1 Pita 2:17 - Kaa n Kəzə̀ n fəghə mə

¹⁷ Ghaa i fuu ngɔɔmə zə tə̀ ghə̂ ghə adzəm, ləghə tillə iwû n fəŋŋə kə ghə̂ ghən ghə bəghəmnə tə̀ Zə̀ kə, fuu ingɔɔmə tə̀ Zə̀ kə nsə tə də̀ŋ kə nii kə inaʼ.

1 Pita 2:17 ပူးပေါင်းရင်းမြစ်များ

Matyo 22:21

Ghə n dza, “À loʼ tum usə u Siza nsə zəd i Siza zə.” Sey tə n dza ndòw tə̀ ghə nə̀, “Fuu ndòw na fə̂ key kə loʼnə kə Siza kə tə̀ Siza, ghaa fuu ndòw soʼo fə̂ key kə loʼnə K-a-zə̀ kə tə̀ Zə̀ kə.”

Tùm i dzuŋu zə kuum Yeso Klisto tə Jɔn â tɔɔnə 13:35

Abə ghaa khə ləghə zə n wû i ghaa, aghə̂ adzəm ghə i daŋŋə koʼ keeli bə nə̀ ghaa loʼ ngəd tuŋ.”

Roma 12:10

Ghaa khə ni ləghə tiilə wû i ghaa zə tə a loʼ dzûmə tə Klisto. Ghaa keeli zay ni ngɔɔmə waazu ghə tsəghəshiə tə ghaa ngɔɔmənə wû i ghaa zə.

Roma 13:7

Sey, tsə nuu ndow ghə̂ ghey wə khə ghə n ndaŋ kə, nə à loʼ kə màʼlə kə tsow kə, tsow nuu ndow, nə̀ à loʼ kəmàʼlə wə khə ni tsow n bikiwən kən wə ghəŋŋənə, wə n tsow nuu i ndow. Wə khə ni buʼu wɔɔ ghə, fuu ndow ingɔɔmə tə ghə̂ ghey ghə loʼnə tow wə.

2 Kɔrint 7:1

Waazə ghuŋ a dzuŋu ghə, nghee tə̀ Zə̀ kə təb naŋanə ghəə ghən tə̀ saa, saa khə ni sow zowwə tsu wû i saa n wɔ ghəə ghən adzəm a loʼnə ni dzəələ wû i saa n fə̀ŋ nsə nə kəzay, a i muu muu zey i zownə, tsəŋə ndow soʼo Kəzə̀.

Efesus 5:21

Ghaa khə ni zow tə̀ waazə a ghaa ghə ni dii tsu nə̀ ghaa ndzəmə ngɔɔmənu Klisto.

Filipi 2:3

Kə̂ ghaa nə̂ ghəŋənə ghəə ghə nə̀ ghaa moʼlə tsu kə wû i ghaa, nkee ni maŋ dii iwû. I fəd khə na ngɔɔmə zə, koʼo ndow na ghə̂ a loʼ ghə tə a loʼ ghə̂ ghey ghə tsəghəshinə ghaa.

1 Timoti 6:1

Dzûmə tə Klisto tey tədzəm tə loʼnə kɔd wə, khə ni keeli tsu nə̀ ghə khə ni fuu ndow ngɔɔmə zey kɔd udzəm u fuunə tə ghə mûkəbii a ghə ghə, sey nə̀, wù loʼ i way ni tsayyə zəd i Kəzə̀ nsə ghəə ghən saa diinə.

Hibru 13:1

Ghaa ndow kə na n sə kə ni ləghə wû i ghaa zə tə̀ a loʼ awaazə.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Pita 2:13

N zəd i Mûkəbii, i zow ndow n na tə ghə̂ ghən adzəm ghə tsuʼ naŋa kɔʼnə nə̀ ghə i laalə tə̀ ghə̂ ghə. Nə̀ a loʼ kə də̀ŋ kən kə tsəghəshinə də̀ŋ wə udzəm,

1 Pita 5:5

N jìi i mɔʼɔ zə, ghaa waa a fəghaŋ, ghaa khə ni zow ndow tə̀ gheynyim a ghaa ghə. Ghaa ghey adzəm ghaa loʼnə nə̀ ghaa n bəghəm fuu tə̀ Zə̀ kə, ghaa khə ni tsuulə tsu wû i ghaa ni fwaʼa ndow tə̀ waazu ghə, n təŋkey, i tɔ̀ɔ doʼo n màʼlə K-a-zə̀ nə̀, “Zə̀ kə baa ghə̂ ghey ghə kɔʼlənə wû zə Kee dii fə̀ŋ ə wi i dzuŋu zə tə̀ ghə̂ ghey tsuulə tsu wû i ghə zə.”