1 Pita 1:13 - Kaa n Kəzə̀ n fəghə mə

¹³ Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.

1 Pita 1:13 ပူးပေါင်းရင်းမြစ်များ

Matyo 20:4

tə n dza tə̀ ghə nə̀, ‘Ndòw fwaʼa na n sum wuŋ, mə i tsəə ghaa n fə key kə kpiinə ni tsə n fwaʼ key ghaa i fwaʼanə.’

Lukas 12:35

Ndzuŋŋə tsu na wû i kəfwaʼ zə, ghaa daa naŋa tsu udaa

Lukas 17:30

I nə bɔɔmə loʼ soʼo sey n tsuʼu n Waa wù sɔŋtsuʼ.

Lukas 17:8

Ngaŋ! Wə̀ i fədlə dza ndow tə wi nə̀, ‘Kuu kɔʼ dzə fəzəə wùŋ wə, wə̀ faalə tsu wû wə, wə̀ ney teyyə bə fəzəə wùŋ tə n zə kɔʼ, wə̀ i sə zə u wə wə̀, nə̀ mə n zə may.’

Roma 13:13

Sa khə ni ghəŋŋə ndow ghəə ghey a kpiilənə tə a loʼ ghə̂ ghey ghə muunə n mgbaŋ. Saa khə way ni mə̂ə khəə kaabə tsə lə mə. Saa khə way ni ghəŋŋə ghəə a laŋŋə ghə, nkee ghəə a dzəə ghə. Saa khə way ni zuulə ballə n wû i saa nkee ni ghoʼo wû i saa zə.

Roma 8:19

N dza sey n təŋkey, fə wey udzəm Zə̀ kə bɔmnə fa n mbi ləmmə tənə tsuʼ fey Zə̀ kə i dii bənə ghə̂ ghey ghə ndzəm loʼnə waa a wi ghə.

1 Kɔrint 1:7

Sey, ghaa khə maynu naamə wey Zay kə Zow kə fuunə, nghee tə̀ ghaa ləmmə tənə nə tsuʼ fey Mûkəbii ə saa Yeso Klisto i bəghə dzəŋŋənə tii.

1 Kɔrint 13:13

N ghəə ghən saa adzəm, ghəə a təmi shi bə atəghə, a doʼlə tənə nə̀, bəghəm i fə̀ŋ, moʼlə tə dzuŋu tə nsə ləghə zə. A kee loʼ nə̀, ləghə i bə isə̂ n ghəə ghən adzəm.

Efesus 6:14

Sey, təmi taw tsu na n bəghəm i fə̀ŋ i ghaa. Kow keeli tsu na isəŋə tə̀ a loʼ fəkwɔɔ nə isad, muu i ghaa i tsətsəghə zə i loʼ tən ni kə̀ŋ naŋa kəmmə kə ghaa.

Kolose 3:4

Abə Zə̀ kə i dii bənə Klisto wən tə baa khənə muu i ghaa zə tə mbi, ghaa i loʼ dzəŋi ghi wi n ghaʼ i wi.

2 Tesalonika 1:7

Tə i ghəŋŋə nə̀ ghaa ghən ghaa fəʼlənə nya nə̀ ghaa keeli izayyə, tə ghəŋə soʼo nə̀ ghey zayyə. Zə̀ kə i ghəŋŋə ghəə ghən abə Mûkəbii Yeso i tsu bənə idəŋ ghi tsətəndəghə tə wi tə nii tə.

2 Timoti 4:5

A kee bə wɔ a Timoti, abə à shiə kə ghə i ghaa zə, kə wə tə tsəŋŋə n wû wə. Kow tsu fə̀ŋ ni fəghə bòʼ Mûkəbii, i dəmə ndow kə ni naʼa tûm i dzuŋu zə tə ghə̂ ghə, fwaʼa fwaʼ kə kədzəm tə a loʼ wù kəfwaʼ a Kəzə̀.

