1 Pita 1:17 - Kaa n Kəzə̀ n fəghə mə

¹⁷ Ghaa tɔŋŋə Kəzə̀ nə̀ a loʼ Bày ghey abə ghaa gɔŋŋə tə̀ wi wən tə saʼanə ghə̂ ghə nə̀ tə laalə way tûm usə u wù wə. Tə saʼa kə kay wù n ghəə ghey tə ghəŋənə. Sey, ghaa khə ni muu tən kə ni ngɔɔmə Zə̀ kə n nəŋə zən ghaa nam khənə nghee ghaa tyi nyi doʼonə fa.

1 Pita 1:17 ပူးပေါင်းရင်းမြစ်များ

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Matyo 22:16

Ghə n tûm tsu tsətəndəghə tə ghə nsə ghə̂ a Helɔd a loʼ ghə. Ghə n bə koʼ bə Yeso, dza tə̀ wi nə̀, “Wù dii wə, ghey khənu nə̀ wə dza tsə kə isəŋə, wə dii ghɔɔmə i Kəzə̀ tə̀ i khə ni doʼo, wə saʼa way ghɔɔmə tə aghə̂ tə, n təŋkey, wə khə way nəŋə i wù zə.

Matyo 6:9

Sey, abə ghaa dza i gɔŋŋə, ghaa khə ni gɔŋŋə tsu nə̀, ‘Bày ghey idəŋ, Ghey gɔŋŋə nə̀ ghə̂ ghə i fuu kɔʼlə mə n zəd zə.

Roma 11:20

À loʼ kənu isəŋə nə̀ ghə â khə̂mə nuu shi bə kpìi tə loʼ tey n təŋkey ghə â ka bəghəm dzə tə̀ Zə̀ kə, ghaa a kee tey n təŋkey, ghaa bəghəm tə Zə̀ kə. À kee loʼ nə̀ ghaa khə dzə way ni ghaŋŋə wû zə n ghə i loʼ zə, ghaa fəd khə ni ney ighə̂mə.

2 Kɔrint 1:2

N gɔŋŋə nə̀ Zə̀ kə, tə loʼnə Bày saa nsə Mûkəbii ə saa Yeso Klisto fuu ghaa n ndzuŋ nsə buulə zə.

2 Kɔrint 5:6

À wən loʼ ghəə zey i kuunə fə̀ŋ tə ghey tə. Ghey khə soʼonu nə̀ abə ghey nam muu kə muu i wû u mbi wə, ghey way dzə n səə Mûkəbii.

2 Kɔrint 7:1

Waazə ghuŋ a dzuŋu ghə, nghee tə̀ Zə̀ kə təb naŋanə ghəə ghən tə̀ saa, saa khə ni sow zowwə tsu wû i saa n wɔ ghəə ghən adzəm a loʼnə ni dzəələ wû i saa n fə̀ŋ nsə nə kəzay, a i muu muu zey i zownə, tsəŋə ndow soʼo Kəzə̀.

2 Kɔrint 7:11

Koʼo na ghəə ghey mow zən i kpiilə n sə̂ K-a-zə̀ ney bənə tə ghaa. I ghəŋŋə nə̀ ghaa təmi kɔʼ n fuu zə, nyûmə n wû zə ni dii nə̀ wɔɔ a ghaa a zownu, bəghəm naŋŋə way ghəə zey i kpii way. Ghaa loʼ tən nə ighə̂mə, mbuŋŋə ni koʼ mə, kuu isəŋ ni ghəŋŋə ghəə a dzuŋu ghə, khə fə̀ŋ ni chɔd wù wey tə ghəŋə bəəbənə. N ghəə ghən adzəm ghaa n dii nə̀ ghaa khə way wɔɔ kə n ghə i tii zə.

Galeshia 2:6

Ghə̂ ghey ghə â loʼ tə a loʼ təngəd fu, ka tsəm kuu kpiʼi ghəə i loʼ zə n tûm zuŋ. N ghəə ghən maŋ dzanu, bùʼ key ghə khənə ghii kə, khə way ghə i loʼ zə ni ghəŋə ghi mə, n təŋkey, Zə̀ kə saʼa dzə way wù nə tə laalə ndow tûm usə u wi.

