1 Pita 2:21 - Kaa n Kəzə̀ n fəghə mə

²¹ À wən loʼ ghəə zey Zə̀ kə â tɔŋɔnə ghaa tii n təŋkey, Klisto n wû u wi wə mâ fəghə soʼo n tow u ghaa, dii naŋa tsu ghaa n jìi zey ghaa khə ni ghəŋŋə ghəə ghə tii, sey nə̀ ghaa loʼ ni ney ghow kə ibwey kə wi.

1 Pita 2:21 ပူးပေါင်းရင်းမြစ်များ

Matyo 10:38

Wù wey tə tuunə ni ney zat kə fəkaʼ kə wi, tə dzûmə bə mə, ka kɔʼ kpii dzə̀ ni doʼo dzûmə wuŋ.

Matyo 11:29

Ney kɔʼ na fwaʼ kuŋ kə n wû i ghaa zə, ghaa zoʼlə tsu aghəə n wɔ mə̀, n təŋkey, n loʼ zəələ kə wù, khə soʼo fə̀ŋ i dzuŋu zə, ghaa i keeli izayyə.

Matyo 16:24

Sey, Yeso n dza ndòw tə̀ ngəd tə wi tə nə̀, “Abə wù dza i dzûmə mə̀, tə khə ni ney tsu nə̀ wû u wi u way dzə fə kə loʼ kə, tə boʼo kɔʼ zat kə fəkaʼ kə wi, tə dzûmə bə mə.

Lukas 24:26

N dza i mâ dii may nə̀ Wù wən Zə̀ kə â dza naŋa nə̀ i tûm bənu î khə ni koʼ ndəmə uchɔd tə̀ wi ni kəm ndòw dzəŋŋə n nkɔʼlə n wi ə?”

Tùm i dzuŋu zə kuum Yeso Klisto tə Jɔn â tɔɔnə 13:15

Fwaʼ kən n fwaʼnə n kow ghaa, n sey moʼ dii bə fwaʼ key ghaa khə ni fwaʼa ghii kə.

Tùm i dzuŋu zə kuum Yeso Klisto tə Jɔn â tɔɔnə 16:33

N ghəə ghən sa dza bə tə̀ ghaa nə̀ ghaa i khə buulə zə n fə̀ŋ tə ghaa, boʼnə ghaa loʼ n fə kəmɔʼ ghi mə. Ghaa nə ngii fəʼlənu fa n mbi, a kee loʼ nə̀ ghaa khə ni kuu tsu təfə̀ŋ tə a loʼ təsawgoʼ, n təŋkey, mə n təm zə̂ mbi.”

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Kəfwaʼ 17:3

Tə n tiilə dza ghəə ghey a loʼnə n màʼlə K-a-zə̀ tə ghə, dii kɔʼ bə soʼo tə ghə nə̀ wù wey Zə̀ kə â dza naŋa nə̀ i tûm bənu â khənu ni fəghə, tə kpu, tə kəm zhəm dzəŋŋə bə nə̀ ivə. Tə n dza ndow tə̀ ghə nə̀, “Yeso wən n naʼlə bənə tə̀ ghaa, à loʼ wi tə loʼnə wù wey Zə̀ kə â dza naŋa nə̀ i tûm bənu.”

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

Roma 8:29

I loʼ sey n təŋkey, ghə̂ ghey Zə̀ kə â khənə nə̀ ghə i bə doʼlə ghə̂ a wi, tə â khənu nə̀ ghə i kweyyə nuulə bənu, ghə doʼo bə tə a loʼ waa wi, sey nə̀ waa wən i loʼ waa u sə isə wə n fəŋŋə kə ndəmə ghə̂ ghən ghə loʼnə dzûmə tə Klisto tə.

1 Kɔrint 11:1

Ney na ghow kə ibwey kuŋ kə nghee tə n neynə ghow kə ibwey kə Klisto kə.

Efesus 5:2

Ghaa khə ni khə ləghə zə n wû i ghaa, ighələ tə̀ Klisto â ləghənə saa, tə n fuu nuu ndow muu i wi ni kpu n tow u saa. Tə n fəələ ndow wû u wi tə a loʼ maʼlə u ləmmə dzɔbə wə tə̀ Zə̀ kə.

