1 Pita 2:1 - Kaa n Kəzə̀ n fəghə mə

¹ Nghee i loʼ nə̀ Zə̀ kə n fuu ghaa n muu i fəghə zə, i sey dii nə̀ ghaa khə ni kweyyə nuu bə n fə̀ŋ tə ghaa tə n ghəə a bəbə ghə adzəm, ghaa maʼa ghəə a nəbə ghə ityim ghə, ghaa maʼa ghəə a badla ghə, ghaa maʼa kəghoʼ, kə ghaa nə tsayyə soʼonə wù.

1 Pita 2:1 ပူးပေါင်းရင်းမြစ်များ

Matyo 15:7

Ghə nəb ityim tə a loʼ ghaa! Wù Tûm Kəzə̀ Ayzaya â dza isəŋə kuum ghaa nə̀,

Matyo 23:28

A loʼ soʼo ighələ ghaa tɔʼɔ zow dzɔbə kə a bii tə̀ a loʼ ghə̂ a dzuŋu ghə̀, nə̀ a loʼ sey, n fə̀ŋ tə ghaa, ghaa loʼ ghə nəb ityim nsə ghə̂ a bəbə ghə.”

Matyo 24:51

Mûkəbii ə wi i bə khəələ tsu wi nə nsadla, tə təm naŋa dzəŋi ndòw wi ghi ghə nəb ityim. Ghə i dey fu, fəə asɔŋ.”

Matyo 7:5

Nəb ityim tə̀ a loʼ wɔ, buʼ shiələ nuu kɔʼ dzə bàŋ kə fəkaʼ key n sə̂ zə, tə wɔ ni tɔʼ koʼ təluʼu ni shiələ nuu sala fə fəkaʼ fey n sə̂ i waazu.”

Malakus 12:15

Yeso n kee khə moʼlə tə bəbə tey ghə khənə n fə̀ŋ tə ghə, sey tə n bəb ndòw tə̀ ghə nə̀, “A loʼ kee ghaa bii kaabənə mə ə? Tə n dza tə̀ ghə nə̀, fuu bə na mə n khəə wə itsaa wə fa tə n koʼ.”

Lukas 11:44

Ngoʼ loʼ tə̀ ghaa tənkey ghaa loʼ tə̀ a loʼ isay i loʼnə nə̀ ghə ka tsəə naŋa, ghə̂ ghə u bwey tsəghənə tii nə ghə khə way.”

Lukas 12:1

Nghee tə̀ nɔɔ kə aghə̂ kə təŋŋə bənə, bwùlə bə n kow awaazə, Yeso n kaʼ tsu dzə ni ghɔɔmə tə̀ dzûmə tə wi tə dza, “Ney na ghə̂mə zə n ghə̂ a tə Falasi, a loʼ ghə nəb ityim.

Lukas 6:42

Wə loʼ ngee ni dza tə̀ waazu nə̀, ‘N waazə, na n shiələ bə fəghə fey n sə̂ zə,’ nə̀ a loʼ sey wə buʼu koʼo way kaʼ fey n sə̂ zə ə? Nəb ityim tə a loʼ wɔ, buʼ shiələ nuu tsu dzə kaʼ fey n sə̂ zə, sey wə i loʼ ni tɔʼ koʼ təluʼu ni shiələ nuu fəghə fey n sə̂ i waazu.

Tùm i dzuŋu zə kuum Yeso Klisto tə Jɔn â tɔɔnə 1:47

Nghee tə̀ Yeso koʼ tsunə Natanyə tə bəghənə n səə wi, tə n dza nə̀, “À wən ndzəm loʼ wù Izree, tə badla koʼo tsə way ghəə ghə.”

Roma 1:29

À n fə̀ŋ tə ghə luu doʼo tən kə lii tə aghəə tey tə kpiilə way n sə K-a-zə̀, tə aloʼ ghəə a bəbə, umə̂, mwam u bəbə wə. Ghəə ghey a kpiilə way tə aloʼ kəghoʼ, ni wey wù, ni tsowwə ghɔɔmə, ni nəbə ghə̂ ghə, khə fənyiʼi n kow ghə̂ ghə, khəə kaabə soʼo təfəghəm.

1 Kɔrint 14:20

Waazə ghə, kə ghaa nə moʼlə nə̀ ghəə ghə tə̀ a loʼ aghinətəghə. Abə i bənə ni ghəŋə ghəə a bəbə ghə, ghaa khə ni loʼ tə a loʼ aghinətəghə. A kee bə n jìi zey ghaa zowkeelinə ghəə ghə tii, ghaa khə ni loʼ tə a loʼ agheynyim.

1 Kɔrint 5:8

Abə saa zəənə zə̂ kə Taa zaʼa kə, kə saa nə zəənə n baa kən kə khənə mbvuŋ i wey zə, i loʼnə tə a loʼ ibəb nsə kwɔli kə fə̀ŋ kə, ghaa khə ni fəd zə̂ n baa kən kə khə way mbvuŋ, kə loʼnə tə a loʼ fə̀ŋ tə zow tə nsə isəŋə.

2 Kɔrint 12:20

N dza sey n təŋkey, n fa tsəŋə nə̀ abə mə î bənə, mə i ka koʼ ghaa n jìi zey n ləghənə nə̀ ghaa doʼo tii, ghaa soʼo ghaa i ka koʼ mə nə̀ n way dzə n jìi zey ghaa ləghənə nə n doʼo tii. N tsəŋə nə̀ n loʼ ni bə nə̀ ghaa khə izùu n fəŋŋə kə ghaa, khə kəghoʼ, khə nəghə u fəə wə, khə umə̂, kpaalə kaabə iwû, baŋŋə təfəghəm, kɔʼlə kaabə iwû, fwɔdlɔ maʼa soʼo wû i ghaa.

