1 Kɔrint 9:17 - Kaa n Kəzə̀ n fəghə mə

¹⁷ Abə à mə loʼ nə̀ a tsə̀m kɔʼ mə ni naʼlənə tûm i dzuŋu zən, tə n mə moʼlə nə̀ ghaa khə ni tsə mə n fwaʼ kə tii kə. À fa kee loʼ nə̀ a ka tsəm dzə mə ni fwaʼ fwaʼ kən, à loʼ Kəzə̀ kə sàynə mə nə̀ n fwaʼ fwaʼ kən tə fuu naŋanə tə̀ mə.

1 Kɔrint 9:17 ပူးပေါင်းရင်းမြစ်များ

Matyo 10:41

Wù wey tə ney naŋanə wù tûm Kəzə̀ n təŋkey tə loʼ wù tûm Kəzə̀, î keeli naamə key kə nuu bənə n wɔ wù tûm Kəzə̀. Wù wey tə ney naŋanə wù dzuŋu boʼnə tə loʼ wù dzuŋu, î keeli soʼo naamə key kə nuu bənə n wɔ ghə̂ a dzuŋu ghə.

Matyo 24:25

Ghaa zow! Mə n ghəə ghən tə̀ ghaa dza naŋa tən nə̀ nəŋə i tii i ka kam kpii.

Lukas 12:42

Mûkəbii n beeli ndòw wi nə̀, “Wù kəfwaʼ u sə̀ŋi u loʼ wù wey tə khənə tow kə, tə̀ mûkəbii wi loʼ ni gaʼ fə̀ŋ n kow wi, tə ney naŋa wi tə a loʼ wù kətow nə tə i nyaŋə fə u ghə̂ a kəfwaʼ a loʼ ghə, nsə ni fu soʼo ghə n fəzəə wə n nəŋə i ghə i zə̂ə zə.

Tùm i dzuŋu zə kuum Yeso Klisto tə Jɔn â tɔɔnə 4:36

Ghə tsəə dzɔbənu wù wey tə kpey fənənə fəzəə wə, fəzəə wey ghə ney fənə bənə loʼ aghə̂ ghə ney bənə n muu zə itsali. Sey nə̀, wù wey tə zəghə naŋanə nsə wù wey tə kpey fənənə, ghə i duʼlə dzəŋi.

1 Kɔrint 3:14

Zə̀ kə i naamənu wù wey tə bəghənə n tsə kə ndaw kə tii kə n fə wey vəllə u fəə nuulə way.

1 Kɔrint 3:8

Wù wey tə zəghənə ndzoʼ tə loʼ ighələ ghi wù wey tə vəələnə. Sey Zə̀ kə i tsəə kə kay wù n fwaʼ key tə fwaʼanə.

1 Kɔrint 4:1

Ghaa khə ni koʼo bə ghey tə̀ a loʼ ghə̂ a kəfwaʼ a Klisto ghən Zə̀ kə fuunə ghə n daʼa kə nə̀ ghə i tiilə dza bə isəŋə zey i nyi doʼonə n ghəə a Kəzə̀.

1 Kɔrint 9:16

I loʼ nə̀, n khə way ni tsɔbə fə̀ŋ abə n naʼlənə tûm i dzuŋu zə n təŋkey n khə ni naʼa tûm i tii zə. Mə i keeli ngoʼ abə n ka naʼa tûm i dzuŋu zən.

1 Kɔrint 9:18

Naamə kuŋ kə baa loʼ kee n fwaʼ kən n fwaʼanə ə? Naamə kuŋ kə loʼ ni naʼlə tûm i dzuŋu zə nə̀ kənunu, bəbə way fə kə tii. À wey loʼ ghə i tii zə n ney way fə key kə kpiinə tə̀ mə ni ney tə a loʼ wù wey tə naʼlənə tûm i dzuŋu zə.

2 Kɔrint 8:12

I loʼ nə̀ abə wə khənə zày ni fuu Zə̀ kə neynu fə̂ key wə fuunə tə̀ wɔɔ kə kə̀ kɔʼ kùmnə, à way dzə n fə̂ key wə khə way.

Galeshia 2:7

Ghə n fəd koʼ keeli bə nə Zə̀ kə n sày mə nə n naʼa tûm i dzuŋu zə tə ghə̂ ghən ghə way ghə̂ a Təjuu ghə, ighələ tə̀ tə sàynə Pita nə tə naʼa tûm i dzuŋu zə tə ghə̂ a Təjuu ghə.

Kolose 1:25

À loʼ Kəzə̀ tə sàynə mə nə̀ n doʼo wù kəfwaʼ a wi n dzəŋi kə dzûmə tə Klisto. Fwaʼ kən tə funə tə mə loʼ ni tiilə dza ghɔɔmə i Kəzə̀ tə ghə̂ ghə.

1 Tesalonika 2:4

Ghey ghɔɔmə tə ghaa tə̀ a loʼ ghə̂ ghey ghə kɔʼ kpiinə tə̀ Zə̀ kə ni fuu naŋa tûm wi i dzuŋu zə n wɔɔ kə ghə. Ghey ghɔɔmə dzə way nə̀ ghə̂ ghə i duʼlə ghi ghey. Ghey ghɔɔmə nə̀ Zə̀ kə i duʼlə ghi ghey n tənkey à loʼ wi tə saʼanə fə̀ŋ tə ghey tə.

Filemun 1:14

À kee loʼnə n ləghə way ni kwu naŋa wi nə kədaʼa nə n ka bəb zow kɔʼ dzə tə wɔ. N ləghə nə̀ i doʼo tsu nə à tsə̀m wɔ nə tə doʼo fa ghi mə, à way dzə nə a loʼ mə n tənnə nə wɔ.