1 Pita 3:14 - Kaa n Kəzə̀ n fəghə mə

¹⁴ Abə i buʼ kee loʼ kə nə̀ ghaa khə ni fəghə a dza ghaa ghəŋŋə ghəə ghey a kpiilənə, Zə̀ kə i buulə ghaa. Kə ghaa nə tsəŋənə wù loʼ, kə wù loʼ nə bəmi soʼonə ghaa.

1 Pita 3:14 ပူးပေါင်းရင်းမြစ်များ

Matyo 10:28

Kə̂ ghaa nə̂ tsəŋənə ghə̂ ghey ghə loʼnə ni wey kə vən fə uwû fə wù, nə̀ ghə way ni wey zay kə wù, ghaa khə ni fəd tsəŋ Kəzə̀, n tənkey, tə̂ loʼnu ni wey vən fə uwû fə wù nsə fə̀ŋ ə wi n luʼu key ghə̂ fəʼlənə tii.

Matyo 10:31

Sey, ghaa khə way ni tsəŋ, n təŋkey, ghaa loʼ ghə̂ a səŋi ghə n sə K-a-zə̀ tsəghəshi nɔɔ kə nndzaŋŋə.”

Matyo 10:39

Wù wey tə tsəŋənə ni kpu, î guŋŋənu muu i wi zə. Tə wey tə kee guŋunə muu i wi zə bòʼ mə, tə î keeli imuu.”

Matyo 16:25

Wù wey tə ləghənə ni bəghəshi muu i wi, î guŋŋənu, wù wey tə guŋunə muu i wi zə bòʼ mə î fəd keeli ibəghəshi.

Matyo 19:29

Wù wey tə naŋa sənə ndaw tə wi tə, waazə a wi, bày wi, này wi, waa a wi, nkee sum u wi n zəd zuŋ, î keeli dzəŋŋə fə u tii wə nə nbɔm n mbi i zən, tə i keeli soʼo muu zə itsali.

Malakus 10:29

Yeso n beeli ndòw wi nə̀, “N kùm dza bə tə ghaa nə̀, wù loʼ way dzə tə̀ loʼ ni zəghə tsu ndaw wi, waazə a wi, bày wi, nay wi, waa a wi, nsə sûm u wi wə, bòʼ mə nsə tûm Kəzə̀ i dzuŋu zə,

Malakus 8:35

N təŋkey wù wey tə ləghənə ni bəghəshi wû u wi, tə i nayyə maʼanu. Abə wù wey tə kee nayyə maʼanə muu i wi zə bòʼ mə nsə tûm i dzuŋu zə, tə i keeli muu zə itsali.

Tùm i dzuŋu zə kuum Yeso Klisto tə Jɔn â tɔɔnə 14:1

Yeso n ndow n sə kə, dza tə̀ ngəd tə̀ wi tə nə̀, “Kə fə̀ŋ tə nə baŋanə ghaa. Keeli na bəghəm i fə̀ŋ zə n kow Zə̀ kə, ghaa keeli soʼo n kow mə.

Tùm i dzuŋu zə kuum Yeso Klisto tə Jɔn â tɔɔnə 14:27

N fuu naŋŋə ghaa n buulə zə. À loʼ buulə zuŋ n fuu bənə tə̀ ghaa. Buulə zən n fuu bənə tə̀ ghaa way dzə ndzoʼo buulə zey ghə̂ a mbi a fuunə. Kə̂ fə̀ŋ tə nə̂ baŋanə ghaa, kə̂ ghaa nə tsəŋə soʼonə.

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

2 Kɔrint 12:10

À wey loʼ ghə i tii zə n khə way fəmmə kə n fə̀ŋ abə n laynə, ghə̂ a kpaalənə mə, koʼo uchɔd, ghə̂ a tsayyənə mə, chɔdlɔ soʼo mə, n təŋkey nəŋə zey n laynə, à wey loʼ nəŋə zey Klisto fwaʼa dzɔbənə n kow mə.

Filipi 1:29

Zə̀ kə ka kad fu kə ghaa n ndzuŋ ə wi nə̀ ghaa bəghəm fu tə̀ Klisto, tə fu soʼo ghaa n daʼa kə tii kə nə̀ ghaa khə ni fəghə bòʼ wi.

Jems 1:12

Zə̀ kə i buulə wù wey tə təmi tawnə n bəghəm i fə̀ŋ i wi n nəŋə zey vəətsəə a mɔm koʼonə wi, n təŋkey, abə tə təm zə kɔʼnə, Zə̀ kə i fuu wi n muu zə itsali zən tə â təb naŋanə. À loʼ naamə kən Zə̀ kə təb naŋanə tə ghə̂ ghey ghə ləghənə wi.

Jems 5:11

Ghaa mgbaŋ khənu nə̀ Zə̀ kə buulənu ghə̂ ghey ghə kownə fə̀ŋ. Ghaa mâ zow nghee tə Job â kownə fə̀ŋ tii, ghaa n koʼ soʼo ghəə ghey Zə̀ kə â ghəŋənə tə wi. À wən loʼ ni dii tsu nə̀ Zə̀ kə ngii khə fə̀ŋ i dzuŋu zə nsə sî i kwɔɔlə zə.

1 Pita 3:6

Sara â loʼ tsə soʼo sey, tə n zow tsə tə nûm wi Abraham, tə n ngɔm tənə soʼo wi nə à loʼ mûkəbii. Abə ghaa ghəŋŋənə ghəə ghey a dzɔbənə, tsəŋə soʼo way ghə i loʼ zə, ghaa sey nya loʼ waa a wi.