1 Pita 2:6 - Kaa n Kəzə̀ n fəghə mə

⁶ N dza sey n təŋkey i tɔ̀ɔ doʼo n màʼlə K-a-zə̀ nə̀, “Koʼo n na, mə n sày tay i səŋi zə, À loʼ i ghii n gaʼa nyiə tsunə tə a loʼ tay i bow i ndaw n Zayɔn, Wù wey tə bəghəm fuu soʼonə tə̀ wi, Tə nə dey koʼ tsə way wû wə.”

1 Pita 2:6 ပူးပေါင်းရင်းမြစ်များ

Matyo 12:18

“À wən loʼ wù kəfwaʼ wuŋ n sày kɔʼnə, N ngii ləghə wi, fə̀ŋ zuŋ ngii duʼlənu ghi wi. Mə î kuu tsuu zay kuŋ n kow wi, Tə i naʼlə ghəə zey i loʼ tsətsəghə tə̀ ghə̂ ghən ghə way ghə̂ a Təjuu ghə.

Malakus 12:10

N moʼlə nə̀ ghaa n tɔŋɔ koʼ ghəə ghən n màʼlə K-a-zə̀, a dzanə nə̀, “Tay zey wù bɔm u təndaw wə â tuu maʼanə, A fəd loʼ i ghii i bə doʼo bənə num itay n tsə kə ndaw.

Lukas 20:17

Yeso n laalə ndow ghə nə asə̂, bəb ndow tə ghə nə̀, “Zuŋ key ghə tɔ̀ɔ naŋanə n màʼlə K-a-zə̀ nə̀, ‘Tay zey wù bəghə u təndaw wə â tuu maʼa nə̀, Zə n kəm bə doʼo nùm itây n tsə kə ndaw, loʼ nə ngee?’

Lukas 23:35

Ghə̂ ghə n tey fu n ndəm, laalə ghəə ghey a tsəghənə. Ngəd tə inaʼ tə n kpaalə daŋŋə wi dza, “Tə â bəghəshiə aghə̂, tə bəghəshi tsu soʼo wû u wi nya bə a loʼ nə tə ndzəm loʼ Klisto, tə wən Zə̀ kə â sày naŋanə.”

Tùm i dzuŋu zə kuum Yeso Klisto tə Jɔn â tɔɔnə 7:38

Wù wey tə bəghəmnə tə̀ mə, tə bə mə̂, n təŋkey màʼlə K-a-zə̀ kə dza nə̀, ‘Mmuu mey n fuunə muu zə itsali zə, i bənə shiə bə n fə̀ŋ ə wi tə a loʼ fədzuu.’”

Kəfwaʼ 1:16

Tə n dza tə ghə nə̀, “Waazə ghə, ghəə ghən a tɔ̀ɔ doʼonə n màʼlə K-a-zə̀ a khə ni teeli bə shi, tɔŋɔ ghəə ghən Zay kə Zow kə â ghəŋə nə̀ fɔ̀ɔ Devid dza zey kuum Judas wən tə â diinə jii nə ghə bə kwu Yeso.

Roma 10:11

I bɔɔmə loʼ tə̀ i tɔ̀ɔ doʼonə n màʼlə K-a-zə̀ nə̀, “Wù wey tə bəghəmnə tə wi, fə kə loʼ kə way kə ghəŋŋənə nə̀ tə dey uwû.”

Efesus 1:4

Zə̀ kə mâ khə sày saa nə̀ ghə ka mbi kam bɔm, nə̀ saa i loʼ ghə̂ a wi ghə nghee saa loʼ nə kəfə kəmɔʼ ghi Klisto, sey nə̀ saa i zow, khə way dzə u loʼ wə n sə kə wi. Bòʼ ləghə zən tə khənə n kow saa,

Efesus 2:20

Ghaa loʼ soʼo dzəŋi kə dzûmə tə Klisto kə səd doʼonə n tsə̂ kə ngəd tə Yeso nsə tûm tə Kəzə̀ tə. Yeso Klisto n wû u wi wə, loʼ tə a loʼ tay i bow i ndaw n ndaw tii.

2 Timoti 3:16

À loʼ Kəzə̀ kə ghəŋŋənə nə̀ ghə̂ a tɔ̀ɔ ghəə ghey a tɔ̀ɔ doʼonə n màʼlə K-a-zə̀. Ghɔɔmə i Kəzə̀ zən loʼ ni dii ghə̂ ghə nə̀ isəŋə tii, kpaa ghə̂ ghey ghə ghəŋŋənə ghəə a bəbə ghə tii, ni dza ndow ghəə ghey ghə̂ a ghəŋə bəəbənə sey nə̀, ghə loʼ ni ghəŋə ghəə a dzuŋu ghə tii. Ghɔɔmə i Kəzə̀ i tii i loʼ soʼo ni tsə̀ə ghə̂ ghə tii nə̀ ghə i muu n jìi zey i loʼnə tsətsəghə.

1 Pita 2:4

I bəghə n na n səə Mûkəbii, tə loʼnə tay zən i loʼnə utaw nə̀ ghə̂ a mbi ghə n tuu maʼa nə̀ i khə way fwaʼ kə, Zə̀ kə a kee sày kɔʼnə wi nə̀ tə khə fwaʼ kə səŋi kə.

1 Pita 2:8

I tɔ̀ɔ doʼo soʼo n màʼlə K-a-zə̀ nə̀, “À wən loʼ tay zən ghə̂ ghə i taŋŋə bwunə tii, Naa key kə i ghəŋŋənə nə̀ ghə̂ a bwu.” Ghə i taŋŋə bwu n təŋkey ghə â ka bəghəm ghɔɔmə i Kəzə̀ zə. À wən bɔɔmə loʼ ghəə zey Zə̀ kə â bayyə naŋanə tə̀ ghə.

2 Pita 1:20

N ghəə ghən adzəm, i dzɔbənu nə̀ ghaa zowkeeli tsu nə̀ wù loʼ way dzə tə loʼ ni tɔʼ tiilə dza ghəə ghey tûm tə Kəzə̀ tə â tɔ̀ɔ naŋanə n màʼlə K-a-zə̀ n ngəŋ ə wi nə̀ zay K-a-zə̀ kə ka wi gaamə.

2 Pita 3:16

Tə tɔ̀ɔ kə n jìi i mɔʼɔ zə n màʼlə u wi udzəm. Ghəə a loʼ a loʼnu tə tɔɔnə n màʼlə u wi nə̀ a tawnu ni zowkeeli. Ghə̂ ghey ghə tɔʼ khə way Zə̀ kə nsə ghə̂ ghey ghə ka kam tɔʼ beyyə n bəghəm i fə̀ŋ i ghə a ney bɔɔ naŋa ndow ghəə a tii ghə n jii tə ghə, ighələ tə̀ ghə ghəŋŋənə n dəŋə tə loʼ tə n màʼlə K-a-zə̀. Ghəə a tii ghə a ghəŋŋə nə̀ ghə ghəŋə nə̀ Zə̀ kə ləŋi maʼa ghə.