1 Pita 2:9 - Kaa n Kəzə̀ n fəghə mə

⁹ A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.

1 Pita 2:9 ပူးပေါင်းရင်းမြစ်များ

Matyo 4:16

Ghə̂ ghey ghə â muunə nə kələm, N koʼ daa kə səŋi kə. Tsuʼ wə n na zow n kow ghə̂ ghey ghə â loʼnə nə kələm, ləmmə kə ivə.”

Matyo 5:16

À loʼ soʼo ighələ ghi ghaa, daa kə ghaa kə khə ni baŋa, tə̀ ghə̂ ghə i loʼ ni koʼ ghəə a ghaa a dzuŋu ghə, ghə i fuu kɔʼlə mə tə̀ Bày ghaa idəŋ.”

Lukas 1:79

Zə i ney bə luʼu tə zow tə tə̀ ghə̂ ghey ghə loʼnə nə kələm, nsə ghə̂ ghey ghə loʼnə tə̀ ghə nya sòʼo ivə. Zə i dii bə jii i dzuŋu zey i fuunə buulə zə tə saa.”

Tùm i dzuŋu zə kuum Yeso Klisto tə Jɔn â tɔɔnə 17:19

Mə n ghəŋə wû wuŋ wə nə̀ wə i zow n sə̂ kə n tow u ghə, sey nə̀ ghə i loʼ soʼo ni ndzəmə zow.”

Kəfwaʼ 20:28

I keyyə na wû i ghaa zə nsə ghə̂ ghey adzəm Zay kə Zow kə fuu naŋanə n wɔ ghaa. Ghaa i laalə soʼo tə dzûmə tə Klisto tey Zə̀ kə â zuu nuu shi bənə n kaŋ tə waa wi.

Kəfwaʼ 26:18

À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

Kəfwaʼ 26:28

Fɔɔ Agripa n daŋŋə bəb ndow tə Pɔl nə̀, “Wə moʼlə nə̀ n kəmə fə inəŋə fən, wə loʼnu ni ghəŋə mə nə̀ n doʼo dzûmə Klisto ə?”

Roma 9:24

Saa loʼ soʼonu n taŋ a ghə̂ ghey Zə̀ kə â say naŋa nə̀ ghə i keeli kɔʼlə mən, a kad way kə ghə̂ a Təjuu ghə i keelinə kɔʼlə n tii mə, ghə̂ ghən ghə way ghə̂ a Təjuu ghə keeli soʼonu kɔʼlə n tii mə.

1 Kɔrint 3:17

Wù wey tə bəəbə maʼanə ndaw Kəzə̀ i nii zə, Zə̀ kə i ləŋi maʼa soʼo wi, n təŋkey, ndaw Kəzə̀ i nii i loʼ luʼu kə bam kə, wû i ghaa, ghaa u loʼnə ndaw Kəzə̀ i tii zə.

Efesus 1:14

Zə̀ kə fuu saa n Zay kə Zow kə tə̀ a loʼ tsəə nə saa i keelinu naamə key nsə bəghəshi zey Zə̀ kə təb naŋanə, sey nə̀, saa i kɔʼlə wi bòʼ ghaʼ i wi.

Efesus 1:6

Tə â ghəə ghən ghəŋə sey nə̀, saa i kɔʼlə wi bòʼ ndzuŋ ə wi i nii zən tə funə tə saa naʼ idzəm n bam i Waa wi wən tə gaʼnə fə̀ŋ.

Efesus 3:21

Kɔʼləmə i loʼ tə̀ wi n dzəŋi kə dzûmə tə Klisto, kɔʼlə mə i loʼ tə̀ wi n doʼo i saa ghi Yeso Klisto num tə num, tə̀ mbi nə bə may! Zə i loʼ sey.

Filipi 3:14

N dəmə ndow kə n sə kə, nə̀ n keeli kɔʼ kənaamə, tɔŋɔ naamə key kə loʼ idəŋ, kə key Zə̀ kə naŋanə tə̀ mə n bam i Yeso Klisto.

Kolose 1:13

Tə u bəghəshinə saa n daʼa k-a-ləm, ney nyi bə saa n fɔɔ u Waa wi wən tə ngii ləghənə.

2 Timoti 1:9

Zə̀ kə â bəghəshi saa, sày soʼo saa nə saa doʼo ghə̂ a wi. Tə â ka sey ghəŋə dzə bòʼ ghə i dzuŋu i loʼ zə saa â ghəŋə nə̀ tə wi, â fəd loʼ n təŋkey, à loʼ ghəə ghey tə â khə bayyə naŋa zeynə bòʼ ndzuŋ ə wi tə saa. Tə â tsəghə n kow Yeso Klisto ni fuu saa n ndzuŋ zən nə̀ mbi ka kam kaʼ.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

1 Pita 1:2

Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.

1 Pita 2:5

Bə n na n səə Mûkəbii tə a loʼ tay ghey a loʼnə utaw, ghə ney kɔʼ ghaa, ghə bəghə teyyə kɔʼ ndaw Kəzə̀ i nii zə a tii, ghaa i fwaʼa tə a loʼ fɔɔngili tə Zow tə ni fəələ maʼlə u Zay kə Zow kə Zə̀ kə ləghənə n bam i Yeso Klisto.

1 Pita 4:11

Wù wey tə naʼlənə ghɔɔmə i Kəzə̀ zə, tə khə ni bɔɔmə naʼlə kə ghəə ghey Zə̀ kə dzanə. Wù wey tə fwaʼanə tə̀ ghə̂ ghə, tə khə ni fwaʼa n daʼa key Zə̀ kə fuunə tə̀ wi, sey nə̀, nə aghəə adzəm, ghə̂ ghə i loʼ ni fuu kɔʼlə mə tə̀ Zə̀ kə n bam i Yeso Klisto. À loʼ tə̀ wi tə khənə kɔʼlə mə n dzəm, a loʼ soʼo wi tə khənə daʼa wə udzəm saʼa nəŋə tədzəm. Zə i loʼ sey.

Chi dii 1:6

A loʼ wi tə ghəŋənə nə̀ saa doʼo bə ghə̂ a wi, saa doʼo soʼo ghə fɔɔngili ni fwaʼa tə Zə̀ kə tə loʼ Bày wi. Nkɔʼlə n dzəm nsə daʼa wə udzəm n mbi loʼ u wi wə tə̀ mbi nə bə may. Zə i loʼ sey.

Chi dii 20:6

Zə̀ kə i ngii buulə ghə̂ ghən ghə i ney dzəŋinə ghə ghi ghə̂ a sə isə ghən Zə̀ kə i zhəm dzəŋŋə bənə ghə nə ivə, tə ney soʼo ghə nə̀ ghə loʼ ghə̂ a zow ghə. Və i zən i dzûmə ndow i sə isə zə, khə way daʼa kə n kow ghə. Ghə i fəd doʼo bə ghə fɔɔngili ghey ghə fwaʼanə tə Kəzə̀ nsə tə Klisto, ghə i saʼa ghi wi nə tənum kam.

Chi dii 5:10

Wə n ghəŋə nə̀ ghə doʼo bə fɔɔ wey fɔɔngili tə shiənə tii ni fwaʼ tə̀ Zə̀ kə saa kə ghə i saʼa aghə̂ adzəm fa a ghəlitsə.”