1 Pita 3:4 - Kaa n Kəzə̀ n fəghə mə

⁴ Ghaa khə ni fəd ghəŋə nə̀ fə̀ŋ tə ghaa tə i dzɔbə n mwam u dzuŋu wey ghaa khənə nə u kweyyə way. Ghaa khə ni khə zuŋ kə umwam kə nsə fə̀ŋ i dzuŋu zə n təŋkey, à loʼ ghəə ghey a ngii dzɔbənə tə̀ Zə̀ kə.

1 Pita 3:4 ပူးပေါင်းရင်းမြစ်များ

Matyo 11:29

Ney kɔʼ na fwaʼ kuŋ kə n wû i ghaa zə, ghaa zoʼlə tsu aghəə n wɔ mə̀, n təŋkey, n loʼ zəələ kə wù, khə soʼo fə̀ŋ i dzuŋu zə, ghaa i keeli izayyə.

Matyo 21:5

Dza ndòw tə̀ naʼ i Zayɔn zə nə̀, Koʼo ndòw, Də̀ŋ kə ghaa kə key kə bəghənə n səə ghaa, Nə ingɔɔmə, tə nyaʼnə nə fənjakas, Nsə waa fə fənjakas fə.

Matyo 23:26

Ghə̂ a tə Falasi a fəbə ghə! Sow maʼa tsu dzə na fə̀ŋ kə wɔ̀ɔ kə nsə kaŋ wə, ghaa daŋŋə sow maʼa tsu bii kə tii kə, sey, bii kə tii kə i zow soʼo.

Matyo 5:5

Buulə i loʼ tə̀ ghə̂ ghey ghə tsuulə tsunə wû i ghə zə, N təŋkey, ghə î keeli fə u mbi wən udzəm Zə̀ kə naŋanə tə ghə.

Lukas 11:40

Dzəŋsə ufə wən, ghaa khə way nə wù wey tə bɔmnə fəŋ a nam loʼ kə wi tə bɔmnə bii kə?

Lukas 16:15

Yeso n dza ndòw tə̀ ghə nə̀, “À loʼ ghaa, ghaa diinə wû zə n sə kə aghə̂, nə ghaa loʼ ghə̂ a dzuŋu ghə, Zə̀ kə a kee koʼonə fə̀ŋ tə ghaa tə. Sey, fə wey wù sɔŋtsuʼ gaʼanə fəŋ tii, u fədlə ləbinu tə̀ Zə̀ kə.

Roma 1:23

Ghə ney kɔʼlə mən ghə mə khənə ni fuu tə Zə̀ kən kə muunə nəŋə tədzəm, fədə fuu ndow tə mmuʼu mən ghə bɔmnə n wɔɔ, n fiilənə wù sɔŋtsuʼ, nnən, tənyam, nsə nyam tən tə siinə aghəd nə̀ fə u tii wə udzəm u kpuunu.

Roma 2:29

Wù wey tə ndzəm loʼnə wù Juu loʼ tə wey tə loʼ nə̀ ghə n səghə tyi kə wi kə n fə̀ŋ ə wi. À loʼ Zay kə Zow kə, kə fwaʼnə ghəə a tii ghə, a way dzə ghəə zey i tɔ̀ɔ doʼonə nə kəlaŋ. À loʼ Kəzə̀ kə kalinə ndzoʼo wù wən à way dzə wù sɔŋtsuʼ.

Roma 6:6

Saa khənu nə̀ muu i wey zey saa â bùʼ khə tsənə mâ kpuu nuu ghi Yeso n zat kə fəkaʼ, sey nə̀, Zə̀ kə loʼ ni sow maʼa ghəə a bəbə ghən a fwaʼanə n kow saa. Zə̀ kə sow maʼa ghəə a bəbə ghən sey nə̀ kə saa nə kəm doʼlənə kɔd wə tə̀ ghəə a bəbə ghə.

Roma 7:22

I sey diinə, N ləghənu laŋ kən Zə̀ kə fuu bənə n fə̀ŋ zuŋ idzəm.

2 Kɔrint 10:1

À loʼ mə̀ Pɔl n wû wuŋ wə, n maʼa tsunə wû wə ni buʼ kəwɔɔ tə̀ ghaa n zəd i Klisto wən tə buulənə, zə̀ələ loʼ soʼo. À loʼ mə wən ghə̂ a loʼ a dza kaabənə nə̀ abə n loʼnə n sə kə ghaa, mə n tsəŋə, kee tɔɔbə ghɔɔmə abə n nuu ndownə.

