1 Pita 3:11 - Kaa n Kəzə̀ n fəghə mə

¹¹ Tə khə ni kweyyə nuu bə ni ghəŋŋə ghəə a bəbə ghə, tə i ghəŋŋə ndow ghəə a dzuŋu ghə. Tə khə ni khə zày ni ghəŋə nə̀ ghə̂ ghə i ghəŋŋə ghəə ghə nə ibuulə n fə̀ŋ tə ghə tə tədzəm,

1 Pita 3:11 ပူးပေါင်းရင်းမြစ်များ

Matyo 5:45

Abə ghaa ghəŋŋənə sey, ghaa i doʼo waa a Bày ghaa wey tə lòʼnə idəŋ, n təŋkey, tə ghəŋŋə tsə ə wi nə̀ i baŋ n kow ghə̂ a bəbə ghə nsə n kow ghə̂ a dzuŋu ghə. Tə fuu soʼo ighow tə̀ ghə̂ ghey ghə loʼ tsətsəghə nsə ghə̂ ghey ghə way tsətsəghə.

Matyo 5:9

Buulə i loʼ tə̀ ghə̂ ghey ghə buulənə luʼu tə, N təŋkey, Zə̀ kə i tɔŋŋə ghə nə̀ ghə loʼ waa a wi.

Matyo 6:13

Kə wə nə bəghəm nə̀ vəətsəə a mɔm koʼ ghey, Kee bəghəshi kə ghey n wɔɔ kə avəətsəə.’

Malakus 14:7

Ghaa nə laʼ koʼ way ghə̂ a laa ghə n fəŋŋə kə ghaa, ghaa loʼ ni gaamə ghə n nəŋə zey ghaa i ləghənə. Abə mə, mə i way dzə ghi ghaa nəŋə tədzəm

Lukas 1:79

Zə i ney bə luʼu tə zow tə tə̀ ghə̂ ghey ghə loʼnə nə kələm, nsə ghə̂ ghey ghə loʼnə tə̀ ghə nya sòʼo ivə. Zə i dii bə jii i dzuŋu zey i fuunə buulə zə tə saa.”

Lukas 6:35

Sey, i ləghə na ghə̂ a təngəmə a ghaa ghə, ghəŋə ndzuŋ tə̀ ghə̂ ghə, fuulə fuu shiə fə u ghaa, moʼlə way nə ghə i teeli fu dzəŋŋə. Abə ghaa ghəŋənə sey, ghaa i keeli naamə kə nii kə, ghaa i loʼ luʼu wey waa a Kəzə̀ a səŋi a loʼnə tii, n təŋkey, tə ghəŋə ndzûŋ tə̀ ghə̂ à məə ghə nsə ghə̂ a bəbə ghə.

Lukas 6:9

Yeso n dza ndòw tə ghə nə̀, “N dza n bəb bə tə̀ ghaa nə̀, Laŋ kə saa kə dza nə̀ ngee bòʼ tsuʼ inaʼ a? Nə a i ghəŋə ghəə a dzuŋu ghə mɔ a bəbə ghə ə? Nə a bəghəshi muu i wù mɔ nə a bəəbə maʼa?”

Tùm i dzuŋu zə kuum Yeso Klisto tə Jɔn â tɔɔnə 17:15

N gɔŋŋə dzə way nə wə ney nuu shi kɔʼ ghə n mbi, n kee gɔŋŋə nə̀ wə tsəd naŋa tsu ghə, kə̂ Satan nə mɔmnə ghə.

Roma 12:18

Ndəmi tsu na wû zə ni koʼ nə̀ abə jii loʼnə, ghaa i muu nə ibuulə ghi ghə̂ ghə adzəm.

Roma 14:17

N dza sey n təŋkey, ghəə a fɔɔ u Kəzə̀ à way dzə kə ghəə a zə̂ə ghə nkee ghəə a mə̂ə ghə, ghəə a tii a fəd loʼ nə̀ wə i zow ndow tə̀ Zay kə Zow kə, kə ghəŋŋənə nə̀ wə i ghəŋŋə ghəə ghən a kpiilənə tə̀ Zə̀ kə, muu nə ibuulə nsə ni muu nə iduʼlə.

