1 Pita 3:21 - Kaa n Kəzə̀ n fəghə mə

²¹ Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.

1 Pita 3:21 ပူးပေါင်းရင်းမြစ်များ

Matyo 28:19

Sey ndòw na, ghaa i ghəŋŋə ndow nə̀ ghə̂ a naʼa tədzəm, ghə doʼo dzûmə tuŋ, fuu ndòw ghə n mmuu n Kəzə̀ mə n zəd i Bày, Waa, nsə Zay kə Zow kə,

Malakus 16:16

Wù wey tə bəghəmnə ghəə zey ghaa dzanə, ney kɔʼ mmuu n Kəzə̀, tə i keeli ibəghəshi. Wù wey tə ka bəghəm i keeli ngoʼ.

Tùm i dzuŋu zə kuum Yeso Klisto tə Jɔn â tɔɔnə 13:9

Pita n kəm dza tə̀ wi nə̀, “Mûkəbii, abə a loʼ sey, ka kad sow kə fuu zuŋ zə, baa sow tsu soʼo wɔɔ ghuŋ ghə nsə tow kuŋ kə!”

Kəfwaʼ 16:33

Wù wey tə â laalənə ndaw tsaʼ zən n ney kɔʼ ghə n tsuʼu tə wey, ndow sow maʼa tsu fəŋ a ghə. Wi ghi ghə̂ a ndaw wi ghə adzəm n daŋŋə ney kɔʼ mmuu n Kəzə̀.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 22:16

Wə nya kəm ləmmə zeeli kee? Nuu kɔʼ ghə fuu wɔ n mmuu n Kəzə̀ mə, wə gɔŋŋə tə Zə̀ kə, tə i sow maʼa ghəə ghə a bəbə ghə.’”

Kəfwaʼ 8:36

Nghee ghə ndownə n jii, ghə ndow koʼ tsu mmuu, wù wey tə â loʼ nə ghə n kàa n dza nə̀, “Koʼo mmuu n mən ə, à loʼ kee wə way ni fuu mə fa n mmuu n Kəzə̀ mə ə?”

Kəfwaʼ 8:37

[Filip n dza tə wi nə̀, “N loʼnu ni fuu wɔ n mmuu n Kəzə̀ mə abə wə bəghəmnə n fə̀ŋ zə idzəm.” Wù wey n dza ndow tə wi nə̀, “N bəghəmnu, mə n bəghəm nə̀ Yeso Klisto loʼ waa Kəzə̀.”]

Roma 5:14

À loʼnu isəŋə nə̀ və zə â khə tsənu daʼa kə n kow ghə̂ ghə adzəm fa n mbi ni ney nuu bə n num tə Adam, bə kuum bə n num tə Mushi. Ghə̂ ghə kpuu boʼ ghəə a ghə a bəbə ghə â way dzə nə̀ kpuu ghə bwu laŋ kə loʼ kə tə Adam â bwunə laŋ kə. I loʼ nə̀, Adam â loʼ tə a loʼ tsəə n ndzoʼo wù wey Zə̀ kə â dza naŋa nə̀ i tûm bənu.

1 Kɔrint 12:13

N jìi i mɔʼɔ zə, saa adzəm, abə wə loʼ kə wù Juu nkee wù wən tə way wù Juu, wə loʼ kəkɔd nkee wù ngəŋ, a loʼ kə Zay kə Zow kə mɔʼɔ kə, kə fuunə ghaa n mmuu n Kəzə̀ mə ni ghəŋə nə̀ saa doʼo nə kəfə kəmɔʼ. Ghəə zey i loʼnə, loʼ nə̀ saa dzəŋi khə kə Zay kə Zow kə kəmɔʼ.

1 Kɔrint 4:6

Waazə ghə, n ney kɔʼɔ wû wuŋ ghi Apolos tə a loʼ ghə̂ ghey ghə moʼo dii bənə ghəə ghə tə̀ ghaa, sey nə̀, ghaa i loʼ ni koʼ ney kɔʼ n wɔ ghey ghəə zey i diinə nə̀, “Wə khə way ni ghəŋə ghə i loʼ zə nə̀ i ka tɔ̀ɔ doʼo n màʼlə K-a-zə̀.” Sey, wù ghaa u loʼ u khə way ni ghaŋŋə wû wə nə̀ n dzûmə wù wən, kee koʼo kii u loʼ wey.

2 Kɔrint 1:12

Fə̀ŋ tə ghey tə zownu, ghey u loʼnə ni kɔʼlə iwû nə̀ muu i ghey fa mbi â loʼ tsətsəghə loʼ soʼo nə̀ isəŋə. A wey bɔɔmə loʼ nghee ghey muunə ghi ghaa. Ghey ghəŋŋə dzə way ghəə ghə n tɔb u mbi, ghey ghəŋŋə aghəə adzəm n ndzuŋ zey Zə̀ kə diinə tə ghey.

2 Kɔrint 7:1

Waazə ghuŋ a dzuŋu ghə, nghee tə̀ Zə̀ kə təb naŋanə ghəə ghən tə̀ saa, saa khə ni sow zowwə tsu wû i saa n wɔ ghəə ghən adzəm a loʼnə ni dzəələ wû i saa n fə̀ŋ nsə nə kəzay, a i muu muu zey i zownə, tsəŋə ndow soʼo Kəzə̀.