Efesus 4:31

Ghaa khə ni buu naŋa ni khə nyiʼi fə n fə̀ŋ, ghaa buu naŋa fəmbow, ghaa buu naŋa soʼo nəghə u fəə wə. Kə ghaa nə̂ keelinə zuu zə. Kə̂ ghaa nə̂ kpaalənə ghə̂ ghə, bəəbə kaabə zəd a ghə. Kə ghaa nə̂ zuŋŋə naŋanə moʼlə tə bəbə tə n fə̀ŋ tə ghaa.

1 Tesalonika 2:3

Ghey â ka nyəŋ laʼ dzə n ghəə ghey, ghey â dza bənə tə̀ ghaa, â way soʼo n moʼlə tə bəbə tə n kow ghaa, nkee ni tsìi ghaa.

1 Timoti 3:11

Weyzən wən tə loʼnə wù wən tə gaamənə n dzəŋi kə dzûmə tə Klisto, teeli khə soʼo ni khə bəghəm i fə̀ŋ zə, khə mwam u dzuŋu wə. Tə khə way ni ghɔɔmə ghəə a bəbə ghə bòʼ aghə̂, tə khə soʼo way ni ngii ləghə lə mə.

Taytus 2:3

N jìi i mɔʼɔ zə, dii ndow nyim tə agheyzən tə nə̀ ghə i muu muu zey i khə way bwu i loʼ zə n sə K-a-zə̀. Kə ghə nə khəənə fəghəm tə, kə ghə nə doʼlə soʼonə kɔd wə nlə wə. Ghə khə ni teeli dii kə ghəə ghey a dzɔbənə.

Hibru 12:1

Nghee i loʼ nə̀ saa khənu nɔɔ kə aghə̂ kə nii kə, ghə taʼanə ghi saa, saa zəghə maʼa ghəə ghey adzəm a təʼlənə saa n bəghəm i fə̀ŋ i saa nsə ghəə a bəbə ghey a taw doʼo bə n kow saa. Saa nyəŋ n fə̀ŋ tə saa tə tədzəm ni keeli fə key Zə̀ kə təb naŋanə tə̀ saa.

Jems 1:21

Sey, ghaa khə ni maʼa mwam u dzəə wə nsə ghəə a bəbə ghən a loʼnə n fəŋŋə kə ghaa. Ghaa bɔɔmə ney naŋa ghɔɔmə i Kəzə̀ zey tə kuu naŋanə n fə̀ŋ tə ghaa, a loʼ i ghii zə i bəghəshiənə ghaa.

Jems 3:14

Abə i kee loʼ nə̀ ghaa khə ghoʼ kə bəbə kə n fə̀ŋ tə ghaa, ngii shiə soʼo n sə ghə, kə ghaa nə nəŋŋə nyiə naŋŋənə isəŋə, ghaŋŋə iwû nə̀ ghaa khə utɔb.

Jems 4:11

Waazə ghə, kə ghaa nə khəə fəghəm tə n wû i ghaa. Wù wən tə khəənə fəghəm tə n tow kə waazə nkee saʼa wi, tə sey kii maʼa kəlaŋ, saʼa soʼo. Abə wə saʼa laŋ kə, wə sey way dzə wù wey wə naŋŋənə laŋ kə, wə fəd loʼ wù wey wə kii maʼlənə laŋ kə.

Jems 4:5

Ghaa moʼlə nə̀ à maŋ loʼ kənunu i tɔ̀ɔ doʼonə n màʼlə K-a-zə̀ nə̀, “Zə̀ kə ngii ləghənu Zay key tə kuu naŋanə n kow saa.”

Jems 5:9

Waazə ghə, kə ghaa nə̂ bəghəm nə̀ zuu zə i shiə n fəŋŋə kə ghaa, nə à way sey Zə̀ kə i saʼ ghaa. I loʼ sey n təŋkey, nəŋə i wù wey tə i saʼanə mbi zən ni bə n shɔd.

1 Pita 2:16

Ghaa khə muu tə a loʼ ghə̂ ghən ghə way n tənə wù. Kə ghaa nə kee taa daŋanə n ndzoʼo muu zən ni ghəŋŋə ghəə a bəbə ghə. Ghaa khə ni fəd muu tə a loʼ ghə̂ a kəfwaʼ a Kəzə̀.

1 Pita 2:22

Tə â ka ghəŋə koʼ tsə ghə i bəbə i loʼ zə, tə n ka bad koʼ tsə soʼo aghəə.

1 Pita 3:10

I loʼ tə̀ i tɔ̀ɔ doʼonə n màʼlə K-a-zə̀ nə̀, “Wù wey tə ləghənə ni muu nə iduʼlə Ləghə soʼo nə̀ ghəə a dzuŋu ghə i shiə tə̀ wi tsuʼu n dzəm, Tə khə ni buu naŋa ni ghɔɔmə ghəə a bəbə ghə Tə buu naŋa soʼo ni badla ghəə ghə.

1 Pita 4:2

Sey, ni ney nuu tsu nya, ndow n sə kə, ghaa khə ni teeli muu muu i ghaa zə n nəŋə zən ghaa nam khənə fa n mbi n jìi zey Zə̀ kə ləghənə, a way dzə n jìi zey gow uwû ləghənə.

1 Pita 4:4

Dzuu i nya zum ghə̂ ghən ghə khə way Zə̀ kə nghee ghaa kəm təmə dzəŋi way ghə n dzəə dzəə kə imuu key ghə muunə ghii kə, à wey loʼ ghə i tii zə ghə kpaalə kaabə tsənə ghaa.

Chi dii 14:5

Ghə ka dza koʼ tsə ghəə a badla ghə, ghə khə soʼo way bwu i loʼ zə.