1 Pita 1:8 - Kaa n Kəzə̀ n fəghə mə

⁸ Nghee ghaa loʼ kə nə̀ ghaa ka kam buʼ koʼ wi, ghaa a nam ləghə wi. Nghee ghaa koʼo kə way wi ghaa a nam bəghəm fuu kə tə wi, ghaa a khə soʼo duʼlə i nii zə n jìi zey wù way ni buʼ tiilə dza.

1 Pita 1:8 ပူးပေါင်းရင်းမြစ်များ

Matyo 10:37

Wù wey tə ləghənə bày wi nkee này wi tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ. Tə wey tə ləghənə waa wi ù nûm wə̀ nkee ù zən wə̀ tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ.

Tùm i dzuŋu zə kuum Yeso Klisto tə Jɔn â tɔɔnə 14:15

Yeso n nam dza ndow tə̀ ngəd tə wi tə nə̀, “Abə ghaa ləghənə mə, ghaa khə ni naŋŋə laŋ wuŋ wə.

Tùm i dzuŋu zə kuum Yeso Klisto tə Jɔn â tɔɔnə 14:21

Wù wey tə zow laŋ wuŋ wə, bɔɔmə bwey ndow tii, a wey loʼ wù wey tə baa ləghənə mə. Wù wey tə ləghənə mə, Bày wuŋ i ləghənu wi, mə i ləghə soʼo wi, n dii bə soʼo wû wuŋ tə wù tii.”

Tùm i dzuŋu zə kuum Yeso Klisto tə Jɔn â tɔɔnə 14:24

Wù wey tə ləghə way mə, tə naŋŋə way ghɔɔmə zuŋ zə. Ghɔɔmə zey ghaa zownə n dzuu zuŋ, way dzə ghɔɔmə zuŋ i ngəŋ zə, a loʼ ghɔɔmə i Bày wuŋ wən tə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 16:22

A wey bɔɔmə loʼ ghəə zey i shiənə nya ghi ghaa, ghaa mownu nya, a kee loʼ nə̀ mə i kəm koʼo kpiʼinu ghaa, fə̀ŋ tə ghaa tə i duʼlə n jìi zey wù loʼ nə kəm way ni ney nuu duʼlə i tii zə n wɔ ghaa.

Tùm i dzuŋu zə kuum Yeso Klisto tə Jɔn â tɔɔnə 20:29

Yeso n dza tə̀ wi nə̀, “Wə n nya bəghəm nghee wə koʼ bənə mə ə? Buulə i loʼ tə̀ ghə̂ ghey ghə bəghəm fuunə nə̀ ghə ka buʼ koʼ.”

Tùm i dzuŋu zə kuum Yeso Klisto tə Jɔn â tɔɔnə 8:42

Yeso n dza ndòw tə̀ ghə nə̀, “Abə Zə̀ kə mə ndzəm loʼnə bày ghaa, ghaa mə ləghə mə, n təŋkey, n nuu bə n səə Zə̀ kə, n ka bə dzə n ngəŋ zuŋ, a mə tûm bə Kəzə̀.

Kəfwaʼ 16:34

Ambə ghə ney kɔʼnə mmuu n Kəzə̀ mə, tə n ney bə ghə n ndaw wi, fu ghə n fəzəə wə. Wi ghi ghə̂ ghey n ndaw wi n ngii duʼlə boʼnə ghə nya bəghəm tə̀ Zə̀ kə.

Roma 14:17

N dza sey n təŋkey, ghəə a fɔɔ u Kəzə̀ à way dzə kə ghəə a zə̂ə ghə nkee ghəə a mə̂ə ghə, ghəə a tii a fəd loʼ nə̀ wə i zow ndow tə̀ Zay kə Zow kə, kə ghəŋŋənə nə̀ wə i ghəŋŋə ghəə ghən a kpiilənə tə̀ Zə̀ kə, muu nə ibuulə nsə ni muu nə iduʼlə.

Roma 15:13

N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.

1 Kɔrint 16:22

Ngoʼ loʼ n kôw wù wey tə ləghə way Mûkəbii. Bəghə a Mûkəbii ghey!

2 Kɔrint 1:22

Tə n kuu naŋa tsəə ə wi n kow saa, ghəŋə nə̀ Zay kə Zow kə i muu n fə̀ŋ tə saa tə̀ a loʼ ni dii nə̀ tə̀ i fuunu naamə key tə â təb naŋanə nə̀ tə i fuunu tə̀ saa.

2 Kɔrint 12:4

Ghə â ney kɔʼ ndow wi idəŋ n luʼu key ghə tɔŋŋə nə̀ à loʼ Paradays. Tə n zow aghəə fu nə̀ wù sɔŋtsuʼ u loʼ u way ni tiilə, aghəə nə̀ laŋ kə ka bəghəm soʼo nə̀ wù tiilə dza.