2 Kɔrint 4:16

À wən loʼ ghə i tii zə, fə̀ŋ tə ghey tə way ni buu doʼo, abə i loʼ kənə nə̀ ghey lay may ndow nə uwû, Zə̀ kə n ghəŋə nə̀ zay kə ghey kə i fədlə taw doʼlə bə tsuʼu ndzəm.

Galeshia 5:23

ni bɔɔmə ghəŋŋə ghəə ghə nsə zuŋ kə umwam kə. Laŋ kə loʼ kə way dzə kə tuunə nə wə ka ghəŋə ghəə ghən.

Efesus 4:2

Ghaa i muu tən kə nə ingɔɔmə, maʼlə tsu uwû, kwɔ keeli fə̀ŋ tə ghaa, tɔɔmə kɔʼɔ ndow wû i ghaa nə iləghə.

Kolose 3:12

Zə̀ kə n sày ghaa nə ghaa doʼo ghə̂ a wi a zow ghən tə ngii ləghənə, sey, ghaa khə teeli khə sî i kwɔɔlə zə, fə̀ŋ i dzuŋu zə, zuŋ kə umwam, ni buulə nsə ni kow fə̀ŋ.

Kolose 3:3

bòʼ nə̀, ghaa mâ kpuu dzəŋi ghi Klisto, sey, a ghaa nya tsəd naŋa Klisto tə loʼnə nə kəfə kəmɔʼ ghi Zə̀ kə.

1 Tesalonika 4:11

Zoʼlə tsu na ni muu zuŋ kə imuu. Kə ghaa nə̂ kuunə dzuu i ghaa zə n ghəə zey i laalə way ghaa. Ghaa khə ni fwaʼa n wɔ a ghaa ghə ni keeli fə̂ kə zəə kə tə̀ ghey dzanə tə̀ ghaa.

2 Tesalonika 3:12

N zəd i Mûkəbii Yeso Klisto ghey dza bə tə̀ ghə̂ ghən kpaa tənə bə ghə nə̀ ghə zuŋ tsu iwû, ghə i fwaʼa ndow ni keeli fə̂ kə zəə kə.

1 Timoti 2:2

Ghaa i gɔŋŋə n tow wə udəŋ, gɔŋŋə soʼo n tow u ghə̂ ghən ghə saʼa ghə̂ ghə, sey nə̀, saa loʼ ni zuŋ muu, muu soʼo muu dzuŋu zə ghi ghə̂ ghə adzəm n jìi zey i dzɔbənə n tə Zə̀ kə, dii ndow soʼo mwam u dzuŋu wə tə ghə̂ ghə.

2 Timoti 2:25

Tə khə ni dii ndow ghə̂ ghey ghə zuulə baalənə wi nyaŋi fənyaŋi, n nəŋə i loʼ zə Zə̀ kə loʼnu ni ghəŋə nə̀ ghə kweyyə nuu bə fə̀ŋ tə ghə n ghəə a bəbə ghə, ghə zowkeeli soʼo isəŋə.

Taytus 3:2

Dza tə̀ ghə nə̀ kə ghə i ghɔɔmə ghə i bəbə zə bòʼ wù loʼ. Kə ghə nə kəŋənə chɔd wə, ghə i maʼlə tsu wû wə n ghəə a ghə a ghəŋŋə ghə, dii ndow soʼo mwam u dzuŋu wə tə̀ ghə̂ ghə adzəm.

Jems 1:21

Sey, ghaa khə ni maʼa mwam u dzəə wə nsə ghəə a bəbə ghən a loʼnə n fəŋŋə kə ghaa. Ghaa bɔɔmə ney naŋa ghɔɔmə i Kəzə̀ zey tə kuu naŋanə n fə̀ŋ tə ghaa, a loʼ i ghii zə i bəghəshiənə ghaa.

1 Pita 1:23

N dza sey n təŋkey n bam i ghɔɔmə i Kəzə̀ zən i fuunə muu zə, i loʼ soʼonə nəŋə tədzəm, ghə n ji kuulə ghaa tə a loʼ waa a wù wey tə kpuu way, nə̀ à way dzə tə a loʼ waa a wù sɔŋtsuʼ wey tə loʼ nə̀ tə kpuunu.

1 Pita 3:15

Ghaa i kee fuu kə kɔʼlə mə tə Klisto n fə̀ŋ tə ghaa, ngɔɔmə soʼo wi tə a loʼ Mûkəbii. Tey tən nəŋə tədzəm ni beeli wù wey tə ləghənə ni keeli fə key wə ləmmənə nə̀ Zə̀ kə ghəŋə tə ghaa.