1 Jɔn 4:12 - Kaa n Kəzə̀ n fəghə mə

¹² Wù loʼ ka kam koʼ koʼ tsə Zə̀ kə. Abə saa fədlə ləghə tiillə wû i saa zə, Zə̀ kə i loʼ nə kəfə kəmɔʼ ghi saa. Sey, ləghə i wi zə i loʼ ghi ndzəmə dii bə n ghəə a saa a ghəŋŋə ghə.

1 Jɔn 4:12 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 1:18

Wù loʼ ka kam kòʼ koʼ Zə̀ kə, a loʼ kə sɔʼi fə Waa wi wən tə loʼnə n səə Bày, tə dii bənə wi tə̀ saa.

1 Kɔrint 13:13

N ghəə ghən saa adzəm, ghəə a təmi shi bə atəghə, a doʼlə tənə nə̀, bəghəm i fə̀ŋ, moʼlə tə dzuŋu tə nsə ləghə zə. A kee loʼ nə̀, ləghə i bə isə̂ n ghəə ghən adzəm.

1 Timoti 1:17

N gɔŋŋə nə̀ ghə̂ a mə fuu ngɔɔmə zə nsə kɔʼləmə tə Zə̀ kə nəŋə tədzəm. Tə loʼ də̀ŋ kən kə loʼnə nya, loʼ nə tənəŋə tədzəm, də̀ŋ key kə kpuu koʼo tsə way, kə key wù loʼ ka kam koʼ koʼ tsə. A may kə wi tə mbi nə bə may. Zə i loʼ sey.

1 Timoti 6:16

À may kə wi tə nə kpu koʼ way. Tə muu n luʼu key daa kə baŋanə fuu n jìi zey wù sɔŋtsuʼ way ni koʼ wi. Wù loʼ way tə koʼ koʼ tsənə wi nkee tə nə koʼonə wi. Nkɔʼlə ndzəm nsə daʼa kə i loʼ tə wi tə mbi nə bə may. A may kə sey.

Hibru 11:27

À loʼ bəghəm i fə̀ŋ zə â ghəŋənə nə̀ Mushi tyi nuu shi bə n naʼ zə Ijip nə̀ tə tsəŋə way nə̀ də̀ŋ kə Ijip kə i fəələnu n nəghə wə ghi wi. Tə n kow fə̀ŋ, ndow kə n sə kə ni tyi shi n təŋkey, tə â naŋa ndow kə isə n kow Zə key a koʼo way.

1 Jɔn 2:5

Wù wey tə naŋŋənə ghɔɔmə i Kəzə̀ zə, tə ndzəmə dii bənu nə̀ tə ləghənu Zə̀ kə. Jìi zən saa keelinə nə̀ muu i saa i loʼ dzəŋi ghi wi, loʼ nə,

1 Jɔn 3:24

Ghə̂ ghey ghə naŋŋənə laŋ K-a-zə̀ kə, ghə muu nə kəfə kəmɔʼ ghi Zə̀ kə, Zə̀ kə a muu soʼonə nə kəfə kəmɔʼ ghi ghə. À loʼ Zay kə Zow kə, kə ghəŋənə nə̀ saa keeli nə̀ Zə̀ kə muu n kow saa.

1 Jɔn 4:16

Wû i saa, saa khənu, saa a bəghəm fuu ndow soʼonə n ləghə zən Zə̀ kə khənə n kôw saa. Ləghə i nuu bə n wɔ Zə̀ kə, sey nə̀ ghə̂ ghey ghə muunə nə iləghə, ghə muu nə kəfə kəmɔʼ ghi Zə̀ kə, Zə̀ kə a muu soʼonə nə kəfə kəmɔʼ ghi ghə.

1 Jɔn 4:20

Abə saa dzanə nə̀ saa ləghə Kəzə̀, fədlə baa waazə a saa, saa loʼ ghə̂ a badla ghə aghəə ghə, n təŋkey, abə wə way ni ləghə waazu nə̀ wə koʼo ndownu wi, wə i ləghə ngee Zə̀ kə nə̀ wə ka wi kam koʼ koʼ tsə ə?

1 Jɔn 4:6

Saa fəd loʼ ghə̂ a Kəzə̀. Ghə̂ ghən ghə loʼnə ghə̂ a Kəzə̀ ghə, ghə zownu tə saa. Abə ghə mə way ghə̂ a Kəzə̀ ghə, ghə mə way ni zow tə saa. À wən loʼ nghee saa keelinə wù wey tə khənə zày key kə ghəŋŋənə nə̀ wù i dza isəŋə nkee zày key kə ghəŋŋənə nə̀ wù i badla ghəə ghə.