1 Kɔrint 9:19 - Kaa n Kəzə̀ n fəghə mə

¹⁹ Nghee n loʼ kənə nə̀ n fwaʼa way n tənə wù loʼ, way soʼo kɔd kə wù loʼ, mə n naŋa wû wuŋ wə nə̀ n doʼo kəkɔd tə̀ ghə̂ ghə adzəm, sey nə̀, abə jìi loʼnə n loʼ ni ndəŋ kwu zə̂ bə ndəmə aghə̂ tə̀ Klisto.

1 Kɔrint 9:19 ပူးပေါင်းရင်းမြစ်များ

Matyo 18:15

“Abə waazə wə ghəŋənə ghə i bəbə zə tə̀ wɔ, ndòw n səə wi, wə dza ndòw ghəə zey tə ghəŋə bəəbənə nə̀ ghaa loʼ kə tow ghaa ubəghə. Abə tə zownə ghɔɔmə zə zə̀, i sey dii nə̀ wə n keeli dzəŋŋə waazə wə.

Roma 1:14

I loʼ nə̀, n teeli khə ni naʼa tûm i dzuŋu zə tə ghə̂ ghə adzəm, ghə̂ ghə nkala nsə ghə̂ ghə inaʼ ghə, ghə̂ ghey ghə nyinə màʼlə kə nsə ghə̂ ghey ghə khə way màʼlə kə.

Roma 11:14

N moʼlə nə̀ fwaʼ kə tii kə loʼ ni ghəŋə nə̀ waazə ghuŋ, ghə̂ a Təjuu ghə i ghoʼo fə key ghə̂ ghən ghə way ghə̂ a Təjuu a khənə, sey, mə i loʼ ni gaamə ghə nə̀ ghə keeli ibəghəshi.

Roma 15:2

Saa khə ni ghəŋŋə ndow ghəə ghey a dzɔbənə tə̀ dzûmə tə Klisto tə loʼ tey nə̀ ghə i loʼ nə iduʼlə, sey nə̀ saa loʼ ni bəghə kɔʼ bə bəghəm i fə̀ŋ i ghə.

1 Kɔrint 10:29

N fa ghɔɔmə dzə way nə̀ a loʼ fə̀ŋ zə, zə i saʼanə wɔ, a loʼ fə̀ŋ ə wù loʼ wey. N fa ghɔɔmə dzə way bòʼ wɔ, n təŋkey, ghəə zey wù loʼ moʼlənə n fə̀ŋ ə wi khə dzə way ni kəd wɔ n ghəə zey wə ləghənə ni ghəŋə.

1 Kɔrint 10:33

À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

1 Kɔrint 7:16

Wɔ weyzən wən wə loʼnə dzûmə Klisto, wə khə way nə̀ a loʼ ni loʼ wɔ ni bəghəshi num wə ə? Nkee wɔ weynum wən wə loʼnə dzûmə Klisto, wə khə way nə̀ a loʼ ni loʼ wɔ ni bəghəshi wey wə ə?

1 Kɔrint 9:1

Ghaa khənu nə̀ n way dzə n tənə wù! Ghaa khənu nə̀ n loʼ ngəd ə Klisto! Ghaa khənu nə̀ mə n koʼ Mûkəbii saa Yeso! À loʼ nə̀ ghaa məghənu nə̀ a loʼ mə n ghəŋənə nə̀ ghaa i loʼ nə kəfə kəmɔʼ ghi Mûkəbii ə?

2 Kɔrint 12:14

À nya ndòw tənəŋə tətəghə n bayyənə ni bə n səə ghaa, sey, mə î nam nɔɔ dzə way gaamə i loʼ zə n wɔ ghaa, n təŋkey n ləghə dzə way fə̂ u ghaa wə, à loʼ ghaa n ləghənə. I loʼ nə̀, ghinətəghə a way dzə ni kəŋə fuu tə̀ ghə bày a ghə ghə, a fəd loʼ ghə bày, ghə kəŋə fuunə tə̀ waa a ghə ghə.

2 Kɔrint 4:15

Ghəə ghən adzəm a loʼ ni gaamə ghaa sey nə̀, nghee tə̀ ndzuŋ ə Kəzə̀ zaamə ndownə, ndəmə aghə̂ ghə i loʼ ni ndəŋə fuu ndow zɔŋŋə kə tə̀ Zə̀ kə ni ghəŋə nə̀ ndəmə aghə̂ ghə i fuu kɔʼləmə tə̀ wi.

2 Kɔrint 4:5

Ghey naʼlə way tûm bòʼ wû i ghey, ghey fədlə naʼlə tûm bòʼ Klisto tə loʼnə Mûkəbii. Wû i ghey, ghey loʼ ghə̂ a kəfwaʼ a ghaa bòʼ Yeso.

Galeshia 5:1

Zuŋ key Klisto â kùmshinə saa tii loʼ ni ghəŋə nə̀ kə saa nə doʼlənə kɔd wə n tənə kəlaŋ. Sey, ney na ghə̂mə zə kə wù loʼ nə kəm sii dzəŋŋə nə ghaa nə ghaa kəm doʼo ukɔd n tənə kəlaŋ.

Galeshia 5:13

Waazə, ghə Zə̀ kə a say shi bə ghaa nə̀ kə ghaa nə kəm muulənə tə a loʼ ukɔd n tənə kəlaŋ. I kə ghaa nə kee ney kɔʼɔnə nə̀ nghee ghaa kəm way kɔd wə n tənə kəlaŋ, a loʼ kəbùʼ tə ghaa ni ghəŋŋə ghəə a bəbə ghən gow uwû ghaa ləghənə ni ghəŋŋə. Fət ney na buʼ kə tii kə ni gaamə tiilə wû i ghaa nə iləghə.

1 Timoti 4:16

Ney ghə̂mə zə n jìi zey wə muunə tii nsə ghəə ghey wə diinə ghə̂ ghə tii. Təmi taw tsu kə n ghəə ghey a kpiilənə, n təŋkey, abə wə ghəŋŋə dzənə sey, wə i keeli ibəghəshi, ghə̂ ghey ghə zownə ghəə ghey wə dzanə i keeli soʼo ibəghəshi.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

1 Pita 3:1

Ghaa gheyzən ghən ghaa bəghəmnə tə̀ Zə̀ kə, khə ni zow tə nûm a ghaa ghə, sey nə̀, abə wù ghə u loʼ u ka bəghəm ghɔɔmə i Kəzə̀ zə, mwam u ghaa wə i ghəŋə nə̀ tə bəghəm tə̀ Zə̀ kə nə̀ wù loʼ ka dza ghə zə tə̀ wi,