1 Pita 1:7 - Kaa n Kəzə̀ n fəghə mə

⁷ Chɔt mən loʼ ni dii bə nə̀ bəghəm i fə̀ŋ i ghaa i ndzəm loʼnu. Kasə tsaa zən i loʼ ni bəb, ghə nam mɔm koʼonu nə uvələ. Nghee bəghəm i fə̀ŋ i ghaa i tsəghəshi kə tsaa zə, ghə khə soʼonu ni mɔm koʼ, sey nə̀ ghaa loʼ ni taw tsəghə ghəə a mbi. Abə ghaa ghəŋənə sey, Zə̀ kə i ghəŋə nə̀ ghə̂ a kali ghaa, ghə fuu ghaa n kɔʼlə mə nsə ngɔɔmə zə n tsuʼ fey Yeso klisto i bəghənə a tii.

1 Pita 1:7 ပူးပေါင်းရင်းမြစ်များ

Matyo 19:28

Yeso n dza ndòw tə̀ ghə nə̀, “N kuum dza bə tə̀ ghaa nə̀, abə Waa Weynum î doʼnə n kuu kə ufɔɔ kə wi kə nyiələ kə n mbi i fəghə zə, ghaa ghən ighəm n ghii ghə abəghə i doʼ soʼo fu n kuu u təfɔɔ, saʼa naʼa tə Izree tən ighəm n ghii tə təbəghə.

Matyo 25:21

Mûkəbii wey n dza ndòw tə̀ wi nə̀, ‘Wə n fwaʼ dzɔb, wə loʼ wù kəfwaʼ u dzuŋu wə, wù loʼnu ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuunə tə̀ wɔ, sey mə î kɔʼlə naŋa kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Matyo 25:23

Mûkəbii wey n dza ndòw tə̀ wi nə̀, ‘Wə n ghəŋə dzɔb, wə loʼ wù kəfwaʼ u dzuŋu wə, wù loʼ ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuu naŋanə tə̀ wɔ, sey mə î kɔʼlə naŋŋə kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Lukas 12:33

Fii na fə u ghaa wə, ghaa i fuu ndòw khəə u tii wə tə̀ ghə̂ a laa ghə. Kəŋ tsu na mbəghə wə ukhəə wən u dənə way, ghaa nyi naŋa ndòw fə u ghaa idəŋ, n təŋkey tsɔŋ u way fu tə̀ ghə loʼ ni tsɔŋ nkee sə̂soʼo tə̀ loʼ ni bəəbə maʼa.

Lukas 17:30

I nə bɔɔmə loʼ soʼo sey n tsuʼu n Waa wù sɔŋtsuʼ.

Tùm i dzuŋu zə kuum Yeso Klisto tə Jɔn â tɔɔnə 12:26

Wù wey tə ləghənə ni doʼo wù kəfwaʼ wuŋ, khə ni dzûmə mə, nə luʼu key n loʼnə tii, wù kəfwaʼ wuŋ i loʼ sòʼo fu. Abə wù fwaʼanə tə̀ mə, Bày wuŋ n ngɔɔmə wù tii.”

Tùm i dzuŋu zə kuum Yeso Klisto tə Jɔn â tɔɔnə 5:44

Ghaa sə̂ loʼ ni bəghəm ngee abə ghaa ləghənə nə̀ ghə̂ ghə i fuu bə kɔʼlə mə tə̀ ghaa, kəŋə ndòw way kɔʼlə mey n nuu bənə n wɔ Zə̀ kə n nəŋə wi.

Kəfwaʼ 8:20

Pita n beeli ndow wi nə̀, “Wə i ləŋi dzəŋi ghi khəə wə wə̀ nghee tə wə moʼlənə nə̀ wə loʼ ni zuu naamə K-a-zə̀ nə ukhəə!

Roma 2:10

Abə ghə̂ ghən adzəm ghə ghəŋŋənə ghəə a dzuŋu ghə, Zə̀ kə i kɔʼlə ghə n fwaʼ kə ghə, tə naamə ghə, tə ghəŋə soʼo nə̀ fə̀ŋ tə ghə tə i loʼ nə ibuulə. Tə i zey tsu n kow ghə̂ a Təjuu ghə isə, tə sə ndow n kow ghə̂ ghən ghə way ghə̂ a Təjuu ghə.

Roma 2:29

Wù wey tə ndzəm loʼnə wù Juu loʼ tə wey tə loʼ nə̀ ghə n səghə tyi kə wi kə n fə̀ŋ ə wi. À loʼ Zay kə Zow kə, kə fwaʼnə ghəə a tii ghə, a way dzə ghəə zey i tɔ̀ɔ doʼonə nə kəlaŋ. À loʼ Kəzə̀ kə kalinə ndzoʼo wù wən à way dzə wù sɔŋtsuʼ.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

Roma 8:19

N dza sey n təŋkey, fə wey udzəm Zə̀ kə bɔmnə fa n mbi ləmmə tənə tsuʼ fey Zə̀ kə i dii bənə ghə̂ ghey ghə ndzəm loʼnə waa a wi ghə.

1 Kɔrint 3:13

N tsuʼ fey Zə̀ kə i saʼanə mbi tii, vəllə wə i dii bənu ndzoʼo fə key kay wù bəghə u təndaw u neynə ni bəghə ndaw tii. Vəllə u tii u nə mɔm koʼ tsu ni dii bə nə̀ wù tii â bəghə ndaw tii n fə wey u tawnə mɔ u wey u taw way.

