1 Pita 3:1 - Kaa n Kəzə̀ n fəghə mə

¹ Ghaa gheyzən ghən ghaa bəghəmnə tə̀ Zə̀ kə, khə ni zow tə nûm a ghaa ghə, sey nə̀, abə wù ghə u loʼ u ka bəghəm ghɔɔmə i Kəzə̀ zə, mwam u ghaa wə i ghəŋə nə̀ tə bəghəm tə̀ Zə̀ kə nə̀ wù loʼ ka dza ghə zə tə̀ wi,

1 Pita 3:1 ပူးပေါင်းရင်းမြစ်များ

Matyo 18:15

“Abə waazə wə ghəŋənə ghə i bəbə zə tə̀ wɔ, ndòw n səə wi, wə dza ndòw ghəə zey tə ghəŋə bəəbənə nə̀ ghaa loʼ kə tow ghaa ubəghə. Abə tə zownə ghɔɔmə zə zə̀, i sey dii nə̀ wə n keeli dzəŋŋə waazə wə.

Roma 10:16

À kee loʼ nə̀, à way dzə aghə̂ adzəm ghə â bəghəmnə tûm i dzuŋu zən n təŋkey, wù tûm Kəzə̀ Ayzaya mâ dza nə̀, “Mûkəbii, a loʼ ndee tə â bəghəmnə tûm ghey ə?”

Roma 6:17

N fuu kəzɔŋŋə tə̀ Zə̀ kə nə̀ ghaa ghən ghaa â bùʼ loʼ tsənə tə a loʼ ukɔd ni ghəŋŋə ghəə a bəbə ghə, ghaa n fə̀ŋ tə ghaa tə kweyyə. Ghaa nay dzûmə isəŋə zey ghə â diinə tə̀ ghaa.

Roma 7:2

Ney kɔʼ na doʼ i weyzən wən tə loʼ nə̀ tə n ney num, laŋ kə dii nə̀, tə khə ni bɔɔmə loʼ kə n tənə num wi tə̀ num wi loʼnə utaw. Nə̀ num kpuunu, laŋ kə dii nə̀ weyzən ə tii nya loʼ n ngəŋ.

1 Kɔrint 11:3

N kee ləghə nə̀ ghaa zowkeeli tsu nə̀ Klisto loʼ kətow tə̀ gheynum ghə adzəm, weynum u loʼnə tow kə tə̀ wey wi, Zə̀ kə a loʼnə tow kə tə̀ Klisto.

1 Kɔrint 14:34

gheyzən a khə ni zow doʼo kə mɔŋ, abə ghə loʼnə n dzəŋi u dzûmə tə Klisto. Ghə khə way ni ghɔɔmə n təŋkey i tɔ̀ɔ doʼo n laŋ kə ghə̂ a Təjuu nə̀, weyzən khə way ni loʼ tow kə.

1 Kɔrint 7:16

Wɔ weyzən wən wə loʼnə dzûmə Klisto, wə khə way nə̀ a loʼ ni loʼ wɔ ni bəghəshi num wə ə? Nkee wɔ weynum wən wə loʼnə dzûmə Klisto, wə khə way nə̀ a loʼ ni loʼ wɔ ni bəghəshi wey wə ə?

Efesus 5:33

I kee loʼ nə̀, wù khə ni ləghə wey wi tə̀ tə ləghənə wû u wi, wey khə ni zow tə num wi.

Kolose 3:18

Ghaa gheyzən ghən ghaa khənə num ghə, ghaa khə ni zow tə num a ghaa ghə, n təŋkey, à wən loʼ jìi zey ghə̂ ghey ghə bəghəmnə tə Mûkəbii khə ni muu tii.

Kolose 4:5

I khə na jìi zey ghaa muunə tii ghi ghə̂ ghey ghə loʼ nə̀ ghə ka kam bəghəm tə Klisto, kə ghaa nə bəghəm nə bùʼ kə tsəghə ghaa nə ghaa ka ghəŋə ghə i səŋi zə tə ghə.

2 Tesalonika 1:8

Tə i bəghə ghi vələ u bəʼlə wə ni bə chɔd ghə̂ ghən ghə tuu maʼanə Zə̀ kə nsə ghə̂ ghən ghə ka bəghəm tûm i dzuŋu zə bòʼ Mûkəbii saa Yeso Klisto.

Hibru 11:8

A loʼ bəghəm i fə̀ŋ zən Abraham â khənə n kow Zə̀ kə, zə â ghəŋənə nə̀ tə zow tə̀ Zə̀ kə nghee Zə̀ kə â tɔŋɔnə wi nə̀ tə̀ ndow n luʼu key tə â təb naŋanə ni fuu tə̀ wi. Tə n zəghə tsu naʼ i wi, nuu ndow ni ndow nə kəluʼu nə̀ tə khə way luʼu key tə ndownə tii.

Hibru 5:9

Ambə Zə̀ kə ghəŋə tsunə nə̀ tə kɔʼ kpii, tə n ghəŋə soʼo wi nə̀ tə doʼo wù wey tə fuunə bəghəshi zən i may way tə̀ ghə̂ ghən ghə zownə tə̀ wi.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Pita 3:2

tə bəghəm tə Klisto n təŋkey tə koʼo bənu nghee tə̀ wə ngɔɔmənə wi tii nsə nghee muu zə i zownə tii.

1 Pita 3:7

N jii i mɔʼɔ zə, ghaa gheynum ghən ghaa bəghəmnə tə̀ Klisto, ghaa khə ni muu ghi ghey a ghaa ghə nə̀ ghaa zowkeeli tsuunu ghə nghee i loʼ nə̀ ghə taw way tə a loʼ ghaa. Ghaa i fuu ndow ghə n ngɔɔmə zə nghee i loʼ nə̀ Zə̀ kə i dzəŋi diinu ghaa n fə̀ŋ ə wi i dzuŋu zə ni fuu ghaa n muu zən i may way. Ghaa i ghəŋŋə ndow ghəə ghən sey nə̀, kə fə kə loʼ kə nə təʼlə maʼa gɔŋŋə i ghaa zə.

1 Pita 4:17

N dza sey n təŋkey, nəŋə zə n kpii tə Zə̀ kə ni saʼ mbi. Tə i zey tsu dzə ni saʼ ghə̂ a Kəzə̀ isə. Abə tə khə ni kaʼ nuu tsu ni saʼ saa ghən saa loʼnə waa a Kəzə̀ ghə, zə i boʼo bəbə ngee n kow ghə̂ ghey ghə loʼ nə̀ ghə bəghəm way tûm i dzuŋu zən Zə̀ kə tûm bənə ə?