1 Pita 1:12 - Kaa n Kəzə̀ n fəghə mə

¹² Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.

1 Pita 1:12 ပူးပေါင်းရင်းမြစ်များ

Matyo 11:25

Yeso n gɔŋŋə tsu n nəŋə i tii zə nə̀, “N fuu bə kəzɔŋŋə tə̀ wɔ a Bày wuŋ, Muu ə kədəŋ nsə ghəlitsə kə, n təŋkey, wə̀ â nyi naŋa ghəə ghən tə̀ ghə̂ a tɔbə ghə nsə ghə̂ a kəmàʼlə ghə, wə̀ u dii fu tsunə tə̀ ghinətəghə ghə.

Matyo 11:27

Nghee tə̀ Yeso gɔŋŋə may tsunə, tə n dza tə̀ ghə̂ ghə nə̀, “Bày wuŋ n fuu ghəə ghə adzəm tə̀ mə, wù loʼ khə way Waa tii à may kə Bày, wù loʼ khə soʼo way Bày à may kə Waa nsə wù wey Waa tsəm tsunə ni dii Bày tə̀ wi.”

Matyo 16:17

Sey, Yeso n beeli ndòw wi nə̀, “Buulə i loʼ tə̀ wɔ a Shimun waa Jona, n təŋkey, à way dzə wù sɔŋtsuʼ tə chi diinə ghəə ghən tə̀ wɔ, à loʼ Bày wuŋ idəŋ.

Malakus 16:15

Tə n dza tə̀ ghə nə̀, “Ndòw na n mbi idzəm, ghaa naʼa ndòw tûm i dzuŋu zə tə̀ ghə̂ ghə adzəm.

Lukas 15:10

N dza bə tə ghaa nə̀ à loʼ soʼo ighələ tsətəndəghə tə Kəzə̀ tə i duʼlənə, abə wù bəbə umɔʼ kweyyə kɔʼnə fə̀ŋ ə wi, tə bə dzəŋŋə n səə Kəzə̀.”

Lukas 2:26

Zay kə Zow kə mâ dii tə̀ wi nə̀, tə nə̂ kpu way nə̀ tə ka koʼ Klisto wey Bày Tsuʼ naŋanə.

Lukas 9:6

Sey, ghə n nuu shi ndòw, bwey naʼa tə naʼa, naʼlə ndow tûm Kəzə̀, baŋə ghə a dzaŋa ghə.

Tùm i dzuŋu zə kuum Yeso Klisto tə Jɔn â tɔɔnə 15:26

Abə wù wey tə tsə̀ənə ghə̂ ghə i bənə, tə wey Mə i ney kɔʼɔ n wɔ Bày wuŋ, n tûm bə tə̀ ghaa, tɔŋŋə Zay kən kə dìi bənə isəŋə bòʼ Kəzə̀, à loʼ wi tə i tiilə dza bənə ndzoʼo wù wey n loʼnə ghii wə.

Kəfwaʼ 10:44

Nghee Pita nam ghɔɔmənə, Zay kə Zow kə n tsu bə n kow ghə̂ ghey adzəm ghə zəllənə tûm wi.

Kəfwaʼ 16:10

Ambə Pɔl koʼ tsu jim wən, ghey sey daŋŋə dzəŋi bəghəm kɔʼnu nə̀ Zə̀ kə n ghey tɔŋɔ nə̀ ghey ndow naʼa tûm i dzuŋu zə n Masedonya. Ghey n daŋŋə kuumə kɔʼ ufə ni ndow fu.

Kəfwaʼ 2:33

Zə̀ kən kə loʼnə Bày wi n kɔʼlə naŋa wi n kpii u wi u təmə wə, fuu wi n Zay kə Zow kə tə̀ tə â təb naŋanə. Ghəə ghən ghaa koʼonə fa nsə ghəə ghən ghaa zownə à loʼ Zay kə Zow kən Yeso fuu bənə tə ghey naʼ idzəm.