1 Kɔrint 4:5

Sey, kə ghaa nə tsəʼlənə saʼ n kow wù nə̀ nəŋə i ka kam kpii. Ghaa khə ni ləmə ni ndow kuum n nəŋə zey Mûkəbii i bəghənə tii. À loʼ wi tə i ney naŋŋə bənə ghəə ghey adzəm a nyi doʼonə nə kələm n mgbaŋ, tə i chi dii bə soʼo moʼlə tə bəbə tey ghə̂ a khənə n fə̀ŋ tə ghə. N nəŋə i tii zə, Zə̀ kə i fuu kə kay wù n kɔʼlə mey n kpiinə tə̀ wi.

Jems 1:12

Zə̀ kə i buulə wù wey tə təmi tawnə n bəghəm i fə̀ŋ i wi n nəŋə zey vəətsəə a mɔm koʼonə wi, n təŋkey, abə tə təm zə kɔʼnə, Zə̀ kə i fuu wi n muu zə itsali zən tə â təb naŋanə. À loʼ naamə kən Zə̀ kə təb naŋanə tə ghə̂ ghey ghə ləghənə wi.

1 Pita 1:13

Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.

1 Pita 1:5

Nghee tə̀ ghaa bəghəmnə tə̀ Klisto, Zə̀ kə i keyyə ghaa n daʼa kə wi kən tə khənə ni ndow kuum n nəŋə zey Klisto i bəghənə. À loʼ n nəŋə i tii zə ghə i bəghəshiənə ghaa n nəŋə zey Zə̀ kə i saʼanə mbi tii.

1 Pita 2:4

I bəghə n na n səə Mûkəbii, tə loʼnə tay zən i loʼnə utaw nə̀ ghə̂ a mbi ghə n tuu maʼa nə̀ i khə way fwaʼ kə, Zə̀ kə a kee sày kɔʼnə wi nə̀ tə khə fwaʼ kə səŋi kə.

1 Pita 2:7

Tay zən loʼ tay i səŋi zə tə ghaa ghey ghaa bəghəm fuunə tə Klisto. A kee bə ghə̂ ghey ghə ka bəghəm fuu, i tɔ̀ɔ doʼo n màʼlə K-a-zə̀ nə̀, “Tay i mɔʼɔ zey ghə̂ a bəghə a təndaw ghə â tuu maʼanə nə̀ i way kəfə, N kəm bə doʼo tay i səŋi zə tsəghəshi atay adzəm.”

1 Pita 4:12

Fə ghuŋ a dzuŋu ghə, kə dzuu zə i zum ghaa n ngaamə kə ifəghə kən ghaa fəʼlənə nya. Ghəə a tii a maŋ loʼ kə ni mɔm koʼ bəghəm i fə̀ŋ i ghaa. Ghaa loʼ ni moʼlə nə̀ à loʼ ghəə i fəghə i loʼ zə i shiənə n kow ghaa.

1 Pita 4:13

Ghaa khə ni fədlə duʼlə nə̀ ghaa fəʼlə soʼo ndzoʼo fəghə zey Klisto â fəghənə, sey nə̀, ghaa i loʼ ni ngii duʼlə abə tə i kəm bənə n daʼa kə wi kə səŋi kə.

1 Pita 5:1

N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

2 Pita 1:4

À loʼ n jìi i zən tə â fuunə saa n naamə u səŋi wey tə â təb naŋanə tə̀ saa. À loʼ naamə u səŋi wən u ghəŋŋənə nə̀ ghaa tyi nuu shi bə n ghəə a bəbə ghey gow uwû ləghənə fa n mbi, sey nə̀, ghaa loʼ ni mbɔŋ keeli soʼo muu zey Zə̀ kə khənə.

2 Pita 3:14

Sey, fə ghuŋ a dzuŋu ghə, nghee ghaa ləmmənə tsuʼ fən, dəmə tən tsu n na ni koʼ nə̀ ghaa i zow, khə soʼo way bwu i loʼ zə n sə K-a-zə̀, loʼ soʼo nə ibuulə ghi wi.

Màʼlə kə Jud tə̀ ghə̂ a Kəzə̀ ghə 1:24

N gɔŋŋə nə̀ saa adzəm i fuu kɔʼlə mə tə Zə̀ kə. Zə̀ kən kə loʼ ni kwu keeli saa nə̀ kə saa i bwu, nsə nə̀ saa i zow, ngii duʼlə soʼo n sə kə wi.

Chi dii 1:7

Koʼo na! Tə wey tə bəghənə nə təmbaʼ! Ghə̂ adzəm i koʼo wi, ghə̂ ghey ghə â tsuʼnə wi, i koʼ daŋŋə soʼo wi. Ghə̂ adzəm fa n mbi ghə i deyyə bòʼ wi. Zə i bɔɔmə doʼo kə sey! I doʼo sey.

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.

Chi dii 3:10

Nghee wə naŋŋənə laŋ kuŋ kə ni kow fə̀ŋ, mə i bəghəm way nə̀ kaakaa fə mɔm wɔ n nəŋə zə uchɔd. Chɔt u bəghənu fa n mbi ni mɔm koʼ ghə̂ ghey adzəm ghə muunə fa a ghəlitsə.

Chi dii 3:18

N tsə̀ə bə wɔ nə̀ wə zuu kɔʼ itsàa n wɔ mə nə ghə n tsə nə kənam, sey nə̀, wə i kûm tə̀ wə zuu ndzə tə fəmə tə ni dzəŋə n wû wə ni tsəd naŋa wû wə u zum wə. Wə zuu soʼo utey ni zɔʼ n sə̂ ghə tə wə i tɔʼɔ koʼo luʼu tə.