1 Pita 1:25 - Kaa n Kəzə̀ n fəghə mə

²⁵ À kee loʼ nə̀ ghɔɔmə i Mûkəbii i doʼlə tənənu.” Ghɔɔmə i tii i loʼ tûm i dzuŋu zən ghə â naʼanə tə ghaa.

1 Pita 1:25 ပူးပေါင်းရင်းမြစ်များ

Matyo 5:18

N kuum dza bə tə̀ ghaa nə̀, bikighow nsə ghəlitsə kə i bə maynu, kasə nyaŋinyaŋi fə ighəə nkee luʼu fə loʼ fə n laŋ K-a-zə̀, î ndòw way luʼu kə nə̀ ghəə a tii ghə adzəm a kà ney bənə kə.

Lukas 16:17

A maŋ loʼ nyaŋi fə ighəə tə bikighow nsə ghəlikətsə kə ni may, zə a fədlə ngii tawnə tə ghə imɔʼ ni səŋ n laŋ K-a-zə̀ fa n mbi.

Tùm i dzuŋu zə kuum Yeso Klisto tə Jɔn â tɔɔnə 1:1

Tə Zə̀ kə ni kaʼ mbi, wù wey ghə tɔŋŋə nə̀ a loʼ Ighɔɔmə tə â loʼnu, Ghɔɔmə zə n loʼ ghi Zə̀ kə, Ghɔɔmə i tii zə n loʼ Kəzə̀.

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

1 Kɔrint 2:2

Nghee tə̀ mə â loʼnə ghi ghaa, n mâ naŋa n fə̀ŋ zuŋ nə̀ mə i neyzəənu ghəə ghə adzəm, mə i kee neyzəə way ghə i loʼ zə bòʼ Yeso Klisto, a ka tsəm dza kpu zən tə â kpunə n zat kə fəkaʼ.

Efesus 2:17

Sey Klisto bə ni bə naʼa tûm i dzuŋu zən i fuunə buulə zə tə̀ ghə̂ ghə adzəm. Tə̀ ghaa ghən ghaa way ghə̂ a Təjuu ghə, ghaa kam tɔʼ khə way Zə̀ kə nsə tə ghə̂ a Təjuu ghə, ghə loʼ dzənə waa a dzəŋi kə dzûmə tə Klisto ghə.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Taytus 1:3

Ambə nəŋə i kpi tsunə, Zə̀ kə n ghəŋə nə̀ ghə̂ a keeli ghəə a tii ghə n bam i tûm ə wi i dzuŋu zən n naʼlənə. À loʼ Zə̀ kən kə bəghəshiənə saa, kə fuu naŋanə mə n fwaʼ kən nə̀ n fwaʼ.

Hibru 6:5

Aghə̂ nə̀ ghə mâ zow ghɔɔmə i Kəzə̀ zə, keeli tsu nə̀ i dzɔbənu. Ghə n mɔm zow soʼo ndzoʼo daʼa wey u loʼnə n mbi zən i bəghənə.

1 Pita 1:12

Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.

1 Pita 1:23

N dza sey n təŋkey n bam i ghɔɔmə i Kəzə̀ zən i fuunə muu zə, i loʼ soʼonə nəŋə tədzəm, ghə n ji kuulə ghaa tə a loʼ waa a wù wey tə kpuu way, nə̀ à way dzə tə a loʼ waa a wù sɔŋtsuʼ wey tə loʼ nə̀ tə kpuunu.

1 Pita 2:2

Ghaa i mbuŋŋə ni nyɔŋ ghii n Zay kə Zow kə n loʼnə ghɔɔmə i Kəzə̀ zə tə̀ waa nə mbuŋŋənə ni nyɔŋ ghii n nay wi, sey nə̀, abə ghaa məənə ghii n tii mə, ghaa i loʼ ni tɔʼ beyyə taw tsu n bəghəm i fə̀ŋ i ghaa, Zə̀ kə i bəghəshi soʼo ghaa.

2 Pita 1:19

Sey, ghey n baa bəghəm fuu nya nə̀ ghəə ghey tûm tə Kəzə̀ tə â naʼa naŋanə bòʼ Klisto loʼ isəŋə. I dzɔbə nə̀ ghaa tɔʼ gaʼ tsu fə̀ŋ tə ghaa n ghəə a tii ghə, n təŋkey, ghəə a tii a loʼ tə a loʼ kədaa kə baŋanə nə kələm ni ndow kuum ndow n nəŋə zey tsuʼ wə i zownə tə̀ Klisto ni bə. Klisto loʼ tə a loʼ səghəbələ fə n bələbələ tə fə i baŋa soʼo n fə̀ŋ tə ghaa.

1 Jɔn 1:1

Ghey ghəə ghən tɔ̀ɔ bə tə ghaa kuum ghɔɔmə zən i ghəŋŋənə nə̀ ghə̂ a keeli imuu. Ghɔɔmə i tii i mâ khə doʼo zey tə̀ Zə̀ kə ni bɔm mbi. Ghey mâ zow, ghey n koʼ ndow soʼo n sə̂ a ghey. Isəŋə loʼ nə̀ ghey mâ koʼ wi, mɔm tsu soʼo wi n wɔɔ a ghey ghə.

1 Jɔn 1:3

À loʼ ghə i zən ghey â ndzəm koʼnə, sə i zow, ghey naʼlə bənə tə ghaa. Sey nə̀ ghaa i təmdzəŋi ghey ni keeli muu zən ghey khənə ghi Bày, tɔŋŋə Kəzə̀ ghi waa wi Yeso Klisto.

Chi dii 14:6

Mə n daŋŋə koʼ ndow tsəndəghə Kəzə̀ u loʼ wə tə zəʼlə kaabənə idəŋ idəŋ, tə khə tûm i dzuŋu zən i fuunə muu zən i may way ni naʼa tə̀ ghə̂ ghən adzəm ghə muunə a ghəlitsə. Zə i naʼlə tûm i dzuŋu zə tə̀ sali ndaw tə tədzəm, təghɔɔmə tədzəm, təluʼu tədzəm nsə naʼa tə tədzəm.