1 Kɔrint 9:26 - Kaa n Kəzə̀ n fəghə mə

²⁶ A wey loʼ ghə i tii zə n nyəŋənə ni zə̂. N way dzə tə̀ a loʼ wù təngɔʼ wey tə maŋa sayyənə ngɔʼ tə n luʼu tə zum tə.

1 Kɔrint 9:26 ပူးပေါင်းရင်းမြစ်များ

Matyo 11:12

Ni ney nuu tsu n tsuʼu n Jɔn Wù fuu u mmuu n Kəzə̀ mə, bə kuum bə nya, fɔ̀ɔ wə idəŋ wə n ngii fəghə ni bwey ndòw tsətsəghə n wɔ ngaamə tə aghə̂ tə, ngaamə tə aghə̂ tə a dəmə soʼonə ni bəəbə maʼa fɔ̀ɔ u tii wə.

Lukas 13:24

“Dəmə tsu na ni nyi ndow n fuʼ u ndwaw u təbə wə, n təŋkey, ndəmə aghə̂ ghə î ləghənu ni tsəghə nyi fu, jii i way tə ghə.

1 Kɔrint 14:9

A wey bɔɔmə loʼ nghee ghəə ghən a loʼnə tii, abə wù ka ghɔɔmə shi bə n ghɔɔmə zey ghə̂ a loʼ ni zowkeeli, ghə̂ ghə i keeli way ghəə zey wə mə dza i dza. Wə i maŋ loʼ tə u maŋa buʼlə nbɔŋ nə kənunu.

2 Kɔrint 5:1

Saa khənu nə̀ abə ghə saʼ maʼa tsunə fəə fə saa fən saa muunə tii tɔŋŋə vən fə uwû fə saa fən, saa khənu ndaw Zə̀ kə naŋanə tə̀ saa i doʼo tənə idəŋ. Ndaw tii, a ka bɔm dzə wù sɔŋtsuʼ.

2 Kɔrint 5:8

Ghey tɔʼ khənu, buʼu ləghə soʼo ni zəghə maʼa vən fə uwû fən, tə̀ ghey doʼo ndòw ghi Mûkəbii.

Galeshia 2:2

Mə â ndow fu, n təŋkey, Zə̀ kə â dii bə tə̀ mə nə̀ n ndow fu. Ambə n ndownə fu, mə n ghɔɔmə tsu kə ghi ngəd tey fu n dzəŋi kə dzûmə tə Klisto, tiilə dza ndow tûm i dzuŋu zən n naʼlənə tə̀ ghə̂ ghən ghə way ghə̂ a Təjuu ghə. Mə â ghəŋə sey təŋkey mə â ghə̂mə nə kə fwaʼ key n fwaʼ naŋanə nsə fwaʼ key n fwaʼanə nə naynə nə kənunu.

Efesus 6:12

N təŋkey, saa zùulə baalə dzə way ghi wù sɔŋtsuʼ. Saa zùulə baalə ghi zay u bəbə wən u loʼnə tə̀ a loʼ udə̀ŋ fa mbi, zay u bəbə wən u loʼnə tow kə n ghəə ghən a tsəghənə nə kələm, daʼa u bəbə wən u saʼanə ghəə a mbi ghə, nsə sə̀ghə̀ n bəbə mən n loʼnə idəŋ.

Filipi 1:21

Tə̀ mə, abə n muunə n muu bòʼ Klisto, nə̀ n kpuunu, à sey baa loʼ ndzuŋ tə̀ mə.

Kolose 1:29

À wey loʼ zuŋ key n kuu nyiə ndownə səŋ zə ni fwaʼ n daʼa kə səŋi kən kə fwaʼanə n kow mə nə a fuu Klisto.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

2 Timoti 2:5

Wù wən tə nyəŋə ballənə, way dzə ni nyəŋ zə̂ kəfə abə tə nyəŋə way tə laŋ u nyəŋə u tii u diinə.

2 Timoti 4:7

Mə n təm zə̂ ngəd kuŋ kə, mə u nyəŋ ndow kuum n luʼu key ghə ndow kuumnə tii nə n ka bwu n bəghəm i fə̀ŋ zuŋ.

Hibru 12:1

Nghee i loʼ nə̀ saa khənu nɔɔ kə aghə̂ kə nii kə, ghə taʼanə ghi saa, saa zəghə maʼa ghəə ghey adzəm a təʼlənə saa n bəghəm i fə̀ŋ i saa nsə ghəə a bəbə ghey a taw doʼo bə n kow saa. Saa nyəŋ n fə̀ŋ tə saa tə tədzəm ni keeli fə key Zə̀ kə təb naŋanə tə̀ saa.

Hibru 4:1

Nghee Zə̀ kə â təb naŋa dzənə tə saa nə̀ saa i nyiənu n luʼu kə wi kə zayyə kə, i nam loʼ kə sey. Saa khə ni ney ighə̂mə nə̀ kə wù loʼ i bwu khə̂mə nə̀ tə ka ndow nyi fu n luʼu kə zayyə kə tii kə.

1 Pita 5:1

N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,

2 Pita 1:10

Sey waazə ghuŋ ghə, ghaa ngii dəm tsu ni dii tsu nə̀ Zə̀ kə sày shi bənu ghaa nə̀ ghaa bə doʼo ghə̂ a wi. Abə ghaa ghəŋŋə dzənə sey, ghaa nə bwu koʼ way n bəghəm i fə̀ŋ i ghaa.