Roma 14:19

À wey loʼ ghə i tii zə saa khə ni ghəŋŋə ghəə ghey ghə i ghəŋŋənə nə̀ saa i muu nə ibuulə, ghəŋŋə soʼo nə̀ dzûmə tə Klisto tə loʼ tən tə taw may kɔʼ bə n bəghəm i fə̀ŋ i ghə.

Roma 5:1

Nghee tə̀ Zə̀ kə neynə saa nə̀ saa loʼ tsətsəghə n sə kə wi n təŋkey saa bəghəm tə wi, saa kəm khə way chɔdwə ghi wi n bam i Mûkəbii saa Yeso Klisto.

Roma 7:19

N ghəŋŋə way ghə i dzuŋu zey n moʼlənə ni ghəŋə. N fədlə ghəŋŋə ndow kə ghəə a bəbə ghey n mə ləghə way ni ghəŋə.

Roma 7:21

À ndzɔʼ loʼ tə a loʼ laŋ kə loʼ kə mə, abə n moʼlə tsu kə ni ghəŋə ghəə zey i kpiilənə, à n bəghə kə ghəə a bəbə ghə.

Roma 8:6

Wù wey tə naŋa tsunə fə̀ŋ ə wi ghəə ghən gow uwû wi ləghənə, tə i kpuunu. A kee bə wù wey tə naŋa tsunə fə̀ŋ ə wi n ghəə ghey Zay kə Zow kə ləghənə, tə n keeli imuu, tə n loʼ soʼo nə ibuulə.

Galeshia 5:22

Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,

Galeshia 6:10

À wən loʼ zuŋ key, saa khə ni ghəŋŋə ghəə a dzuŋu ghə tə ghə̂ ghə adzəm abə saa keeli kɔʼ buʼ kə tii kə. A ka ndɔm dza dzə ghə̂ ghən ghə bəghəm nə tə Klisto.

Kolose 3:15

Buulə zən Klisto fuunə tə ghaa, i bəghə doʼo n fə̀ŋ tə ghaa, n təŋkey, Zə̀ kə n ndzəm sày ghaa nə̀ ghaa doʼo nə kəfə kəmɔʼ, sey nə̀ ghaa loʼ ni keeli ndzoʼo buulə zən. Ghaa i fuu zɔŋŋə kə tə̀ Zə̀ kə nəŋə tədzəm.

1 Timoti 6:18

Dza tə ghə nə̀ ghə i ghəŋŋə ghəə a dzuŋu ghə, ghə i dii kùm i ghə zə n ghəə a dzuŋu ghən ghə ghəŋŋənə. Ghə i buu n wɔɔ kə ni gaamə ghə̂ ghey ghə laʼanə fə wə, ghə i khə soʼo zày ni fuu dzaw fə wey ghə khənə tə ghə̂ ghə.

Hibru 12:14

Ndəmi n na wû zə nə̀ ghaa i muu nə ibuulə ghi ghə̂ ghə adzəm, ghaa i muu soʼo muu i zow zə, n təŋkey, wù way ni koʼ Mûkəbii abə tə muu way muu i zow zə.

Hibru 13:16

Kə ghaa i neyzəə ni ghəŋŋə ndzuŋ nsə ni dzawwə fuu ndow ghə̂ ghey ghə khə way boʼnə Zə̀ kə duʼlənu n ndzoʼo maʼlə wən.

Jems 4:17

Keeli tsu na nə̀, abə wù khənə nə̀ à wən loʼ ghəə zey i kpiilənə ni ghəŋə, tə ka ghəŋə ghə i tii zə, wù tii n sey ghəŋə bəəbə.

1 Pita 3:12

N təŋkey Mûkəbii koʼonu ghəə ghey ghə̂ ghey ghə loʼnə tsətsəghə ghəŋŋənə, Tuŋŋə u wi wə a chi doʼo soʼo ni zow gɔŋŋə i ghə. Tə kee bəghəm naŋŋə way ghə̂ ghey ghə ghəŋŋənə ghəə a bəbə ghə.”

3 Jɔn 1:11

N fə̂, kə wə nə dzûmə ndzoʼo mwam u bəbə wən, i dzûmə ndow ghəə a dzuŋu ghə. Wə keeli tsu nə ghə̂ ghən ghə ghəŋŋə ndzuŋ, dii bə nə ghə loʼ waa a Kəzə̀. A ghey ghə ghəŋŋə ghəə a bəbə ghə, ghə khə way Zə̀ kə.