1 Pita 1:10 - Kaa n Kəzə̀ n fəghə mə

¹⁰ Â loʼ bòʼ bəghəshi zən tûm tə Kəzə̀ tə â ney kɔʼ nəŋə zə, ni tɔʼ kəŋ shi kɔʼ, ghə n dza naŋa zey bə nghee Zə̀ kə i dii ndzuŋ ə wi tii tə̀ ghaa ghən ghaa loʼ nə̀ ghaa n bwu khə̂mə.

1 Pita 1:10 ပူးပေါင်းရင်းမြစ်များ

Matyo 13:17

N kuum dza bə tə̀ ghaa nə̀, ndəmə tûm tə Kəzə̀ nsə ghə̂ ghey ghə loʼ tsətsəghə mâ dəm ni koʼ ghəə ghey ghaa koʼo, dəm kìi, dəm soʼo ni zow ghəə ghey ghaa zow, dəm kìi.”

Matyo 26:24

Waa Weynum khə ni kpu tə̀ màʼlə K-a-zə̀ kə dzanə, a kee loʼ nə̀ ngoʼ loʼ tə̀ wù wey tə î fiilə fuu shiənə wi. À mə khə ni loʼ ghə i dzuŋu zə abə ghə â ka buʼ ji koʼ tsə wù tii.”

Lukas 10:24

N dza bə tə̀ ghaa nə̀, ndəmə tûm tə Kəzə̀ nsə də̀ŋ wə â ləghə ni koʼ ghəə ghey ghaa koʼnə, ghə n ka koʼ nsə ni zow ghəə ghey ghaa zownə, ghə n ka zow.”

Lukas 24:44

Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Tùm i dzuŋu zə kuum Yeso Klisto tə Jɔn â tɔɔnə 5:39

Ghaa ndəmi iwû ni tɔŋɔ màʼlə K-a-zə̀ n təŋkey, ghaa moʼlə nə̀ abə ghaa ndəŋ tɔŋɔ kɔʼnə sey ghaa i keeli ghəə zey ghaa khə ni teeli ghəŋə ni keeli muu zə itsali zə, loʼ sey nə̀ màʼlə K-a-zə̀ kən ghaa tɔŋŋənə baa tiilə dza bə aghəə bòʼ mə.

Tùm i dzuŋu zə kuum Yeso Klisto tə Jɔn â tɔɔnə 7:52

Ghə n beeli ndòw wi nə̀, “Wə shi soʼo n Galili ə? Tɔʼɔ kəŋ shi kɔʼ n màʼlə K-a-zə̀, wə i koʼ tsu nə̀ Wù tûm Kəzə̀ u loʼ u nə shi koʼ way n Galili.”

Kəfwaʼ 10:43

Tûm tə Kəzə̀ tədzəm tə mâ ghɔɔmə bòʼ wi dza nə̀ ghə̂ ghey ghə bəghəm nə tə wi, Zə̀ kə i neyzəənu ghəə a ghə a bəbə ghə n bam i zəd i wi.”

Kəfwaʼ 17:11

Ghə̂ a Təjuu ghey n naʼ i Beria â khə mwam u dzuŋu wə tsəghəshi a ghey n naʼ i Tesalonika, bòʼ nə̀, ghə â bəghəm naŋa tûm i dzuŋu zey Pɔl â naʼlənə n wû i nyûmə zə. Ghə n tɔʼɔ fwɔdlɔ nyiə tsu màʼlə K-a-zə̀ n tsuʼu ndzəm ni koʼ tsu nə̀ ghəə ghey Pɔl dzanə loʼ isəŋə.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Kəfwaʼ 7:52

Wù tûm Kəzə̀ u loʼ u mâ doʼo koʼ nə̀ ghə bày a ghaa a ka wi chɔd ə? Ghə â buʼ wey maʼa daŋŋə a ghən ghə â dza naŋa zey bənə bə i wù kəfwaʼ a wi wən tə loʼnə tsətsəghə. Ghaa n fìi fu ndow wi tə ghə̂ a təngəmə a wi ghə, ghə n wey maʼa daŋŋə ndow wi.

Hibru 11:13

Ghə̂ ghən adzəm â bə kpu nə̀ ghə nam khə kənu bəghəm i fə̀ŋ zə n kow Zə̀ kə. Ghə â ka keeli dzə fə key Zə̀ kə â təb naŋanə tə̀ ghə. Ghə mâ kee koʼ ndow kənu fə kə tii kə nə kədaa, ghə n khə tən nə̀ ghə i keelinu fə u tii wə. Ghə n bəghəm kɔʼ soʼo n mgbaŋ nə̀ ghə loʼ ghə̂ a tətùm nsə nə̀ ghə bwey nyi bənu fa a ghəlitsə.

Hibru 11:40

Zə̀ kə â ka fuu fə key tə â təb naŋanə tə̀ ghə n təŋkey, tə â bayyə naŋa ghəə ghey a dzɔb tsəghənə a ghən tə̀ saa. Tə â ləghə nə̀ bəghəm i fə̀ŋ i saa i teeli doʼo bə soʼo tə̀ a loʼ i ghə zə tə̀ ghə ni doʼo may bə ndzoʼo ghə̂ ghey tə ləghənə nə̀ ghə doʼo.

1 Pita 1:11

Ghə n dəm tsu ni kəŋ keeli shi kɔʼ nəŋə i tii zə nsə jìi zey ghəə a tii ghə i neynə bənə kə. Â wən loʼ nəŋə zey Zay kə Klisto key kə loʼnə n kow ghə â dii naŋa ndownə ghə nghee wù wən Zə̀ kə â dza naŋa nə̀ i tûm bənu, i bə fəʼlənə tii nsə kɔʼlə mey tə i bə keelinə.

1 Pita 1:13

Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.