2 Kɔrint 4:18

I loʼ sey n təŋkey, ghey naŋŋə dzə way sə̂ zə n fə̂ wən a koʼonə, ghey fədlə naŋŋə ndòw isə̂ n fə̂ wey a koʼo way, bòʼ nə̀, fə̂ wən a koʼonə, u doʼlə tsuŋŋə way, fə̂ wey a koʼo way kee doʼlə tənənu.

2 Kɔrint 5:7

Ghey muu n ghəə ghən ghey bəghəmnə, à way dzə n ghəə ghey ghey koʼonə.

2 Kɔrint 9:15

Saa fuu kəzɔŋŋə tə̀ Zə̀ kə n ndzoʼo naamə kə nii kən tə fuunə tə saa nə̀ wù loʼ way ni tiilə dza.

Galeshia 5:22

Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Efesus 3:19

Nsə sey, ghaa i loʼ ni tɔʼ zowkeeli tsu ləghə i Klisto zən i tsəghəshinə tɔb wə udzəm, sey nə̀ ghaa i loʼ ni keeli mwam u Kəzə̀ udzəm.

Efesus 6:24

N gɔŋŋə nə̀ ndzuŋ ə Kəzə̀ i loʼ ghi ghə̂ ghən adzəm ghə ləghənə Mûkəbii ə saa Yeso Klisto n fə̀ŋ tə ghə tə tədzəm.

Filipi 1:25

Nghee tə̀ i loʼnə sey, n khənu nə̀ mə î doʼlənu ghi ghaa, mə i muu ghi ghaa adzəm, tə̀ ghaa loʼ ni nyim n bəghəm i fə̀ŋ zey ghaa khənə, ghaa ndəŋ keeli soʼo iduʼlə n fə̀ŋ tə ghaa.

Filipi 3:3

Ghey loʼ ghə̂ ghey ghə loʼnə nə ghə n ndzəm səghə tyi u ghə wə, tɔŋɔ ghey ghən ghey ngɔɔmənə Zə̀ kə n daʼa kə kən Zay kə Zow kə fuunə tə ghey. Ghey gaʼ fə̀ŋ n fwaʼ kə Yeso Klisto, à way dzə fwaʼ kə wù sɔŋtsuʼ.

Filipi 4:4

Ghaa khə ni duʼlə n doʼo i ghaa ghi Mûkəbii nə tənəŋə tədzəm. N nam dza kpiʼi bə kə tə ghaa nə̀ ghaa khə ni loʼ nə iduʼlə!

Hibru 11:1

Ni keeli bəghəm i fə̀ŋ n kow Zə̀ kə loʼ ghəə zey i ghəŋŋə nə̀ saa i khə tən nə̀ saa i keelinu fə wey saa ləmmənə. À loʼ bəghəm i fə̀ŋ i dii bənə nə̀ fə key saa koʼo way ndzəm loʼnu.

Hibru 11:27

À loʼ bəghəm i fə̀ŋ zə â ghəŋənə nə̀ Mushi tyi nuu shi bə n naʼ zə Ijip nə̀ tə tsəŋə way nə̀ də̀ŋ kə Ijip kə i fəələnu n nəghə wə ghi wi. Tə n kow fə̀ŋ, ndow kə n sə kə ni tyi shi n təŋkey, tə â naŋa ndow kə isə n kow Zə key a koʼo way.

1 Pita 1:6

À wən loʼ ghəə ghən a khə ni ghəŋə nə̀ ghaa i ngii duʼlə nghee i tsəm loʼ kə nə̀ ghaa i dzəə mow kəŋŋə ndownu bòʼ ndəmə chɔd mən ghaa i keelinə.

1 Pita 2:7

Tay zən loʼ tay i səŋi zə tə ghaa ghey ghaa bəghəm fuunə tə Klisto. A kee bə ghə̂ ghey ghə ka bəghəm fuu, i tɔ̀ɔ doʼo n màʼlə K-a-zə̀ nə̀, “Tay i mɔʼɔ zey ghə̂ a bəghə a təndaw ghə â tuu maʼanə nə̀ i way kəfə, N kəm bə doʼo tay i səŋi zə tsəghəshi atay adzəm.”

1 Pita 5:4

Abə ghaa ghəŋŋənə sey, abə wù wey tə loʼnə tow kə n tə̀ ghə̂ a baʼa a tənjì ghə i bənə, tə i dzəŋi bə ghaa n taŋŋə kə fɔɔ key kə loʼ nə̀, jìi zey kə nyiəllənə tii, nyiəllə i tii i nə kwey koʼ way.