1 Pita 3:9 - Kaa n Kəzə̀ n fəghə mə

⁹ Kə ghaa nə kûmmənə bəb zə nə ibəb, nkee abə wù tsɔɔmənə ghaa, kə ghaa nə tsɔɔmə soʼonə wi. Ghaa khə ni fəd dza nə̀ Zə̀ kə buulə wù tii n təŋkey à wey loʼ ghəə zey Zə̀ kə â tɔŋɔnə ghaa nə̀ ghaa i ghəŋŋə sey nə̀, ghaa i loʼ ni keeli ibuulə n wɔ wi.

1 Pita 3:9 ပူးပေါင်းရင်းမြစ်များ

Matyo 19:29

Wù wey tə naŋa sənə ndaw tə wi tə, waazə a wi, bày wi, này wi, waa a wi, nkee sum u wi n zəd zuŋ, î keeli dzəŋŋə fə u tii wə nə nbɔm n mbi i zən, tə i keeli soʼo muu zə itsali.

Matyo 25:34

Tə i daŋŋə dza ndòw tə̀ ghə̂ ghey n kpii u wi u təmə wə nə̀, ‘Bə na n səə mə, ghaa ghən ghaa loʼ nə̀ Bày wuŋ n ghaa buulə, bə zə̂ na fɔɔ u Kəzə̀ wən ghə â bayyə naŋa nə nzeyyə tə̀ ghaa nə̀ mbi ka kam kaʼ.

Matyo 5:39

N fa kee dza bə tə̀ ghaa nə̀, ka kûmmə dzəŋə dzə bəb zə n kow wù wey tə ghəŋənə bəb tə̀ wɔ. Abə wù saa nyi bənə wɔ n sali kə n dzoʼ kə kə̀ zəə kə, dii may ndòw dzoʼ kə̀ loʼ key nə̀ tə saa nyi bə.

Matyo 5:44

N fa kee dza bə tə̀ ghaa nə̀, ghaa khə ni ləghə ndòw ghə̂ a təngəmə a ghaa ghə, gɔŋŋə tə̀ ghə̂ ghey ghə bàanə ghaa.

Malakus 10:17

Nghee tə̀ Yeso nuu ndòwnə n bwey i wi zə, wù loʼ n nyəŋ bə təm bə tənguʼ n tənə wi, bəb tə̀ wi nə̀, “Wu dii u dzuŋu wə, n loʼ ni ji ngee ni keeli muu zə itsali ə?”

Lukas 10:25

N tsuʼ fə loʼ fə, wù dii u kəlaŋ u loʼ wə n bə ni bə mɔɔmə koʼ Yeso, tə n bəb ndòw tə̀ wi nə̀, “A wù dii wə, n khə ni ji ngee tə̀ mə ni keeli muu zə itsali?”

Lukas 18:18

Ngəd ə ghə̂ a Təjuu u loʼ wə n bəb ndòw tə Yeso nə̀, “Wù dii u dzuŋu wə, a loʼ ghə i ghaa zə n khə ni teeli ghəŋŋə ni keeli muu zə itsali ə?”

Roma 12:14

Ghaa i gɔŋŋə ndow tə Zə̀ kə nə̀ tə buulə ghə̂ ghey ghə ghəŋənə nə̀ ghaa i fəʼlə. Ghaa i dza ndow nə̀ Zə̀ kə buulə ghə, kə tə nə tsɔɔmənə ghə.

Roma 12:17

Kə ghaa nə kuumənə bəb zə nə ibəb. Ndəmi tsu n na wû zə ni ghəŋŋə ndow ghəə ghey aghə̂ adzəm loʼ ni koʼ bə nə̀ a loʼ ghəə a dzuŋu ghə.

Roma 8:28

Saa khənu nə̀, Zə̀ kə ghəŋŋə nə̀ ghəə ghey adzəm a shiənə, a fwaʼ n ndzuŋ ə ghə̂ ghey ghə ləghənə wi. À wən loʼ saa ghən Zə̀ kə â tɔŋɔnə nə̀ saa ghəŋə ghəə ghey tə â bayyə naŋanə nə saa ghəŋə.

Roma 8:30

I loʼ soʼo nə̀, ghə̂ ghey Zə̀ kə sày naŋanə, à loʼ soʼo ghə tə tɔŋɔnə nə̀ ghə doʼo ghə̂ a wi. Ghə̂ ghey tə tɔŋɔnə nə̀ ghə doʼo ghə̂ a wi, à loʼ soʼo ghə tə ghəŋənə nə̀ ghə doʼo tsətsəghə n sə kə wi. Ghə̂ ghey tə ghəŋənə nə̀ ghə doʼo tsətsəghə n sə kə wi, à loʼ soʼo ghə tə ghəŋənə nə̀ ghə keeli nkɔʼlə.

Galeshia 3:14

Zuŋ key tə a kùm shinə saa â loʼ ni ghəŋə nə̀ ghə̂ ghən ghə way ghə̂ a Təjuu ghə, ghə loʼ ni mbɔŋ keeli soʼo buulə zən Zə̀ kə â fuunə tə Abraham n bam i Yeso Klisto. Seynə saa loʼ ni keeli Zay kə Zow kən Zə̀ kə a təb naŋanə n bam i bəghəm i fə̀ŋ i saa.

Efesus 4:32

Ghaa fəd khə ni ghəŋŋə ndzuŋ n wû i ghaa, buulə ghəŋŋə aghəə, neyzəə tûmmə iwû, ighələ tə̀ Zə̀ kə neyzəənə bəb i ghaa zə n bam i Klisto.

1 Tesalonika 5:15

Kə ghaa i bəghəm nə̀ wù loʼ n fəŋŋə kə ghaa kûmmə dzəŋŋə ibəb nə ibəb. Ghaa fəd khə ni ghəŋŋə ghəə ghey a dzɔbənə n wû i ghaa nsə tə̀ ghə̂ ghə adzəm.

Hibru 12:17

Ghaa khənu nə̀ nghee tə â ləghə ni kəm ney buulə zey bày wi â ləghənə ni fuu tə̀ wi, bày wi n tuu ni fuu wi n buulə i tii zə n təŋkey, tə a kəm khə way jìi i loʼ zə ni kweyyə kɔʼ ghəə zey tə â ghəŋənə nghee tə â buʼu ləghə kə buulə i tii zə n sə̂ mə idey mə.

Hibru 6:14

Tə â təb tə wi nə̀, “Mə i buulə wɔ, n fuu wɔ n waa a waa ghə n ndəm.”

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.