1 Kɔrint 9:16 - Kaa n Kəzə̀ n fəghə mə

¹⁶ I loʼ nə̀, n khə way ni tsɔbə fə̀ŋ abə n naʼlənə tûm i dzuŋu zə n təŋkey n khə ni naʼa tûm i tii zə. Mə i keeli ngoʼ abə n ka naʼa tûm i dzuŋu zən.

1 Kɔrint 9:16 ပူးပေါင်းရင်းမြစ်များ

Matyo 25:16

Wù wey tə â khənə mbəghə wə ukhəə wə utaa n daŋŋə kaʼ ndòw ni ghəŋə bikiwən tii, keeli kpiʼi kɔʼ təbənə tii nə umbəghə utaa.

Lukas 9:62

Yeso n dza ndòw tə̀ wi nə̀, “Wù wey tə gaʼ dzə wɔɔ kə n fù ni vəllə, kəm laalə ndòw ibam, ka kɔʼ kpii dzə ni doʼo n fɔɔ u Kəzə̀.”

Kəfwaʼ 4:20

Abə ghey, ghey way ni buu doʼo nə̀ ghey ghɔɔmə way ghəə ghən ghey loʼ nə̀ ghey n koʼ mə i zow.”

Kəfwaʼ 9:15

Mûkəbii n fəd beeli ndow wi nə̀, “Ndow kənu! N təŋkey mə n wi sày nə tə fwaʼ tə mə, tə ghəŋŋə nə̀ ghə̂ ghey ghə way ghə̂ a Təjuu ghə, də̀ŋ u ghə, nsə ghə̂ ghə Izree ghə nə̀ ghə keeli wù wey n loʼnə ghii wə.

Kəfwaʼ 9:6

“Nuu kɔʼ kənu, wə nyi ndow n fə̀ŋ inaʼ. Abə wə nyi ndownə fu, wù loʼ i dza bənu tə wɔ ghəə zey wə khə ni ghəŋŋə.”

Roma 1:14

I loʼ nə̀, n teeli khə ni naʼa tûm i dzuŋu zə tə ghə̂ ghə adzəm, ghə̂ ghə nkala nsə ghə̂ ghə inaʼ ghə, ghə̂ ghey ghə nyinə màʼlə kə nsə ghə̂ ghey ghə khə way màʼlə kə.

Roma 15:17

Nghee n loʼ dzənə nə kəfə kəmɔʼ ghi Yeso Klisto, n loʼnu ni kɔʼlə uwû n fwaʼ kən n fwaʼanə tə̀ Zə̀ kə.

Roma 4:2

Abə à mə loʼ nə̀ Abraham â doʼo tsətsəghə sə K-a-zə̀ bòʼ ghə i dzuŋu i loʼ zə tə â ghəŋənə, tə mə loʼ ni tsɔbə fə̀ŋ tii, tə mə kee khə way ghə i loʼ zə ni tsɔb fə̀ŋ tii n sə K-a-zə̀.

1 Kɔrint 4:15

Abə ghaa bùʼ khə kənə ghə̂ ghə tə a loʼ təkam ighəm ghə dəŋənə ghaa nə̀ ghaa i loʼ nə kəfə kəmɔʼ ghi Klisto, ghaa khə kə bày umɔʼ. A may kə mə, mə â doʼo bə tə̀ a loʼ bày ghaa n təŋkey, ghaa â doʼo bə nə kəfə kəmɔʼ ghi Klisto nə̀ à loʼ mə n ney bənə tûm i dzuŋu zə tə̀ ghaa.

1 Kɔrint 9:12

Abə i kpiinə tə ghə̂ a loʼ ghə ni keeli igaamə n wɔ ghaa, ghaa moʼlə nə̀ i ka kpii tə̀ ghey ni mbɔŋ keeli igaamə n wɔ ghaa buʼ tsəghəshi ghə̂ a loʼ ghey ə? Ghey a ka kee dəm dzə ni teeli ney fə wey wə â kpiinə tə̀ ghey ni ney n wɔ ghaa nghee â tsəm loʼ kənə buʼ kə ghey kə ni ney. Ghey â fəd bəghəm ni fəghə n nəŋə ghey sey nə̀ kə ghey nə təʼlə maʼanə tûm i dzuŋu zən ghey naʼlənə kuum Klisto.

1 Kɔrint 9:14

À loʼ soʼo ighələ, Mûkəbii dzanə nə̀ ghə̂ ghey ghə naʼlə tûm i dzuŋu zə, khə ni zəə soʼo n bam i tûm i dzuŋu zən ghə naʼlənə.

2 Kɔrint 2:12

Nghee mə̀ â ndòwnə n naʼ i Trowas ni ndòw naʼa tûm i dzuŋu zə bòʼ Klisto, à n loʼ nə̀ Mûkəbii n chi naŋa jìi tə̀ mə ni fwaʼ fu.

Kolose 4:17

Dza ndow na tə Achipus nə tə dəm tsu ni mayyə fwaʼ kən Mûkəbii fuu naŋanə tə wi nə tə fwaʼ.