1 Pita 2:12 - Kaa n Kəzə̀ n fəghə mə

¹² Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.

1 Pita 2:12 ပူးပေါင်းရင်းမြစ်များ

Matyo 10:25

Waa kəmàʼlə bɔɔmə may kuum tsu kə ni doʼo tə̀ a loʼ wù dii ə wi, wù kəfwaʼ bə doʼlə soʼo tə̀ a loʼ Mûkəbii ə wi. Abə ghə tɔŋŋənə mûkəbii nə̀ tə loʼ Belzebul, ghə̂ a ndaw wi ghə i keeli izəd nə̀ zə n bəb tsəghəshi Belzebul.”

Matyo 5:11

“Buulə i loʼ tə̀ ghaa abə ghə̂ a chɔdlɔnə ghaa, tsayyə ghaa, dza ndəm ə ghəə a bəbə ghə n tow ghaa a dza ghaa loʼ dzûmə tuŋ.

Matyo 5:16

À loʼ soʼo ighələ ghi ghaa, daa kə ghaa kə khə ni baŋa, tə̀ ghə̂ ghə i loʼ ni koʼ ghəə a ghaa a dzuŋu ghə, ghə i fuu kɔʼlə mə tə̀ Bày ghaa idəŋ.”

Matyo 9:8

Ambə nɔɔ kə aghə̂ key kòʼnə ghəə ghən, fə̀ŋ tə n shi ghə, ghə n kàʼ ndòw ni fuu nkɔʼlə tə Zə̀ kə nghee tə fuunə ndzòʼò daʼa kən tə̀ ghə̂ ghə.

Lukas 1:68

“Kɔʼlə n loʼ tə Bày, Zə̀ kə ghə̂ ghə Izree, kûmnə tə n bə ni bə bəghəshi ghə̂ a wi.

Lukas 19:44

Ghə nə ləŋi may tsu ghaa adzəm nsə waa a ghaa ghə, ghə saʼ maʼa naʼ i ghaa kasə̀ kədzədzəə, kə nə buʼ way kùumnə ghaa â ka koʼ keeli nəŋə zey Zə̀ kə a bənə ni bə bəghəshi ghaa.”

Lukas 6:22

Buulə i loʼ tə̀ ghaa ghey ghə bàanə ghaa, dzùm ghaa, kpaalə ghaa, khəə ghəə a bwù ghə n zəd a ghaa bòʼ Waa wù sɔŋtsuʼ.

Tùm i dzuŋu zə kuum Yeso Klisto tə Jɔn â tɔɔnə 13:31

Ambə Judas nuu shi ndow, Yeso n dza tsu nə̀, “Nəŋə zə n kpi tə̀ Zə̀ kə ni fuu nkɔʼlə tə̀ Waa Wù sɔŋtsuʼ, sey nə̀, Zə̀ kə i keeli soʼo nkɔʼlə n bam i wi.

Kəfwaʼ 15:14

Shimun n tiilə dza tə saa nghee Zə̀ kə â buʼ diinə ləghə i wi zə tə ghə̂ ghən ghə way ghə̂ a Təjuu ghə, sày shi bə aghə̂ n fəŋŋə kə ghə nə̀ ghə doʼo ghə̂ a wi.

Kəfwaʼ 24:13

Ghə buʼ way soʼo ni dii ghəə zey ghə kwunə mə fa tii.

Kəfwaʼ 25:7

Ambə Pɔl bənə, ngəd tə Təjuu tey tə â nuu tsu bə n Yerosalem n nuu zuŋŋə tsəghə bə n səə wi, boʼo bə faalə tə aghəə n ndəm, kuu ndow n tow kə wi, nə imɔʼ way tii ghə loʼ ni tɔʼ dii nə̀ a loʼ isəŋə.

Kəfwaʼ 28:22

Ghey kee ləghənu ni zow moʼlə zə n təŋkey ghey khənu nə ghə tsəm ə khəə bəəbənu nə təluʼu tədzəm bòʼ zəghə wey wə loʼnə tii.”

Roma 12:17

Kə ghaa nə kuumənə bəb zə nə ibəb. Ndəmi tsu n na wû zə ni ghəŋŋə ndow ghəə ghey aghə̂ adzəm loʼ ni koʼ bə nə̀ a loʼ ghəə a dzuŋu ghə.

Roma 13:13

Sa khə ni ghəŋŋə ndow ghəə ghey a kpiilənə tə a loʼ ghə̂ ghey ghə muunə n mgbaŋ. Saa khə way ni mə̂ə khəə kaabə tsə lə mə. Saa khə way ni ghəŋŋə ghəə a laŋŋə ghə, nkee ghəə a dzəə ghə. Saa khə way ni zuulə ballə n wû i saa nkee ni ghoʼo wû i saa zə.

Roma 14:18

Abə wə fwaʼanə tə Klisto n jii zən, Zə̀ kə n duʼlə, ghə̂ ghə n kali soʼo nə̀ wə loʼ wù dzuŋu.

