1 Jɔn 3:7 - Kaa n Kəzə̀ n fəghə mə

⁷ Ghaa ghən ghaa loʼnə waa ghuŋ a dzuŋu ghə, kə ghaa i bəghəm nə wù loʼ nəb ghaa. Wù wey tə ghəŋŋənə ghəə ghə tsətsəghə n sə̂ K-a-zə̀, sey loʼ tsətsəghə ighələ tə̀ Klisto loʼnə tsətsəghə n sə̂ K-a-zə̀.

1 Jɔn 3:7 ပူးပေါင်းရင်းမြစ်များ

Matyo 5:20

N dza bə tə̀ ghaa nə̀, a gɔʼɔ kə nə̀ muu i ghaa i loʼ tsətsəghə n sə k-a-zə̀ tsəghəshi tsu i ghə̂ a dii a kəlaŋ ghə nsə ghə̂ tə Falasi ghə, wù ghaa umɔʼ î way ni nyi dzə n fɔɔ wə idəŋ wə.”

Lukas 1:75

nə a i fwaʼa tə wi n fə̀ŋ tə zow tə, loʼ tsətsəghə n sə kə wi n tsuʼu ndzəm tə mbi nə bə may.

Kəfwaʼ 10:35

tə bəghəm naŋŋə aghə̂ adzəm, abə wù tii ngɔɔmə dzənə wi ghəŋŋə soʼo ghəə ghey a loʼnə tsətsəghə. Tə ney way n taŋ nə̀ wù tii shi n naʼ i ghaa zə.

Roma 2:13

I loʼ sey n təŋkey, a way dzə wù wey tə khənə ghəə ghey laŋ kə dzanə, tə doʼlənə tsətsəghə n sə K-a-zə̀, à loʼ wù wey tə ghəŋŋə ghəə ghə tə laŋ kə diinə, tə doʼlənə tsətsəghə n sə K-a-zə̀.

1 Kɔrint 6:9

Ghaa khə way nə̀ ghə̂ ghey ghə ghəŋŋənə ghəə a bəbə ghə, ghə î zə̂ way Fɔɔ u Kəzə̀ wə ə? Kə̂ wù loʼ nə nəbənə ghaa! N dza bə tə̀ ghaa nə̀, ghə̂ a laŋŋə ghə, ghə̂ ghey ghə ngɔɔmənə muʼu mə, ghə̂ ghən ghə taa zaʼa wû zə, gheynum ghən ghə nyəŋinə n wû i ghə,

Efesus 5:6

Kə wù i nəb ghaa n ghɔɔmə i zum zə nə̀ Zə̀ kə i chɔd way ghə̂ ghey ghə ghəŋŋənə ndzoʼo ghəə ghən, n təŋkey, Zə̀ kə î chɔdlɔnu ghə̂ ghey ghə naŋŋə way laŋ u wi wə.

Efesus 5:9

kuum nə̀, abə wù muunə nə ustə̀, tə n ghəŋŋə ndzuŋ, loʼ tsətsəghə, fwaʼa nə isəŋə.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Hibru 1:8

Zə a tɔ̀ɔ doʼo kuum Waa wi nə̀ Zə̀ kə dza nə̀, “Zə̀ kə! Fɔɔ wə u nə̂ may koʼ way. Wə i kwɔɔ keeli ghə̂ ghə n jìi zey i loʼnə tsətsəghə.

Hibru 7:2

Abraham n dzawwə tsu fə wən tə a təm zə kɔʼ n tsam nə tə badla ighəm tə loʼnə ighələ. Tə n ney fu ndow wi n bad kə kəmɔʼ. Zəd i Mekisedek n ghɔɔmə i Təjuu zə â dii nə̀ a loʼ, “Də̀ŋ kə tsətsəghə kə.” Ghə â tɔŋŋə soʼo wi nə̀ a loʼ, “Də̀ŋ kə Salem.” I dii tsu nə̀, “Də̀ŋ kən kə ney bənə buulə zə.”

Jems 1:22

Kə ghaa nə maŋa zəllə kənə ghɔɔmə i Kəzə̀ zə, ghaa khə ni ghəŋŋə ndow ghəə zey i dzanə. Nə à way sey, ghaa sey maŋa nəbə wû i ghaa.

Jems 2:19

À loʼnu ghə i dzuŋu zə nə̀ ghaa bəghəmnu nə̀ Zə̀ kə loʼ kə kəmɔʼ. Ghaa n ghəŋə dzɔb. Vəətsəə a bəghəm soʼonu nə̀ Zə̀ kə loʼ kə kəmɔʼ buʼu tsəŋə daŋŋə soʼo wi.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

1 Jɔn 2:1

Waa ghuŋ a dzuŋu ghə, n tɔ̀ɔ bə ghəə ghən tə ghaa nə̀ kə ghaa nə ghəŋŋə ghə i bəbə zə. Sey nə̀, abə wù ghaa u loʼ u kpaʼi ghəŋə ghə i bəbə zə, saa khə wù loʼ tə buʼunə wɔɔ kə n wɔ Bày n tow u saa tɔŋɔ Yeso Klisto, tə loʼnə wù wey tə loʼnə tsətsəghə.

1 Jɔn 2:26

N ghəə ghən sa tɔ̀ɔ bə tə ghaa kuum ghə̂ ghən ghə dəmənə ni sii ndzəŋ ghaa.

1 Jɔn 2:29

Saa khə Klisto tə a loʼ wù wey tə loʼnə tsətsəghə, saa a khə soʼonə nə̀ wù wən tə ghəŋənə ghəə a wi ghə tsətsəghə, à loʼ waa Kəzə̀.

1 Jɔn 3:18

Waa ghuŋ ghə, kə saa nə diinə ləghə zə nə idzuu kələ. Saa khə ni fədlə dii ndow ndzəm ndzəm kə iləghə kə n ghəə ghey saa ghəŋŋənə.

1 Jɔn 3:3

Wù wən tə khə ndzoʼo moʼlə zən n kow Klisto, sey sow zowwə naŋa wû u wi nə̀ tə i zow ighələ tə Klisto zownə.

1 Jɔn 4:17

A wey loʼ ghə i tii zə saa khə ni ngii khə ləghə zə n fəŋŋə kə saa, sey nə̀ saa i khə way tsəŋ i loʼ zə n tsuʼ fey Zə̀ kə i saʼanə mbi tii. Saa i tsəŋ way ghə i loʼ zə n təŋkey muu i saa i loʼ tə a loʼ muu i Yeso fa n mbi.