Kəfwaʼ 4:31

Ambə ghə gɔŋŋə may tsunə, luʼu tə n noʼlə tsu n luʼu key ghə â təmdzəŋi doʼonə tii. Zay kə Zow kə n nyi bə n kow ghə, ghə n zey ni naʼlə tûm Kəzə̀ nə ghə tsəŋə way.

Kəfwaʼ 4:8

Zay kə Zow kə n nyi bə n kow Pita, tə n beeli ndow ghə nə̀, “Tsoʼ tə inaʼ tə nsə ngəd tə inaʼ tə!

Kəfwaʼ 8:25

Nghee Pita nsə Jɔn tiilə dza may tsunə ghəə ghey ghə â khənə boʼ Yeso, naʼa may tsu soʼo tûm i dzuŋu zə bòʼ Mûkəbii, ghə n nuu dzəŋŋə ndow n Yerosalem, bwey naʼlə ndow tûm i dzuŋu zə n naʼa tə mboʼo Samaria.

Roma 1:15

À wən loʼ ghəə i tii zə n ngii khənə zay ni naʼa tûm i dzuŋu zə tə ghaa ghən ghaa loʼnə n naʼ i Rom.

Roma 1:17

N dza sey n təŋkey à loʼ tûm i dzuŋu zə i dii bənə jii zey i ghəŋŋənə nə̀ wù doʼo tsətsəghə n sə K-a-zə̀. À may tsu kə n bam i bəghəm i fə̀ŋ saa doʼlənə tsətsəghə n sə K-a-zə̀, ji i nuu i kəm way dzə. À wey loʼ ghə i tii zə i tɔ̀ɔ doʼonə n màʼlə K-a-zə̀ nə̀, “Wù wey tə khənə bəghəm i fə̀ŋ zə n kow Zə̀ kə, Zə̀ kə koʼo wi nə̀ tə loʼ tsətsəghə, à loʼ wù tii, tə i keelinə muu zə itsali zə.”

Roma 10:15

Wù loʼ soʼo ngee ni ndow naʼa tûm i dzuŋu zə nə̀ Zə̀ kə ka wi tûm ə? I bɔɔmə loʼ tə̀ i tɔ̀ɔ doʼonə n màʼlə K-a-zə̀ nə̀, “À ngii loʼ ghə i dzuŋu zə ni koʼ nə̀ tûm tə Kəzə̀ tə nya bəghənu ni bə naʼa tûm i dzuŋu zə!”

Roma 15:19

Tə â ghəŋə ghəə ghən n daʼa kə tsəə tən nsə faalə mən mə â diinə n fəŋŋə kə ghə nsə n daʼa kə Zay kə Zow kə. Sey, mə n naʼa ngəə tsəghə bə tûm i dzuŋu zə bòʼ Klisto ni ney nuu bə n Yerosalem bə taa bə nə Ilirikum.

1 Kɔrint 2:10

Zə̀ kə n ghəŋə nə̀ Zay kə Zow kə chi dii bə ghəə ghən tə â nyi naŋanə tə̀ saa. À loʼ Zay kə Zow kən kə fuʼi shiə kɔʼɔ bənə ghəə ghə adzəm, fuʼi may shiə kɔʼɔ bə ghəə a Kəzə̀ ghən a nyi doʼo nay nyi ndownə.

2 Kɔrint 1:22

Tə n kuu naŋa tsəə ə wi n kow saa, ghəŋə nə̀ Zay kə Zow kə i muu n fə̀ŋ tə saa tə̀ a loʼ ni dii nə̀ tə̀ i fuunu naamə key tə â təb naŋanə nə̀ tə i fuunu tə̀ saa.

2 Kɔrint 6:6

Ghey n dii nə̀ ghey loʼ ghə̂ a kəfwaʼ a Kəzə̀ n muu i ghey i zow zə, n tɔb u ghey, n jìi zey ghey kownə fə̀ŋ tii, n mwam u ghey u dzuŋu wə. Zay kə Zow kə a loʼ n kow ghey, ghey u ləghənə ghə̂ ghə n fə̀ŋ tə ghey tə tədzəm.

