1 Kɔrint 9:25 - Kaa n Kəzə̀ n fəghə mə

²⁵ I loʼ soʼo nə̀ ghə̂ ghey ghə nyəŋə baalənə ghə maʼlə tsu iwû ni naŋa kɔʼ ndow laŋ wey u laalənə ghəə â nyəŋə ghə. Ghə ghəŋŋə sey ni keeli kənaamə nə kə i doʼo tsuŋŋə way. Abə ghey, ghey kee nyəŋə ni keeli naamə key kə doʼlə tənə nə.

1 Kɔrint 9:25 ပူးပေါင်းရင်းမြစ်များ

1 Kɔrint 15:54

Sey, abə wû wən u fwaynə nə̂ kwey doʼo bənə n wû wən u fway way, wû wən u kpunə, nə kwey doʼo bə soʼonə wû wən u kpu way, i nə dii nə̀ zə n luulə ghəə zey i tɔ̀ɔ doʼonə n màʼlə K-a-zə̀ nə̀, “Zə̀ kə n təm zə̂ və zə.”

Galeshia 5:23

ni bɔɔmə ghəŋŋə ghəə ghə nsə zuŋ kə umwam kə. Laŋ kə loʼ kə way dzə kə tuunə nə wə ka ghəŋə ghəə ghən.

1 Timoti 6:12

Kwu keeli taw tsu bəghəm i fə̀ŋ zə zə̀. Abə wə ghəŋənə sey, wə i keeli muu zə itsali tə a loʼ naamə kə. Zə̀ kə â sày wɔ nə wə keeli ndzoʼo muu i tii zə n nəŋə zey wə â dzanə nə wə bəghəm tə Klisto n sə kə ndəmə aghə̂.

2 Timoti 2:5

Wù wən tə nyəŋə ballənə, way dzə ni nyəŋ zə̂ kəfə abə tə nyəŋə way tə laŋ u nyəŋə u tii u diinə.

Taytus 1:8

Tə fəd khə ni loʼ wù wey tə kpiney dzɔbənə ghə̂ ghə, ləghə kə ghəə zey i dzɔbənə. Tə khə ni loʼ wù wey tə loʼ ni kwu keeli wû u wi, loʼ tsətsəghə, zow, khə soʼo nghee tə teyyənə ghow kə ibwey kə wi kə a tii.

Taytus 2:2

I dii ndow nyim tə agheynun tə nə̀ ghə keeli tsu fə̀ŋ tə dzuŋu tə, ghəŋŋə ndow aghəə n jìi zey ghə̂ ghə i fuunə ghə n ngɔɔmə zə, kwɔɔ tsu soʼo wû i ghə. Ghə khə ni tɔʼɔ taw n bəghəm i fə̀ŋ i ghə, khə iləghə n wû i ghə, kow tsu soʼo təfə̀ŋ n bəghəm i fə̀ŋ zey ghə khənə n kow Klisto abə a tsəmə shiə kə ghə i ghaa zə.

Hibru 12:28

Sey, saa fuu kəzɔŋŋə tə̀ Zə̀ kə nghee saa təmə dzəŋi ndownə ghə̂ ghey ghə loʼnə n fɔɔ u Kəzə̀ wən ghə i way ni noʼlə. Saa fuu kəzɔŋŋə tə̀ Zə̀ kə, saa ngii ngɔɔmə soʼo wi n jìi zey zə i ghəŋŋə nə̀ tə duʼlə,

Hibru 12:4

Nghee ghaa tsəmə dəmə kə ghi ghəə a bəbə ghə, ghaa ka kam dəm kuum dzə n jìi zey ghaa loʼ ni kpu daŋŋə tii.

Jems 1:12

Zə̀ kə i buulə wù wey tə təmi tawnə n bəghəm i fə̀ŋ i wi n nəŋə zey vəətsəə a mɔm koʼonə wi, n təŋkey, abə tə təm zə kɔʼnə, Zə̀ kə i fuu wi n muu zə itsali zən tə â təb naŋanə. À loʼ naamə kən Zə̀ kə təb naŋanə tə ghə̂ ghey ghə ləghənə wi.

1 Pita 1:4

Tə n ghəŋə nə̀ saa i ləmmə tənə nə̀ saa i keelinu fə wey tə â bayyə naŋanə tə̀ ghə̂ a wi ghə. Tə bayyə naŋa fə u tii wə tə̀ ghaa idəŋ n luʼu key fə u tii u way ni fway, way ni bəb, way soʼo ni fəd koʼ.

1 Pita 5:4

Abə ghaa ghəŋŋənə sey, abə wù wey tə loʼnə tow kə n tə̀ ghə̂ a baʼa a tənjì ghə i bənə, tə i dzəŋi bə ghaa n taŋŋə kə fɔɔ key kə loʼ nə̀, jìi zey kə nyiəllənə tii, nyiəllə i tii i nə kwey koʼ way.

2 Pita 1:6

N ghəə a Kəzə̀ ghey ghaa khənə, ghaa khə soʼo ni kwu keeli wû i ghaa. Nghee ghaa khə ni kwu keeli wû i ghaa, ghaa khə soʼo ni kow fə̀ŋ tə n nəŋə zə uchɔd. Nghee ghaa khə ni kow fə̀ŋ tə n nəŋə zə uchɔd, ghaa khə soʼo ni ghəŋŋə ndow kə ghəə ghey Zə̀ kə ləghənə.

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.

Chi dii 3:11

Mə i kuʼlə bəghənu. Tɔʼɔ kwu keeli dzɔb tsu fə̂ key wə khənə, kə wù loʼ i bəkeeli naamə kə.

Chi dii 4:10

Ngəd tey nghəm nbəghə n ghii tə təkaykə n təm ndow tənguʼ n sə kə wù wən tə doʼnə n kuu kə fɔɔ key. Ghə ngɔɔmə wù wən tə loʼnə utaw nəŋə tədzəm. Ghə n tsɔʼ maʼa taŋŋə u təfɔɔ u ghə n sə kə kuu kə fɔɔ dzaa tsu nə̀,

Chi dii 4:4

Kuu wə u təfɔɔ nghəm bəghə n ghii wə ukaykə n taʼ dzəŋ tsəghə bə n kuu kə fɔɔ key. N kuu u təfɔɔ wən, a n doʼ təngəd nghəm nbəghə n ghii tə təkaykə, nə̀ ghə n dzəŋə keeli ndzə tə fəmə tə nsə taŋŋə u təfɔɔ wə nə kətow nə̀ ghə faalə nə itsàa.