2 Timoti 4:8

Naamə kə ləmmə mə nya idəŋ n fwaʼ kə dzuŋu kən n fwaʼnə ghii kə. Naamə kə tii kə way kə tə mə, kə loʼ soʼo tə ghə̂ ghey adzəm ghə ləghənə ni koʼ tsuʼ fey Klisto i bəghə dzəŋŋənə ibam. À naamə kə tii kə naŋa Mûkəbii wən tə saʼanə ghə̂ ghə n jìi zey i loʼnə tsətsəghə.

Hibru 10:35

Sey, kə ghaa nə kəm ney nuulənə fə̀ŋ zey ghaa gaʼnə n kow Mûkəbii, n təŋkey, abə ghaa ndow kə n sə kə ni bəghəm tə̀ Zə̀ kə, zə i ney bənu ghaa n naamə kə səŋi kə.

Hibru 3:6

Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.

Hibru 6:19

À loʼ ləmə zən i ghəŋŋənə nə̀ bəghəm i fə̀ŋ i saa zə i taw tə̀ nyəllə u kəfən u tɔɔmənə fə̀n kə n dzuu nə̀ kə təmi taw tsu. Yeso wən saa ndzəm gaʼnə fə̀ŋ tə saa tə n kow wi, tali tsəghə ndow saa n kə̀ŋ wən u loʼnə n dzəŋi kə dzûmə tə Klisto idəŋ, tə nyi daŋŋə ndow n fə̀ŋ ə luʼu key Zə̀ kə muunə tii.

Hibru 9:28

Sey, Klisto a fəələ kə wû u wi nəŋə imɔʼ ni ney nuu ghəə a bəbə ghə n tow u ndəmə aghə̂. Tə i kəm bəghə kpiʼinu, a i way dzə ni ney nuu ghəə a bəbə ghə, a i loʼ ni ney bə ibəghəshi tə̀ ghə̂ ghən adzəm ghə ləmmənə wi.

1 Pita 1:10

 loʼ bòʼ bəghəshi zən tûm tə Kəzə̀ tə â ney kɔʼ nəŋə zə, ni tɔʼ kəŋ shi kɔʼ, ghə n dza naŋa zey bə nghee Zə̀ kə i dii ndzuŋ ə wi tii tə̀ ghaa ghən ghaa loʼ nə̀ ghaa n bwu khə̂mə.

1 Pita 3:15

Ghaa i kee fuu kə kɔʼlə mə tə Klisto n fə̀ŋ tə ghaa, ngɔɔmə soʼo wi tə a loʼ Mûkəbii. Tey tən nəŋə tədzəm ni beeli wù wey tə ləghənə ni keeli fə key wə ləmmənə nə̀ Zə̀ kə ghəŋə tə ghaa.

1 Pita 4:7

Nəŋə zə n kuʼlə tə̀ fə wə udzəm ni bə may. Sey ghaa khə ni kwu keeli tsu wû i ghaa, ghaa təmi kɔʼ n fuu zə, sey nə̀, ghaa i loʼ ni tɔʼ gɔŋŋə.

1 Pita 5:12

À mə gaamə Saylas ni tɔ̀ɔ bə kəmə fə kəmàʼlə fən. Tə loʼ waazə wuŋ wən n tɔʼ khə nə̀ tə loʼ tsətsəghə n bəghəm i fə̀ŋ i wi. N màʼlə kən tɔ̀ɔ bə tə̀ ghaa ni kuu bə fə̀ŋ tə ghaa nə̀ kə ghaa nə kweyyənə bəghəm i fə̀ŋ zey ghaa khənə n kow Klisto nsə ni təmi tiilə bə nə̀ Zə̀ kə ndzəmə diinu fə̀ŋ ə wi i dzuŋu zə tə̀ ghaa. Ghaa ndow kə n sə kə ni bəghəm tûm i tii zə.

1 Pita 5:8

Ney kɔʼ na ghə̂mə zə, ghaa təmi kɔʼ nə ifuu! Wù təngəmə ghaa tɔŋŋə də̀ŋ kə avəətsəə kə ghaalə kaabə tsənu tə̀ dəmow nə nəmmənə, i kəŋənə wù ni kwu fə.

1 Jɔn 3:3

Wù wən tə khə ndzoʼo moʼlə zən n kow Klisto, sey sow zowwə naŋa wû u wi nə̀ tə i zow ighələ tə Klisto zownə.