Galeshia 1:12

À way dzə wù sɔŋtsuʼ tə â fu nə tûm zən tə mə, a way soʼo wù sɔŋtsuʼ tə zoʼlənə mə tii. À loʼ Yeso Klisto, tə chi dii bənə ghəə ghən tə mə.

Galeshia 1:16

tə n chi dii bə tə mə nə̀ Yeso loʼ waa wi, sey nə̀, n naʼa tûm i dzuŋu zə bòʼ wi tə ghə̂ ghən ghə way ghə̂ a Təjuu ghə. Ambə n keeli tsu nə sey, mə n ka bəb zow dzə ghə i loʼ zə tə wù sɔŋtsuʼ,

Efesus 3:10

Moʼlə i wi zə â loʼ nə̀ ghə̂ a dzəŋi kə dzûmə tə Klisto ghə i loʼ ni dii tɔb u Kəzə̀ u nii wə tə̀ daʼa wey u saʼanə ghə̂ ghey ghə loʼnə n tənə ghə n luʼu tə idəŋ tə.

1 Tesalonika 2:9

Waazə ghə, ghaa moʼlənu nghee tə̀ ghey â zuʼlə fwaʼa nə tii? Ghey â fwaʼa n tsə̀ tə nsə n tsuʼu tə sey nə̀, kə̂ ghey nə doʼlənə tə̀ a loʼ kəfəmmə tə̀ wù ghaa u loʼ wə, nghee tə̀ ghey naʼlənə tə̀ ghaa tûm i dzuŋu zən i nuu bənə n wɔ Zə̀ kə.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

Hibru 11:13

Ghə̂ ghən adzəm â bə kpu nə̀ ghə nam khə kənu bəghəm i fə̀ŋ zə n kow Zə̀ kə. Ghə â ka keeli dzə fə key Zə̀ kə â təb naŋanə tə̀ ghə. Ghə mâ kee koʼ ndow kənu fə kə tii kə nə kədaa, ghə n khə tən nə̀ ghə i keelinu fə u tii wə. Ghə n bəghəm kɔʼ soʼo n mgbaŋ nə̀ ghə loʼ ghə̂ a tətùm nsə nə̀ ghə bwey nyi bənu fa a ghəlitsə.

Hibru 2:4

Zə̀ kə â dii ndəmə tətsəə nsə faalə mə ni dii bə nə̀ ghəə ghey ghə â dzanə loʼ isəŋə. Sey, Zay kə Zow kə n fuu soʼo aghə̂ n naamə kə nghee tə̀ Zə̀ kə ləghənə.

Hibru 4:2

N dza sey n təŋkey, ghə mâ naʼa tûm i dzuŋu zə tə̀ saa ighəllə tə̀ ghə â naʼa soʼonə tə̀ ghə̂ ghə Izree ghə. Ghə â zow tûm tii, zə n ka kee gaamə ghə n ghə i loʼ zə n təŋkey, nghee ghə â zow tsunə tûm tii, ghə n ka bəghəm naŋa n fə̀ŋ tə ghə.

1 Pita 1:25

À kee loʼ nə̀ ghɔɔmə i Mûkəbii i doʼlə tənənu.” Ghɔɔmə i tii i loʼ tûm i dzuŋu zən ghə â naʼanə tə ghaa.

1 Pita 4:6

À wən loʼ ghə i tii zə ghə â naʼa soʼo tûm i dzuŋu zə tə ghə̂ ghən ghə kpu dzənə, tə ghə̂ ghən ghə â saʼ dzə ghə nə̀ ghə nam loʼ utaw. Ghə â naʼa tə ghə sey nə̀ Zay K-a-zə̀ kə loʼ ni ghəŋə nə̀ ghə muu muu zən Zə̀ kə muunə.

Chi dii 5:11

Mə n laalə kpiʼi ndow, zow ndow, dzə̂ tə tsətəndəghə tə Kəzə̀, kam tə təkam nsə bɔm tə təndangaŋ, nə wù way ni taŋ, n taʼ dzəŋ tsəghə bə kuu kə fɔɔ key, fə wey ukaykə u loʼnə utaw nsə ngəd tey.