaa nə buu khə̂mənə, ghaa tuu maʼa soʼo Kəzə̀.

Hibru 4:10

I loʼ sey n təŋkey, ghə̂ ghey ghə i ndow nyinə n luʼu kə zayyə key Zə̀ kə â bayyə naŋanə, ghə i zayyə soʼonu wû i ghə zə n fwaʼ kə ghə, ighələ tə̀ Zə̀ kə â zayyənə wû u wi wə n fwaʼ kə wi.

1 Pita 2:21

À wən loʼ ghəə zey Zə̀ kə â tɔŋɔnə ghaa tii n təŋkey, Klisto n wû u wi wə mâ fəghə soʼo n tow u ghaa, dii naŋa tsu ghaa n jìi zey ghaa khə ni ghəŋŋə ghəə ghə tii, sey nə̀ ghaa loʼ ni ney ghow kə ibwey kə wi.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,