Filipi 2:5

Ghaa khə ni bɔɔmə khə ndzoʼo mwam wey Klisto â khənə n wû i ghaa.

1 Tesalonika 3:3

Ghey ləghə nə̀ kə wù ghaa u loʼ u nə keelinə tsəŋ zə n chɔd mən ghaa koʼonə n təŋkey, ghaa khənu nə̀ saa adzəm khə ni keeli ndzoʼo chɔd mən boʼo Kəzə̀.

1 Tesalonika 4:2

Ghaa mgbaŋ khənu ndzoʼo tsə̀ zən ghey fuunə tə̀ ghaa n daʼa kə Yeso Klisto.

2 Timoti 3:12

Isəŋə loʼ nə̀, wù wey tə ləghə ni muu muu i Kəzə̀ zən i loʼnə nə kəfə kəmɔʼ ghi Yeso Klisto, ghə i chɔdlɔnu wi.

Hibru 2:10

Ufə udzəm, à bɔm Kəzə̀, à loʼ soʼo wi tə ghəŋŋənə nə̀ fə u tii wə i loʼ n jìi zey u loʼnə tii. Zə̀ kə â ghəŋə nə̀ Yeso fəghə sey nə̀ tə i ndzəm loʼ wù sə isə wey tə kpiinə ni ghəŋə nə̀ ndəmə aghə̂ a keeli kɔʼlə n wi. À wən loʼ ghəə zey i ghəŋənə nə̀ Yeso i ndzəm loʼ wù wey tə kpiinə ni bəghəshi aghə̂.

1 Pita 1:20

Zə̀ kə â sày wi nə̀ mbi ka kam doʼo zey, ghə n ney dii shi bə wi n tsuʼu mən mbi may kəŋŋə bənə tii bòʼ ghaa.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

1 Pita 3:9

Kə ghaa nə kûmmənə bəb zə nə ibəb, nkee abə wù tsɔɔmənə ghaa, kə ghaa nə tsɔɔmə soʼonə wi. Ghaa khə ni fəd dza nə̀ Zə̀ kə buulə wù tii n təŋkey à wey loʼ ghəə zey Zə̀ kə â tɔŋɔnə ghaa nə̀ ghaa i ghəŋŋə sey nə̀, ghaa i loʼ ni keeli ibuulə n wɔ wi.

1 Pita 4:1

Nghee i loʼnə nə̀ Klisto â fəghə tə a loʼ wù sɔŋtsuʼ fa n mbi, ghaa khə ni teeli keeli tsu soʼo ndzoʼo fə̀ŋ zey tə â khənə n nəŋə zey tə â bəghəmnə ni fəghə, n təŋkey, wù wey tə fəghənə tə a loʼ wù sɔŋtsuʼ fa n mbi, kəm way ni ghəŋə ghəə a bəbə ghey tə â buʼu ghəŋŋə tsənə.

1 Pita 4:13

Ghaa khə ni fədlə duʼlə nə̀ ghaa fəʼlə soʼo ndzoʼo fəghə zey Klisto â fəghənə, sey nə̀, ghaa i loʼ ni ngii duʼlə abə tə i kəm bənə n daʼa kə wi kə səŋi kə.

1 Jɔn 2:6

wù wey tə dzanə nə̀ tə loʼ nə kəfə kəmɔʼ ghi Zə̀ kə, tə khə ni muu ighələ tə Yeso Klisto â muunə.

1 Jɔn 3:16

Ghəə ghən a ghəŋŋə nə̀ saa zoʼlə keeli fə key ləghə zə iwû i loʼnə ghii kə loʼ nə̀ Klisto a kpu n tôw u saa. Sey, saa khə soʼo ni bəghəm ni kpu tow u waazə a saa.

Chi dii 12:11

Ghə â təm zə̂ wi n kaŋ tə Waa Nji tən ghə â fəələnə n zat kə fəkaʼ nsə nə isəŋə zən ghə â naʼlənə, dii tsu nə̀ ghə â tsəmə ləghənu ni fuu nuu muu i ghə, abə à buʼ loʼ kə ni kpu daŋŋə.