1 Kɔrint 9:23 - Kaa n Kəzə̀ n fəghə mə

²³ Zuŋ key n ghəŋŋənə ghəə ghən adzəm loʼ nə̀ tûm i dzuŋu zə i zam ndow, sey nə̀, mə i mbɔŋ keeli soʼo ibuulə tii.

1 Kɔrint 9:23 ပူးပေါင်းရင်းမြစ်များ

Malakus 8:35

N təŋkey wù wey tə ləghənə ni bəghəshi wû u wi, tə i nayyə maʼanu. Abə wù wey tə kee nayyə maʼanə muu i wi zə bòʼ mə nsə tûm i dzuŋu zə, tə i keeli muu zə itsali.

Roma 11:17

Ney kɔʼ n na kpìi kə kaʼ fə loʼ fə ghə tɔŋɔ nə̀ à loʼ oliv, ghə khəm nuu shi bənə n kaʼ fə oliv fə inaʼ fə, ghə a ndow ney bə kpìi kə n kaʼ fə oliv fə mbvən fə, bə zuŋ naŋa dzəŋi nyi bə n kaʼ fə oliv fə inaʼ fən, kə a nyîmmənə, məə bə utam nə̀ à loʼ ghaŋ tə kaʼ fən. Ghaa ghə̂ ghən ghə way ghə̂ a Təjuu ghə, ghaa loʼ tə a loʼ kpìi tə kaʼ fə oliv fə mbvən fə. Zə̀ kə n ghəŋə nə̀ ghaa keeli buulə zey tə â buulənə ghə̂ a Təjuu ghə a tii ighələ tə a loʼ kpìi kə kaʼ fə oliv fə mbvən fən ghə â zuŋ dzəŋi bənə ghi kaʼ fə oliv fə inaʼ fə.

1 Kɔrint 9:12

Abə i kpiinə tə ghə̂ a loʼ ghə ni keeli igaamə n wɔ ghaa, ghaa moʼlə nə̀ i ka kpii tə̀ ghey ni mbɔŋ keeli igaamə n wɔ ghaa buʼ tsəghəshi ghə̂ a loʼ ghey ə? Ghey a ka kee dəm dzə ni teeli ney fə wey wə â kpiinə tə̀ ghey ni ney n wɔ ghaa nghee â tsəm loʼ kənə buʼ kə ghey kə ni ney. Ghey â fəd bəghəm ni fəghə n nəŋə ghey sey nə̀ kə ghey nə təʼlə maʼanə tûm i dzuŋu zən ghey naʼlənə kuum Klisto.

1 Kɔrint 9:22

Abə n loʼnə ghi ghə̂ ghey ghə ka kam beyyə n bəghəm i fə̀ŋ i ghə, mə n doʼo bə soʼo tə a loʼ wù wey bəghəm i fə̀ŋ i wi i ka kam beyyə, sey nə̀ mə i loʼ ni kwu zə̂ bə ghə tə̀ Klisto. Sey, n bwey ufə ghi ghə̂ ghə adzəm ni ghəŋə nə̀ abə i bəb kə ngee, mə i loʼ ni bəghəshi a loʼ ghə.

1 Kɔrint 9:24

Ghaa mgbaŋ khənu nə̀ abə ghə̂ a nyəŋə baalənə, ghə̂ ghey ghə nyəŋənə ghə loʼ n ndəm, à kee loʼ nə̀ à loʼ kə wù umɔʼ tə i keelinə naamə key wù kəsə̂ i neynə. Sey, ghaa khə ni nyəŋə n jìi zey ghaa i keelinə naamə kə.

2 Kɔrint 2:4

Mə â tɔ̀ɔ bə màʼlə key tə̀ ghaa n fə̀ŋ i baŋa zə, mə â ndzəmə fəələnu n fə̀ŋ, mə n tɔ̀ɔ tənə n sə̂ mə idey mə. Mə â tɔ̀ɔ dzə way ni ghəŋə nə̀ ghaa keeli kəfəmmə. Mə â ləghə ni dii tə̀ ghaa nə̀ n ngii ləghənu ghaa.

Galeshia 2:5

Ghey â ka tsəm bəghəm dzə ghəə ghey ghə â dza bə nə̀, ni ghəŋə nə̀ ighəə imɔʼ i ka nay dzə nə isəŋə zən i loʼ nə n tûm i dzuŋu zən ghey naʼlə tə ghaa.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

2 Timoti 2:6

Wù wey tə ndzəmə ndəminə səŋ zə ni fwaʼ nə usum, à kpii wi ni ney tuʼ zə ufəzəə i wi isə abə ghə kpey fən bənə.

Hibru 3:1

Waazə ghuŋ a zow ghə, ghaa ghən Zə̀ kə tɔŋɔnə nə̀ ghaa dzəŋi doʼo ghə̂ a wi idəŋ, gaʼ ndow na fə̀ŋ tə ghaa n kow Yeso wən Zə̀ kə tûm bənə nə̀ tə bə doʼo fɔɔngili u nii nii wə tə̀ saa.

Hibru 3:14

Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.

1 Pita 5:1

N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,

1 Jɔn 1:3

À loʼ ghə i zən ghey â ndzəm koʼnə, sə i zow, ghey naʼlə bənə tə ghaa. Sey nə̀ ghaa i təmdzəŋi ghey ni keeli muu zən ghey khənə ghi Bày, tɔŋŋə Kəzə̀ ghi waa wi Yeso Klisto.