Galeshia 3:27

Ghə̂ ghən adzəm ghə doʼo bənə nə kəfə kəmɔʼ ghi Klisto n mmuu n Kəzə̀ mən ghə â ney kɔʼnə, nya doʼo bə tə a loʼ Klisto.

Efesus 5:26

Tə â ghəŋə ghə i zən ni ghəŋə nə̀ ghə̂ a ndaw Kəzə̀ ghə i zow n sə̂ kə wi. Tə n sow maʼa tsu bəb i ghə n ghɔɔmə i Kəzə̀ tə̀ tə nə sownə nə mmuu.

Kolose 2:12

N sey dza n təŋkey, ghə mâ tsələ dzəŋi ghaa ghi Klisto n mmuu n Kəzə̀ mən ghə â fuunə tə ghaa. Ghaa n zhəm dzəŋŋə bə soʼo ghi wi, keeli kɔʼ muu i fəghə zə, tənkey ghaa gaʼ fə̀ŋ n daʼa K-a-zə̀, tə â zhəm dzəŋŋə bənə Klisto nə ivə.

1 Timoti 1:5

Zuŋ key wə khənə ni fuu ghə n laŋ kən lo nə̀, dzûmə tə Klisto tədzəm tə i ləghə wû i ghə zə. Ghə i ndzəm khə ləghə zən i nuu bənə n fə̀ŋ tə ghə tə dzuŋu tə, i nuu bənə n moʼlə tə dzuŋu tə, i nuu bə soʼo n ndzəm ndzəm kə bəghəm n kow Klisto.

1 Timoti 6:12

Kwu keeli taw tsu bəghəm i fə̀ŋ zə zə̀. Abə wə ghəŋənə sey, wə i keeli muu zə itsali tə a loʼ naamə kə. Zə̀ kə â sày wɔ nə wə keeli ndzoʼo muu i tii zə n nəŋə zey wə â dzanə nə wə bəghəm tə Klisto n sə kə ndəmə aghə̂.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

Hibru 11:19

Abraham â ney tsu kə n fə̀ŋ ə wi nə̀ Zə̀ kə loʼnu ni zhəm dzəŋŋə bə Ayzik nə ivə. Saa loʼ ni dza tsu nə̀, Zə̀ kə â ney fuu dzəŋŋə bə Ayzik tə̀ Abraham nə̀ Ayzik mâ kpu.

Hibru 13:18

Ghaa ndow kə n sə kə ni gɔŋŋə tə̀ ghey. Ghey khənu nə̀ fə̀ŋ tə ghey tə zownu, n təŋkey ghey ləghə ni ghəŋŋə ghəə zey i kpiinə nə tənəŋə tədzəm.

Hibru 9:14

Abə ghə â loʼ ni sow maʼa ghəə a ghə̂ a bəbə ghə n ghəə ghən ghə â ghəŋŋənə, zə i boʼo doʼlə ngee ghi Klisto wən tə â fuunə wû u wi wə tə̀ a loʼ umaʼlə tə̀ Zə̀ kə n tow u saa. Tə â ghəŋə ghəə ghən n bam i Zay kə Zow kən kə loʼnə nəŋə tədzəm. Kaŋ tə wi tə sow maʼa fə̀ŋ tə saa n ghəə a bəbə ghən saa ghəŋŋənə nə̀ a ney bə ivə n kôw saa. Sey, saa khə ni fwaʼa kə tə̀ Zə̀ kən kə fuunə muu zə.

Hibru 9:24

I loʼ sey n təŋkey, Klisto â ka nyi dzə n luʼu kə zow kə nə̀ à faalə wù sɔŋtsuʼ, kə maŋa fiilənə luʼu kə zow key kə loʼnə idəŋ. Tə â ndzəm nyi ndow n dzəŋi kə dzûmə tə Klisto key kə loʼnə n bikighow. Tə nya loʼ n sə K-a-zə̀ ni buʼu wɔɔ kə tə wi n tow u saa.

1 Pita 1:3

Saa fuu kəzɔŋŋə tə̀ Zə̀ kə tə loʼnə Bày tə Mûkəbii saa Yeso Klisto! Nghee tə ngii khənə sî i kwɔɔlə zə, tə n ghəŋə nə̀ saa i khə muu i fəghə zə nghee tə zhəm dzəŋŋə bənə Yeso Klisto nə ivə. À wən loʼ ghə i tii zə, saa muunə, ləmmə tənə nə̀ Zə̀ kə i fuunu saa n fə key tə â təb naŋanə tə̀ saa.

1 Pita 3:16

Ghaa i maʼlə tsu wû zə ni beeli ndow ghə n jii i dzuŋu zə. Ghaa tɔʼ laalə nyi tsu ni koʼ nə̀ fə̀ŋ tə ghaa tə zownu n ghəə ghey ghaa ghəŋŋənə, sey nə̀, tow kə i dəd ghə̂ ghey ghə ghɔɔmənə ghəə a bəbə ghə bòʼ ghaa abə ghə koʼnə mwam u dzuŋu wey ghaa khənə n təŋkey ghaa loʼ nə kəfə kəmɔʼ ghi Klisto.