Roma 15:9

Tə â bə soʼo ni ghəŋə nə̀ ghə̂ ghən ghə way ghə̂ a Təjuu a loʼ ni fuu nkɔʼlə tə̀ Zə̀ kə nghee tə kwɔɔlənə sî zə n kow ghə. I loʼ tə i tɔ̀ɔ doʼonə n màʼlə K-a-zə̀ nə̀, “Sey, mə i kali wɔ n fəŋŋə kə ghə̂ a Təjuu Mə i zhim təndzaŋa ni fuu nkɔʼlə n zəd zə.”

1 Kɔrint 14:25

I loʼ sey n təŋkey, ghəə a kələm ghey n fə̀ŋ tə ghə n doʼo bə n mgbaŋ. Sey ghə i təm ndow tənguʼ aghəd, ghə fuu nkɔʼlə tə̀ Zə̀ kə, ghə i dza shiə bə n mgbaŋ nə̀, “Zə̀ kə ndzəm loʼnu n fəŋŋə kə ghaa!”

2 Kɔrint 1:12

Fə̀ŋ tə ghey tə zownu, ghey u loʼnə ni kɔʼlə iwû nə̀ muu i ghey fa mbi â loʼ tsətsəghə loʼ soʼo nə̀ isəŋə. A wey bɔɔmə loʼ nghee ghey muunə ghi ghaa. Ghey ghəŋŋə dzə way ghəə ghə n tɔb u mbi, ghey ghəŋŋə aghəə adzəm n ndzuŋ zey Zə̀ kə diinə tə ghey.

2 Kɔrint 13:7

Ghey gɔŋŋə tə̀ Zə̀ kə nə̀ i kə ghaa nə ghəŋŋə bəəbənə ghə i loʼ zə. À way dzə ni dii nə̀ ghey n təm zə̂, à fəd loʼ ni ghəŋə nə̀ ghaa ghəŋə ghəə zey i kpiilənə, abə i loʼ kənə tə̀ ghey n bwu.

2 Kɔrint 8:21

Ghey ləghə ni ghəŋŋə ghəə ghey a kpiinə n sə̂ kə Mûkəbii nsə n sə̂ kə aghə̂.

Efesus 2:3

Saa adzəm saa â muu tsə tə̀ a loʼ ghə nghee saa â ləghənə fə u mbi wə, ghəŋŋə ndow kə ghəə ghən wû i saa nsə fə̀ŋ tə saa tə ləghənə. Saa â maŋ loʼ tə̀ a loʼ fə u wə ivə, ləmə kə nə̀ nghee tə̀ Zə̀ kə loʼ nə̀ kə n fəələ nəghə wə ghi saa, kə chɔd saa ighələ tə kə i chɔdlɔnə ghə̂ a mbi a loʼ ghən ghə nam ghəŋŋənə ghəə a bəbə ghə.

Efesus 4:22

Ghə â zoʼlə ghaa nə̀ ghaa khə ni tuu maʼa muu i ghaa i wey zey ghaa muu tsənə tii. Muu i tii i nəbə ghaa nə̀ ghaa i ghəŋŋə ghəə a bəbə ghə, tɔʼɔ weyyə ghaa n fə̀ŋ.

Filipi 1:27

Abə i loʼ kə ngee, ghaa khə ni muu muu i ghaa zə tə̀ tûm i dzuŋu zə kùm Klisto diinə. I loʼ sey nə̀ abə n bənə n sə̀ə ghaa nkee n ka bə koʼ ghaa, nə̀ n zow kə ghaa nə kətuŋŋə, mə i khə nə̀ ghaa dzəŋi tey n fə̀ŋ imɔʼ, dzəŋi təmə tsam ə tûm i dzuŋu zə nə kəfə kəmɔʼ, ni ghəŋə nə̀ ghə̂ a keeli bəghəm i fə̀ŋ tə tûm i dzuŋu i diinə.

Filipi 4:8

Ni guŋ kɔʼ ghɔɔmə zən a waazə ghə, ghaa khə ni naŋa tsu moʼlə tə ghaa n ghəə ghey a loʼnə isəŋə, ghəə ghey a khənə ngɔɔmə zə, ghəə ghey a loʼnə tsətsəghə, ghəə ghey a zownə, ghəə ghey a dzɔbənə, ghəə ghey a khənə kɔʼləmə, ghəə ghey ghə̂ ghə î ləghənə ni zow nsə ghəə ghey ghə î duʼlənə ni koʼ.

1 Tesalonika 4:12

Abə ghaa ghəŋənə sey ghaa i khə ngɔɔmə zə n sə kə ghə̂ ghən ghə ka bəghəm tə̀ Zə̀ kə, Ghaa khə soʼo way ni ləmmə nə̀ wù loʼ mə fuu ghaa n fə̂ kə loʼ kə.

