1 Pita 2:23 - Kaa n Kəzə̀ n fəghə mə

²³ Ambə ghə kpaalənə wi, tə ka kpaalə dzəŋŋə dzə ghə. Ambə tə fəghənə n wɔ ghə tə n ka bii naŋa dzə ghə. Tə n fəd zəghə maʼa ndow saʼ a wi tə̀ Zə̀ kən kə saʼanə ghə̂ ghə n jìi zey i kpiinə.

1 Pita 2:23 ပူးပေါင်းရင်းမြစ်များ

Lukas 23:41

Sa fəʼlə bòʼ ghəə a saa a bəbə ghə, sey, naamə kə saa kə kpiinu. Abə wù wən, tə ka ghə i bəbə i loʼ i ghəŋə dzə.”

Lukas 23:46

Yeso n dey shi kɔʼ n dzə̀ i taw zə dza, “Bày, zay kuŋ wɔɔ ghə.” Ambə tə dza tsunə sey, tə n tsəmə i tsu.

Lukas 23:9

Sey, Helɔd n bəb Yeso n ndəmə tə aghəə tə, Yeso n ka beeli dzə wi.

Kəfwaʼ 17:31

Tə â fu laŋ kən təŋkey tə n naŋa tsuʼ fey wù wən tə sày naŋanə i saʼanə mbi idzəm n jìi zey i loʼnə tsətsəghə. Tə n dii tsəə tə ghə̂ ghə adzəm nə̀ ghəə ghən loʼ isəŋə nghee tə â zhəm dzəŋŋə bənə wi nə ivə.”

Kəfwaʼ 4:29

Mûkəbii, koʼo nghee ghə biinə ghey tii, ghəŋə tsu nə̀ ghə̂ a kəfwaʼ ghə a keeli tsu fə̀ŋ ni dəb ə naʼlə ghɔɔmə zə zə̀ nə ghə khə way tsəŋ zə.

Kəfwaʼ 7:59

Nghee tə ghə təmmə nə wi sey, Sətifən n zey ndow ni gɔŋŋə dzanə, “Mûkəbii Yeso, ney zay kuŋ kə.”

Kəfwaʼ 9:1

Nghee ghə â chɔdlɔnə dzûmə tə Klisto tə, Sɔl n bii kaabə ni wey ghə. Sey tə n ndow koʼ ndow fɔɔngili u nii nii wə,

Roma 2:5

Nghee ghaa kee taŋŋanə n fə̀ŋ ni kwey nuu bə n ghəə a ghaa a bəbə ghə, ghaa sey zuŋŋə kɔʼɔ ndow ngoʼ zən Zə̀ kə i fuunə tə ghaa, n təŋkey tsuʼ fə beghənu Zə̀ kə i chiə diinə nəghə u wi u fəə wə, tə saʼ aghə̂ adzəm tsətsəghə tə̀ i kpiilənə.

Efesus 6:9

Ghaa ghən ghaa khənə ghə̂ a kəfwaʼ ghə, ghaa khə ni bɔɔmə muu soʼo sey ghi ghə̂ a kəfwaʼ a ghaa ghə. Kə̂ ghaa nə̂ biinə ghə. Keeli tsu na nə̀ ghaa ghi ghə̂ a kəfwaʼ a ghaa ghə, ghaa dzəŋi loʼ ghə̂ a kəfwaʼ n tənə Mûkəbii wən tə loʼnə idəŋ. Tə saʼa aghə̂ adzəm ighələ, badla way kpey wə.

2 Tesalonika 1:5

Ghəə ghən adzəm dii bənu nə̀ saʼ i Kəzə̀ i loʼ tsətsəghə. Ghaa fəʼlə nya n jii i zən tə̀ Zə̀ kə n təŋkey Zə̀ kə ləghə nə̀ ghaa i loʼ n jìi zey ghaa kpiinə ni nyi n fɔɔ u wi.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

2 Timoti 4:8

Naamə kə ləmmə mə nya idəŋ n fwaʼ kə dzuŋu kən n fwaʼnə ghii kə. Naamə kə tii kə way kə tə mə, kə loʼ soʼo tə ghə̂ ghey adzəm ghə ləghənə ni koʼ tsuʼ fey Klisto i bəghə dzəŋŋənə ibam. À naamə kə tii kə naŋa Mûkəbii wən tə saʼanə ghə̂ ghə n jìi zey i loʼnə tsətsəghə.

Hibru 12:3

Moʼlə tsu nghee tə â kownə fə̀ŋ tii ni fəghə n wɔɔ kə ghə̂ a bəbə ghə, sey nə̀ kə ghaa nə buu khə̂mənə, ghaa tuu maʼa soʼo Kəzə̀.

1 Pita 3:9

Kə ghaa nə kûmmənə bəb zə nə ibəb, nkee abə wù tsɔɔmənə ghaa, kə ghaa nə tsɔɔmə soʼonə wi. Ghaa khə ni fəd dza nə̀ Zə̀ kə buulə wù tii n təŋkey à wey loʼ ghəə zey Zə̀ kə â tɔŋɔnə ghaa nə̀ ghaa i ghəŋŋə sey nə̀, ghaa i loʼ ni keeli ibuulə n wɔ wi.

1 Pita 4:19

Sey dzûmə tə Klisto tey tə fəʼlənə nə̀ a ləghə Kəzə̀ nə̀ ghə fəghə, ghə khə ni fwaʼa ndow kə fwaʼ kə ghə kə dzuŋu kə, fuu may ndow wû i ghə tə̀ Zə̀ key kə bɔmnə ghə n təŋkey kə taw naŋŋənu dzuu i wi zə.

Chi dii 19:11

Mə n koʼ ndow bikighow kə chi kɔʼnə, mə koʼ tsu soʼo khinyam kə fəmə kə, kə teynə n sə kuŋ. Zəd i wù wey tə â nyəŋənə khinyam kə tii kə n loʼ nə̀ a loʼ Wù wey tə naŋŋə dzuu i wi zə, nsə Wù wən tə dzanə isəŋə. Tə saʼa n jìi zey i kpiinə, zuulə soʼo tsam n jìi zey i kpiinə.