1 Kɔrint 9:24 - Kaa n Kəzə̀ n fəghə mə

²⁴ Ghaa mgbaŋ khənu nə̀ abə ghə̂ a nyəŋə baalənə, ghə̂ ghey ghə nyəŋənə ghə loʼ n ndəm, à kee loʼ nə̀ à loʼ kə wù umɔʼ tə i keelinə naamə key wù kəsə̂ i neynə. Sey, ghaa khə ni nyəŋə n jìi zey ghaa i keelinə naamə kə.

1 Kɔrint 9:24 ပူးပေါင်းရင်းမြစ်များ

Roma 6:16

Ghaa khə way nə̀ abə ghaa fuu nyi ndownə wû i ghaa zə ni zow tə wù loʼ tə a loʼ ukɔd, ghaa sey loʼ kɔd u wi. I sey diinə, ghaa loʼ ni doʼo ukɔd tə bəb zə, i ney ndow ghaa nə ivə, nkee ghaa doʼo ukɔd tə Zə̀ kə, tə ghəŋŋə nə̀ ghaa doʼo bə tsətsəghə.

1 Kɔrint 9:13

Ghaa məghənu nə̀ ghə̂ a Kəzə̀ ghey ghə fwaʼanə n Ndaw Kəzə̀ i nii zə, zəə fəzəə wey u nuu bənə n dzəŋi kə dzûmə tə Klisto ə? Ghaa məghə soʼonu nə̀ wù wey tə fwaʼanə n tsə zey ghə fəələnə maʼlə wə tii zəə n fə wey ghə̂ a bə fəələnə maʼlə wə tii ə?

1 Kɔrint 9:23

Zuŋ key n ghəŋŋənə ghəə ghən adzəm loʼ nə̀ tûm i dzuŋu zə i zam ndow, sey nə̀, mə i mbɔŋ keeli soʼo ibuulə tii.

1 Kɔrint 9:26

A wey loʼ ghə i tii zə n nyəŋənə ni zə̂. N way dzə tə̀ a loʼ wù təngɔʼ wey tə maŋa sayyənə ngɔʼ tə n luʼu tə zum tə.

Galeshia 2:2

Mə â ndow fu, n təŋkey, Zə̀ kə â dii bə tə̀ mə nə̀ n ndow fu. Ambə n ndownə fu, mə n ghɔɔmə tsu kə ghi ngəd tey fu n dzəŋi kə dzûmə tə Klisto, tiilə dza ndow tûm i dzuŋu zən n naʼlənə tə̀ ghə̂ ghən ghə way ghə̂ a Təjuu ghə. Mə â ghəŋə sey təŋkey mə â ghə̂mə nə kə fwaʼ key n fwaʼ naŋanə nsə fwaʼ key n fwaʼanə nə naynə nə kənunu.

Galeshia 5:7

Ghaa â mgbaŋa bwey dzɔbənu n muu i ghaa ghi Klisto. À ghaa â kəm kwu naŋa ndee nə̀ ghaa ka təmi tən kə nə isəŋə zən ghaa â bəghəm nə ə?

Filipi 2:16

Kwu keeli taw tsu na ghɔɔmə i Kəzə̀ zən i fuunə muu zə itsali zə, sey nə̀ n tsuʼ fey Klisto î bəghənə tii, mə̀ i ghaŋŋə wû wə nə̀ fwaʼ kən mə fwaʼ ngəə tsəghə bənə, mə â ka fwaʼ maʼa dzə nə kənunu.

Filipi 3:12

N dza dzə way nə̀ mə n keeli may ghəə a tii ghə nkee nə̀ mə n daŋŋə doʼo tən tsətsəghə. N nam dəmənu ni keeli fə̂ u tii wə, kumnə Yeso Klisto mâ ghəŋə mə nə̀ n doʼo wù wi.

Filipi 3:14

N dəmə ndow kə n sə kə, nə̀ n keeli kɔʼ kənaamə, tɔŋɔ naamə key kə loʼ idəŋ, kə key Zə̀ kə naŋanə tə̀ mə n bam i Yeso Klisto.

Kolose 2:18

I kə ghaa nə bəghəmnə nə̀ wù wən tə ghaŋŋə wû wə n muu i Kəzə̀ i ghə, ngɔɔmə soʼo tsətəndəghə tə Kəzə̀ nə̂ nəbə sə̂ a ghə̂ ghə nə ghə ngɔɔmə Kəzə̀. Ghə ghaŋŋə uwû nə̀ Zə̀ kə dii ghə n ghəə ghə nə̀ ujim boʼ moʼlə tə ghə tə bəbə tə.

Hibru 12:1

Nghee i loʼ nə̀ saa khənu nɔɔ kə aghə̂ kə nii kə, ghə taʼanə ghi saa, saa zəghə maʼa ghəə ghey adzəm a təʼlənə saa n bəghəm i fə̀ŋ i saa nsə ghəə a bəbə ghey a taw doʼo bə n kow saa. Saa nyəŋ n fə̀ŋ tə saa tə tədzəm ni keeli fə key Zə̀ kə təb naŋanə tə̀ saa.

Jems 1:12

Zə̀ kə i buulə wù wey tə təmi tawnə n bəghəm i fə̀ŋ i wi n nəŋə zey vəətsəə a mɔm koʼonə wi, n təŋkey, abə tə təm zə kɔʼnə, Zə̀ kə i fuu wi n muu zə itsali zən tə â təb naŋanə. À loʼ naamə kən Zə̀ kə təb naŋanə tə ghə̂ ghey ghə ləghənə wi.

Chi dii 3:11

Mə i kuʼlə bəghənu. Tɔʼɔ kwu keeli dzɔb tsu fə̂ key wə khənə, kə wù loʼ i bəkeeli naamə kə.