1 Timoti 2:2

Ghaa i gɔŋŋə n tow wə udəŋ, gɔŋŋə soʼo n tow u ghə̂ ghən ghə saʼa ghə̂ ghə, sey nə̀, saa loʼ ni zuŋ muu, muu soʼo muu dzuŋu zə ghi ghə̂ ghə adzəm n jìi zey i dzɔbənə n tə Zə̀ kə, dii ndow soʼo mwam u dzuŋu wə tə ghə̂ ghə.

1 Timoti 4:12

I kə wə nə bəghəmnə nə̀ wù loʼ koʼ kìi wɔ a dza wə loʼ winətəghə. Wə khə ni fəd loʼ wù wey wə moʼo diinə ghəə ghə tə ghə̂ ghən ghə bəghəm tə Zə̀ kə, n ghɔɔmə zə, n mwam wə, n jìi zey wə ləghənə ghə̂ ghə tii, n bəghəm i fə̀ŋ zey wə khənə, nsə n jìi zey muu zə i zownə tii.

1 Timoti 5:10

Ghə̂ a khə ni khə wi bòʼ mwam u wi u dzuŋu wə tə a loʼ jìi zey tə ney kɔʼ bənə waa a wi ghə tii, jìi zey tə kpii neynə ghə̂ ghey ghə bwey bəghənə n ndaw wi. Tə u fwaʼa fwaʼ kə dzuŋu kə tə dzûmə tə Klisto tə, fuu soʼo igaamə tə ghə̂ ghən ghə loʼ nə uchɔd. Tə khə ni loʼ nə̀ tə n fuu nyi ndow wû u wi wə ni fuu gaamə zə tə ghə̂ ghə nə təjìi tədzəm.

Hibru 13:18

Ghaa ndow kə n sə kə ni gɔŋŋə tə̀ ghey. Ghey khənu nə̀ fə̀ŋ tə ghey tə zownu, n təŋkey ghey ləghə ni ghəŋŋə ghəə zey i kpiinə nə tənəŋə tədzəm.

Hibru 13:5

Kə ghaa nə ləghənə ghəə ghə ukhəə ghə n muu i ghaa, ghaa i duʼlə n fə key ghaa khənə, n təŋkey Zə̀ kə dza nə̀, “Mə i bwuulə maʼa koʼ way ghaa, Mə i tûmmə naŋa koʼ soʼo way ghaa.”

Jems 3:13

Abə wù loʼnə n fəŋŋə kə ghaa tə moʼlənə nə̀ i tɔbənu, zowkeeli soʼo aghəə, tə dii tsu ghəə a tii ghə n jìi zey tə muunə tii. Ghəə a dzuŋu ghey tə ghəŋŋənə nsə buulə kə umwam kə wi kə dii bənu nə̀ tə khənu tɔb wə.

1 Pita 2:15

Ghəə zey Zə̀ kə ləghənə loʼ nə̀, ghəə a dzuŋu ghey ghaa ghəŋŋənə i ghəŋə nə̀ ghə̂ a laʼlə ghey ghə buʼ khə way ghəə ghey ghə ghɔɔmənə, i laʼ kii ghə i bəbə zey ghə loʼ ni kwu ghaa tii.

1 Pita 3:16

Ghaa i maʼlə tsu wû zə ni beeli ndow ghə n jii i dzuŋu zə. Ghaa tɔʼ laalə nyi tsu ni koʼ nə̀ fə̀ŋ tə ghaa tə zownu n ghəə ghey ghaa ghəŋŋənə, sey nə̀, tow kə i dəd ghə̂ ghey ghə ghɔɔmənə ghəə a bəbə ghə bòʼ ghaa abə ghə koʼnə mwam u dzuŋu wey ghaa khənə n təŋkey ghaa loʼ nə kəfə kəmɔʼ ghi Klisto.

1 Pita 4:11

Wù wey tə naʼlənə ghɔɔmə i Kəzə̀ zə, tə khə ni bɔɔmə naʼlə kə ghəə ghey Zə̀ kə dzanə. Wù wey tə fwaʼanə tə̀ ghə̂ ghə, tə khə ni fwaʼa n daʼa key Zə̀ kə fuunə tə̀ wi, sey nə̀, nə aghəə adzəm, ghə̂ ghə i loʼ ni fuu kɔʼlə mə tə̀ Zə̀ kə n bam i Yeso Klisto. À loʼ tə̀ wi tə khənə kɔʼlə mə n dzəm, a loʼ soʼo wi tə khənə daʼa wə udzəm saʼa nəŋə tədzəm. Zə i loʼ sey.

2 Pita 3:11

Nghee i loʼ nə̀ Zə̀ kə i ləŋi maʼa fə wən udzəm n jìi i zən, i sey dii nə̀ ghaa khə ni muu ndzoʼo muu i ghaa zə ə? Ghaa khə ni muu muu i zow zə, ngɔɔmə soʼo Kəzə̀ nəŋə tədzəm,