1 Jɔn 4:7 - Kaa n Kəzə̀ n fəghə mə

⁷ Fə̂ ghuŋ a dzuŋu ghə, saa ndow kə n sə kə ni ləghə tiilə wû zə, boʼnə ləghə i nuu bə n wɔ Zə̀ kə. Wù wən tə khə ləghə zə loʼ waa Kəzə̀, tə u khə soʼo nə Zə̀ kə.

1 Jɔn 4:7 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 13:34

N fuu bə ghaa n laŋ kə fəghə kə, laŋ kə tii kə loʼ nə̀, ghaa i ləghə tiilə wû i ghaa zə. Ghaa khə ni ləghə tiilə wû i ghaa zə ighələ tə̀ n ləghənə ghaa.

Tùm i dzuŋu zə kuum Yeso Klisto tə Jɔn â tɔɔnə 17:3

Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

1 Kɔrint 8:3

Wù wey tə kee ləghənə Zə̀ kə, Zə̀ kə khənu wi.

2 Kɔrint 4:6

À loʼ Kəzə̀ tə â dza tsu nə̀, “Tsə u bàŋ shi bə nə kələm”, à loʼ wi tə ghəŋənə nə̀ tsə u bàŋ n fə̀ŋ tə ghey sey nə̀ ghey koʼ kɔʼlə n Kəzə̀ mən n baŋanə n tûm usə u Klisto.

Galeshia 4:9

Nya wən ghaa keeli dzə Zə̀ kə, nkee, n loʼ ni dza nə̀ Zə̀ kə n ghaa keeli, a kəm loʼ kee ghaa dzəŋŋə ndownə ni doʼo ukɔd tə fəghə mə nzə̀ n lay n kənunu mən n saʼa mbi ə?

Galeshia 5:22

Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,

2 Timoti 1:7

N dza sey n təŋkey, Zay key Zə̀ kə â fuunə tə saa ghəŋŋə dzə way nə̀ saa i tsəŋə ghəə ghə. Tə â fəd fuu saa n Zày key kə ghəŋŋənə nə̀ saa i khə daʼa kə, saa i ləghə wû i saa zə, saa i loʼ soʼo ni tɔʼ kwu keeli wû i saa.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Jɔn 2:10

Wù wey tə ləghə tiilənə waazə wi, sey muu nə utsə, ghə i loʼ zə u way soʼo n muu i wi i loʼ ni chimmə wù loʼ nə̀ tə bwu laŋ K-a-zə̀.

1 Jɔn 2:29

Saa khə Klisto tə a loʼ wù wey tə loʼnə tsətsəghə, saa a khə soʼonə nə̀ wù wən tə ghəŋənə ghəə a wi ghə tsətsəghə, à loʼ waa Kəzə̀.

1 Jɔn 2:3

Abə saa naŋŋənə laŋ u Kəzə̀ wə, i sey dii nə̀ saa kuum khənu wi.

1 Jɔn 2:4

Wù wən tə dzanə, “N khənu wi.” Kee fədlə ghəŋŋə way ghəə ghey tə dzanə, tə sey loʼ wù badla wə aghəə wə, isəŋə i loʼ zə u way soʼo n kow wù tii.

1 Jɔn 2:7

Fə ghuŋ a dzuŋu ghə, a way dzə laŋ kə fəghə kə n tɔ̀ɔ bənə tə ghaa. A fəd loʼ laŋ kə wey kə ghaa â khə tsənə ni ney nuu bə n tsuʼ fey ghaa â bəghəmnə tii tə̀ Klisto. Laŋ kə wey kə tii kə loʼ tûm i dzuŋu zən ghaa â zow dzənə.

1 Jɔn 3:9

Ghə̂ ghən ghə loʼnə waa a Kəzə̀ ghə, kəm way ni ghəŋŋə ghəə a bəbə ghə bòʼ nə̀ mwam u Kəzə̀ a loʼ n kow ghə, nsə təŋkey, Zə̀ kə loʼ Bày ghə, sey, ghə kəm way ni tsəghə ndow n sə kə ni ghəŋŋə ghəə a bəbə ghə.

1 Jɔn 4:11

Fə̂ ghuŋ a dzuŋu ghə, jìi zey Zə̀ kə â ngii ləghənə saa tii, à loʼ soʼo sey saa ndzəm khə ni ləghə tiillə wû i saa zə.

1 Jɔn 4:12

Wù loʼ ka kam koʼ koʼ tsə Zə̀ kə. Abə saa fədlə ləghə tiillə wû i saa zə, Zə̀ kə i loʼ nə kəfə kəmɔʼ ghi saa. Sey, ləghə i wi zə i loʼ ghi ndzəmə dii bə n ghəə a saa a ghəŋŋə ghə.

1 Jɔn 4:16

Wû i saa, saa khənu, saa a bəghəm fuu ndow soʼonə n ləghə zən Zə̀ kə khənə n kôw saa. Ləghə i nuu bə n wɔ Zə̀ kə, sey nə̀ ghə̂ ghey ghə muunə nə iləghə, ghə muu nə kəfə kəmɔʼ ghi Zə̀ kə, Zə̀ kə a muu soʼonə nə kəfə kəmɔʼ ghi ghə.

1 Jɔn 4:20

Abə saa dzanə nə̀ saa ləghə Kəzə̀, fədlə baa waazə a saa, saa loʼ ghə̂ a badla ghə aghəə ghə, n təŋkey, abə wə way ni ləghə waazu nə̀ wə koʼo ndownu wi, wə i ləghə ngee Zə̀ kə nə̀ wə ka wi kam koʼ koʼ tsə ə?

1 Jɔn 4:8

Wù wən tə khə way ləghə zə, khə soʼo way Zə̀ kə, n təŋkey, ləghə i nuu bə n wɔ Zə̀ kə.

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.

2 Jɔn 1:5

Mə, n tsəə bə wɔ iwaa nə saa adzəm i ləghə tiilə wû zə. À wən way dzə laŋ kə fəghə kə n tɔ̀ɔ bənə tə ghaa, a loʼ laŋ key ghaa â keeli zey dzənə.