Efesus 1:17

N gɔŋŋə nə̀ Zə̀ kə, tə khənə ghaʼ zə idzəm, tɔŋŋə bày Mûkəbii saa Yeso Klisto fuu ghaa n zay kən kə fuu tɔb wə nsə zay kən kə chiə diinə ghəə a Kəzə̀ ghə sey nə̀, ghaa tɔʼ keeli tsu wi.

Efesus 3:14

À wən loʼ zuŋ key n təmənə nguʼ tə n tənə Bày saa, gɔŋŋə tə̀ wi.

Efesus 6:9

Ghaa ghən ghaa khənə ghə̂ a kəfwaʼ ghə, ghaa khə ni bɔɔmə muu soʼo sey ghi ghə̂ a kəfwaʼ a ghaa ghə. Kə̂ ghaa nə̂ biinə ghə. Keeli tsu na nə̀ ghaa ghi ghə̂ a kəfwaʼ a ghaa ghə, ghaa dzəŋi loʼ ghə̂ a kəfwaʼ n tənə Mûkəbii wən tə loʼnə idəŋ. Tə saʼa aghə̂ adzəm ighələ, badla way kpey wə.

Filipi 2:12

Waazə ghuŋ a dzuŋu ghə, nghee tə̀ ghaa naŋŋə tsənə laŋ u Kəzə̀ wən mə â diinə ghaa tii n nəŋə zey saa â nam dzəŋi loʼ tsənə. Sey nya, abə n loʼ ghi ghaa nkee n way, dzɔb loʼ nə̀, ghaa ndow kə n sə kə ni naŋŋə laŋ u tii wə. Ghaa khə ni fwaʼa kɔʼɔ ndow n tsəŋ i Kəzə̀ n jìi zey ghaa loʼ ni keeli ibəghəshi tii.

Kolose 3:25

Abə wù wey tə ghəŋŋənə bəb zə, Zə̀ kə i tsəə dzəŋŋə soʼo wi n ndzoʼo bəb zey tə ghəŋənə, n təŋkey, Zə̀ kə saʼa aghə̂ nə tə nyaŋŋə way tûm usə u wù wə.

Hibru 12:28

Sey, saa fuu kəzɔŋŋə tə̀ Zə̀ kə nghee saa təmə dzəŋi ndownə ghə̂ ghey ghə loʼnə n fɔɔ u Kəzə̀ wən ghə i way ni noʼlə. Saa fuu kəzɔŋŋə tə̀ Zə̀ kə, saa ngii ngɔɔmə soʼo wi n jìi zey zə i ghəŋŋə nə̀ tə duʼlə,

Hibru 4:1

Nghee Zə̀ kə â təb naŋa dzənə tə saa nə̀ saa i nyiənu n luʼu kə wi kə zayyə kə, i nam loʼ kə sey. Saa khə ni ney ighə̂mə nə̀ kə wù loʼ i bwu khə̂mə nə̀ tə ka ndow nyi fu n luʼu kə zayyə kə tii kə.

1 Pita 2:11

Fə ghuŋ a dzuŋu ghə, n buʼu bə kəwɔɔ tə̀ ghaa nə̀, tə a loʼ ghə̂ ghey ghə bwey nyi bənə fa n mbi nsə ghə̂ ghən ghə tyi nyì doʼonə, kə ghaa nə ghəŋŋənə ghəə ghey gow uwû ghaa ləghənə, n təŋkey, u zuulə baalə fə̀ŋ tə ghaa.

1 Pita 3:15

Ghaa i kee fuu kə kɔʼlə mə tə Klisto n fə̀ŋ tə ghaa, ngɔɔmə soʼo wi tə a loʼ Mûkəbii. Tey tən nəŋə tədzəm ni beeli wù wey tə ləghənə ni keeli fə key wə ləmmənə nə̀ Zə̀ kə ghəŋə tə ghaa.